Aımaqtar • 02 Shilde, 2020

Sarysýda turmysy tómen otbasylarǵa asarlatyp úı salynýda

36 ret kórsetildi

Jýyrda ǵana Jambyl oblysynda turmysy tómen otbasylarǵa asarlatyp úı salý jobasy bastaý alǵan bolatyn. О́ńirde osyndaı jolmen alǵashqy úıdiń qurylysy Baızaq aýdanynda bastalǵan bolsa, qazirgi kezde bul bastama Sarysý aýdanynda jalǵasýda. Buql kúnde sarysýlyqtar asarlatyp baspana turǵyzyp jatyr. Igi bastamaǵa aýyl turǵyndary da atsalysýda, dep habarlaıdy Egemen.kz

Jalpy, búgingi tańda aýdan ortalyǵy Jańatas qalasyndaǵy kommýnaldyq menshiktegi turǵyn úılerden páter alý kezeginde 1807 azamat tizimde tur eken.

Olardyń ishinde 4 azamat jetim nemese ata-anasynyń qamqorlyǵynsyz qalǵan balalar sanatynda bolsa, 164 azamat kópbalaly otbasy sanatynda.

Sonymen qatar, 918 azamat áleýmettik jaǵynan álsiz toptaǵylar bolsa, 720 azamat bıýdjettik mekeme qyzmetkerleri sanatynda bolyp otyr. Sondaı-aq, 1 turǵynnyń úıi apatty jaǵdaıda esepte tur eken. Jyl basynan beri 206 azamat turǵyn úı kezegine tirkelse, túgendeý jumystary nátıjesinde 523 azamat kezekten shyǵarylǵan.

Búgingi tańda asarlatyp baspana salý jobasymen aýyl turǵyndaryn qamtý kózdelýde. Máselen, aýdannyń Túrkistan, Jańatalap, Toǵyzkent jáne Jaıylma aýyldyq okrýgterinde baspanasy joq otbasylarǵa osy tásilmen turǵyn úı salý josparlanýda. Sonymen qatar, Jańatalap aýyldyq okrýgi turǵyndary tarapynan qarjy jınalyp, bir jalǵyzbasty anaǵa turǵyn úı salynýda. Al, Toǵyzkent aýyldyq okrýgi boıynsha aýyl turǵyndary kópbalaly anaǵa ózderiniń kómek qoldaryn sozyp otyr. Qazirgi kezde atalǵan aýyldyń jastary uıymdasyp, úıdiń ishki qabyrǵalaryn sylaý, edenine beton quıý jáne jylytý júıesin jasaý jumystaryn atqarýda. Sol sııaqty Túrkistan aýyldyq okrýgi boıynsha az qamtylǵan, kóp balaly otbasyna syı retinde úı irgetasyn qalaý jumystary bastalyp ketti. Al, Jaıylma aýyldyq okrýgi boıynsha jalǵyzbasty anaǵa da osyndaı kómekter kórsetiledi.

 

Jambyl oblysy

 

 

   

Sońǵy jańalyqtar

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Uqsas jańalyqtar