Álem • 02 Shilde, 2020

Búgin Apple kompanııasy taǵy 30 dúkenin jabady

36 ret kórsetildi

Apple kompanııasy birneshe shtattaǵy aýrýlar sanynyń kúrt ósýine baılanysty AQSh-taǵy 30-dan astam dúkendi qaıta jabady, nátıjesinde jabyq dúkenderdiń jalpy sany 77-ge deıin artady. Bul týraly Bloomberg habarlady, - dep jazady Egemen.kz

"Keıbir shtattardaǵy koronavırýs indetininiń órshýine baılanysty biz  dúkenderdi ýaqytsha jabamyz. Bul sharany saqtyq sharalary úshin qabyldadyq. Jaǵdaıdy muqııat qadaǵalaımyz jáne bizdiń qyzmetkerler men satyp alýshylarymyzdy jaqyn arada kóremiz dep úmittenemiz", dep habarlaıdy kompanııa ókili.

Bul habarlama Alabama, Kalıfornııa, Djordjııa, Aıdaho, Lýızıana, Nevada jáne Oklahoma shtattaryna qatysty. Al Florıda, Mıssısıpı, Tehas jáne Iýtadaǵy dúkender jabyldy.

Apple koronavırýstyń taralýyna jol bermeý úshin dúkenderin japqan alǵashqy kompanııalardyń biri. Jaqynda dúkender sanıtarlyq normalardy saqtaı otyryp ashyla bastady, biraq koronavırýsty juqtyrý sanynyń kóbeıýine baılanysty kompanııanyń satý núktelerin qaıta jabýǵa týra keldi.

Aıta ketý kerek, AQSh koronavırýstyń taralýy boıynsha álemde birinshi orynda tur: 2,8 mıllıonǵa jýyq juqtyrdy, 1,1 mıllıon saýyǵyp, 130 myń adam qaza tapty.

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar