"SOVID-19 ınfeksııasynyń kúsheıýine baılanysty naýqastarǵa 24 saǵat boıy onlaın rejımde konsýltasııalyq kómek kórsetilmek. Atyraý oblysynyń ákimi Mahambet Dosmuhambetovtiń tapsyrmasymen biz tájirıbeli medısına mamandaryn jumyldyryp, call-ortalyq ashyp otyrmyz. Osy ortalyq arqyly oblys turǵyndary kez-kelgen saýalyna jedel, ári naqty jaýap alatyn bolady", - deıdi Nurlybek Qabdyqaparov.
Onyń aıtýynsha, turǵyndar 103, 109 jáne 112 baılanys nómirlerine habarlasyp, úı jaǵdaıynda qalaı emdelý qajettigi, oqshaýlaný tártibi, qansha mezgilde, qandaı dári-dármekterdi qabyldaý kerektigi jaıly tolyq aqparat alady. Operatorlar qońyraý shalǵan azamattardy dárigerlermen avtomatty túrde baılanystyrady.
"Qazirgi ýaqytta call-ortalyqqa 28 jalpy tájirıbelik dáriger tartyldy. Olar koronavırýs ınfeksııasyn, JRVI men pnevmonııany emdeý algorıtmine sáıkes konsýltatıvtik kómek kórsetedi. Dárigerlerdiń keńesi arqyly turǵyndar úı jaǵdaıynda qandaı em qabyldaýlary qajet ekenin biletin bolady. Bul jedel járdem jumysyn jeńildetýge septigin tıgizedi. Sall-ortalyq naýqastarǵa qazirgi jaǵdaıda, ásirese karantındik shekteý sharalary kezeńinde qaýipsiz túrde medısınalyq qyzmetke júgine otyryp, ýaqytyn únemdeýge múmkindik beredi", - dedi Nurlybek Qabdyqaparov.
