Aımaqtar • 02 Shilde, 2020

Turǵyndardy aldap, aqsha jymqyrǵan áıel ustaldy

55 ret kórsetildi

Túrkistan oblysynyń polıseıleri turǵyndardy aldap, qarjy pıramıdasyna aqsha saldyrtqan alaıaqty ustady. Bul týraly IIM baspasóz qyzmetine silteme jasaı otyryp Egemen.kz habarlaıdy.

Saryaǵash APB–niń kezekshi bólimine 10-nan astam jergilikti turǵyndar alaıaqtyq boıynsha aryz túsirgen. Jábirlenýshilerdiń aıtýynsha, ótken jyldyń naýryz, mamyr aılary aralyǵynda ózderine jaqsy tanys emes áıel senimderine kirip, bonýstyq jobaǵa tirkep beremin, qosymsha tabys tabasyzdar dep kóndirip, qarjy pıramıdalarynyń birine aqsha saldyrtyp, sońynda joq bolyp ketken. Bir jyl boıy sandalǵan turǵyndar osy is boıynsha aýdandyq poıseılerden kómek suraıdy.​​​​​​​​​​​​​ Atalǵan jaıt Saryaǵash APB–ne QR QK–niń190-baby "Alaıaqtyq" boıynsha tirkelip, qylmystyq is qozǵaldy.

Oryn alǵan qylmysty ashyp, turǵyndardy san soqtyrǵan áıeldi ustaý maqsatynda polısııa bóliminde tájirıbeli qyzmetkerlerden jedel–tergeý toby quryldy. Polısııa qyzmetkerleri jedel-izdestirý is-sharalarynyń nátıjesinde kúdiktini ustady. Ol buryn sotty bolǵan, jergilikti turǵyn bolyp shyqty.

Tergeý barysynda polısııa qyzmetkerleri ustalǵan adamnyń barlyǵy 11 alaıaqtyq deregine qatysy baryn anyqtady. Jábirlenýshilerge keltirilgen shyǵyn kólemi 3,5 mıllıonǵa jýyq teńgeni qurady.

Qazirgi ýaqytta atalǵan jaıttar boıynsha sotqa deıingi tergeý amaldary júrgizilip jatyr. Kúdiktiniń bassharasy qolhatpen bosatyldy.

Túrkistan oblysynyń polıseıleri turǵyndarǵa qarjy máselelerin sheshýge kúmándi kómek usynatyn beıtanys adamdarǵa muqııat bolý jáne artyq senimsizdik kórsetpeý qajettigin eskertedi. Eger osyndaı qylmystardyń qurbany nemese kýágeri bolsańyz, onda "102" telefony boıynsha polısııaǵa habarlasý qajet.

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar