Ekonomıka • 02 Shilde, 2020

Qazaqstan men álemdegi fıntehtiń damýy

8 ret kórsetildi

Elimizde onlaın-formatta Astana Finance Days konferensııasy ótýde. Onda talqylaýdyń basty taqyryby — ózgermeli álemdegi naryqtardy damytý jáne pandemııanyń jahandyq ekonomıkaǵa áseri. Qazaqstandyq jáne sheteldik sarapshylar ekonomıkalyq jaǵdaıdyń qalaı ózgeretinin, ómirimizge qalaı áser etetinin jáne qandaı tehnologııalar kóp uzamaı álemniń ajyramas bóligi bola alatynyn talqylaýda. Atap aıtqanda, jahandyq ekonomıka, qarjy tehnologııalary, kapıtal naryǵy, AHQO quqyǵy, ıslam qarjysy, sondaı-aq adamı kapıtaldy damytý sekildi baǵyttarǵa nazar aýdarylyp jatyr, dep habarlaıdy Egemen.kz 

Sarapshylardyń pikirinshe, koronavırýs búkil álemdegi kompanııalardyń josparlaryna eleýli túzetýler engizdi. Elder úkimetteriniń engizgen sharalary kompanııalardyń jumysyn ishinara nemese tolyq toqtatýǵa alyp keldi. Osy turǵyda qarjy tehnologııasy sektorynyń kompanııalarynda jańa múmkindikter paıda boldy.

Osylaısha, Tech Nation amd Dealroom esebine sáıkes, fınteh koronavırýstyq daǵdarys kezinde turaqtylyq kórsetti, al 2020 jyly Londonnyń tehnologııalyq kompanııalary barlyq venchýrlik ınvestısııanyń 39%-yn qurady. deVere Group konsaltıngtik kompanııasy júrgizgen basqa zertteý pandemııa aıasynda Eýropa turǵyndary fınteh-qosymshalardy 72%-ǵa jıi paıdalana bastaǵanyn habarlaıdy.

Qazaqstan men Ortalyq Azııadaǵy jaǵdaı da osy shamalas. Osylaısha Qazaqstanda bankter men basqa da kredıttik uıymdardyń ýaqytsha jabylýyna baılanysty qarjy ınstıtýttary ózderiniń sıfrlyq servısterin damyta bastady. Mysaly, karantın aıasynda alǵash ret kartochkalyq shottardy qashyqtan ashý qyzmeti paıda boldy. Sáýir aıynyń sońyna qaraı 1 mln-nan astam adam kartochkalyq shottardy ashýǵa onlaın ótinim berip, 700 myńǵa jýyq adam úıge jetkizýmen karta alǵan.

Fıntehtyń damýy jáne bankterge barmaı-aq alýǵa bolatyn jańa qyzmetter trendi odan ári damı beredi, dep esepteıdi sarapshylar.

Sońǵy jańalyqtar

Uqsas jańalyqtar