Aımaqtar • 02 Shilde, 2020

Jambyl oblysynda dinı ahýal turaqty

47 ret kórsetildi

Jambyl oblysynyń ákimi Berdibek Saparbaev oblystaǵy ekstremızm jáne terrorızmge qarsy kúres máseleleri jóninde jıyn ótkizdi. Jıynda oblystyq din ister basqarmasynyń basshysy Jangeldi Omarov "2018-2022 jyldarǵa arnalǵan ekstremızm jáne terrorızmge qarsy is-qımyl" baǵdarlamasynyń maqsatty ındıkatorlary men tarmaqtarynyń oryndalýy týraly baıandady, - dep habarlaıdy Egemen.kz 

Basqarma basshysy dinı toptar men qaýymdastyqtardyń radıkaldyq ıdeologııaǵa qarsy ımmýnıtetin qalyptastyrýǵa baǵyttalǵan aqparattyq-túsindirý jáne nasıhat jumystarynyń 80 paıyzǵa oryndalǵanyn jetkizdi. Al, destrýktıvti toptardyń 11 kóshbasshysymen kezdesýler ótkizilip, 3 adam qoǵamǵa beıimdelgen. "Teologtarǵa destrýktıvti aǵymdardyń jetekshilerimen jáne belsendilerimen kezdesý kóbine qıynǵa soǵady. Bul oraıda jalǵan dinı birlestikterdiń ókilderimen aldyn alý sharalaryn ótkizýde quqyq qorǵaý organdarynan kómek qajet", dedi ol. Bul rette Berdibek Saparbaev teologtardyń ımamdarmen jáne quqyq qorǵaý organdarymen ózara is-qımylynyń mańyzdylyǵyn atap ótti.

Sondaı-aq, sottalǵandardyń radıkaldy ıdeologııa men radıkalızasııaǵa qarsy ımmýnıtetin nyǵaıtýǵa baǵyttalǵan aqparattyq-túsindirý jumystarymen qamtýdyń maqsatty ındıkatordyń oryndalýy 100 paıyzdy quraǵan. 2018-2019 jyldary da bul kórsetkish osy deńgeıde bolǵan. Nátıjesinde 33 sottalýshy radıkaldy kózqarasynan qaıtqan. Aqparattyq-túsindirý toptary teolog-mamandarmen 80 paıyzǵa qamtylǵan. Top quramynda 26 dintanýshy, 1 fılosof jáne 1 fılolog jumys isteıdi. "Oblysymyzdyń 131 stýdenti elimizdiń joǵary oqý oryndarynda dinı bilim alýda desek, onyń 27-si bıyl bitiredi. Stýdentterdiń basym bóligi Almatydaǵy Nur-Múbárak ýnıversıtetinde, qalǵany ál-Farabı atyndaǵy Qazaq Ulttyq ýnıversıtetinde, Q.A.Iаsaýı atyndaǵy Halyqaralyq qazaq-túrik ýnıversıtetinde, L.Gýmılev atyndaǵy Eýrazııa Ulttyq ýnıversıtetinde, shet tilder jáne iskerlik mansap ýnıversıtetinde oqıdy", deıdi Jangeldi Omarov.

Sonymen qatar, 115 jambyldyq Qazaqstan musylmandary dinı basqarmasynyń janyndaǵy medrese men kolledjderde bilim alýda eken. Olardyń 41-i oqýyn bıyl támamdaıdy. Taraz qalasyndaǵy oblystyq ortalyq "Hıbatýlla Tarazı" meshitindegi medresede 37 shákirt bilimin shyndaýda. Al, 6 stýdent Mysyrdaǵy Ál-Azhar ýnıversıtetine Qazaqstan Musylmandary Dinı Basqarmasynyń baǵyty boıynsha oqýda. Olardyń ekeýi bıyl bitirip, dinı basqarmada qyzmet ete bastaıdy. Jıyn sońynda Berdibek Saparbaev "Konferensııalar men semınarlardy ásirese halyqaralyq deńgeıde ótkizý kerek. Der kezinde jáne tıisti deńgeıdegi sharalardy qamtıtyn aýqymdy tárbıe jumystaryn júzege asyrý arqyly ekstremızm men terrorızm kórinisteriniń aldyn alýǵa bolady. Bul turǵyda buǵan deıin atap ótkenimdeı, barlyq múddeli qurylymdardyń birlesken jumysy óte mańyzdy", dedi ol.

 

Jambyl oblysy

 

Sońǵy jańalyqtar

M.Áıtenov "Shymkent" ÁKK" AQ jumysyn synǵa aldy

Ońtústik Qazaqstan • Búgin, 19:23

Bıyl Madrıd marafony ótpeıdi

Sport • Búgin, 15:15

Qashqyn taýdyń qoınaýyndaǵy qazyna

Týrızm • Búgin, 15:07

Jerlesterimiz Máskeýde aıqasady

Sport • Búgin, 15:00

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Uqsas jańalyqtar