Aımaqtar • 02 Shilde, 2020

Elimizdiń ońtústiginde merzimdi áskerı qyzmetke shaqyrý júrip jatyr

26 ret kórsetildi

Túrkistan oblysy men Shymkent qalasynyń jergilikti áskerı basqarý organdarynda 1 shildeden bastap Qazaqstan Qarýly Kúshteriniń áskerı bólimderi men quramalarynda merzimdi áskerı qyzmet ótkerý úshin azamattardy shaqyrý bastaldy. Ońtústik aımaqtan kelgen 1000-nan astam jas elimizdiń ár túkpirinde ózderiniń konstıtýsııalyq mindetin oryndaıdy, dep habarlaıdy Egemen.kz

2020 jyly Túrkistan oblysy men Shymkent qalasynan 18-27 jas aralyǵyndaǵy bes myńnan astam adamdy shaqyrý josparlanyp otyr.

Áskerge shaqyrylýshylar men laýazymdy tulǵalar arasynda koronavırýs ınfeksııacynyń taralýyn aldyn alý maqsatynda, jınaý pýnktterinde profılaktıkalyq sharalardy kúsheıtý úshin medısınalyq beketter ornalasyp, onda oblystyq medısınalyq komıssııa quramyna ınfeksıonıst-dárigerler engizildi. Sonymen qatar, saltanatty shyǵaryp salý is-sharalaryna da tyıym salynady.

Jas tolyqtyrýlar áskerı bólimderge kelgennen keıin mindetti túrde PSR- ádisimen zerthanalyq zertteýden ótip, olardy eki aptalyq karantınge oqshaýlaý júrgiziledi. Karantın kezinde medısınalyq tekserý jáne áleýmettik-psıhologııalyq zertteý de qarqyn alady.

Áskerı bólimderge jáne Qarýly Kúshter quralymdaryna shaqyrý erekshelikterine sáıkes, keıbir áskerge shaqyrylýshylar alty aı boıy áskerı mamandyqtar boıynsha oqý ortalyqtarynda, atap aıtqanda tank mehanık-júrgizýshisi, bronetransporter nemese jaıaý áskerlerdiń jaýyngerlik mashınasynyń júrgizýshisi, artıllerııalyq jáne mınomet qarýynyń komandırleri men kózdeýshileri, ınjenerlik qamtamasyz etý, baılanys mamandyqtaryna mashyqtanady. Sondaı-aq, oqý aıaqtalǵannan keıin olar áskerı bólimderge jiberiledi.

Áskerı boryshyn óteýge mindettilerdi keıinge qaldyrýǵa quqyǵy bar áskerge shaqyrylýshylar sanatyn keńeıtý mańyzdy jańalyq bolyp tabylady. Endi keıinge qaldyrý qosymsha pedagogtarǵa ıaǵnı, olardyń barlyq jumys kezeńine sáıkes, sondaı-aq quqyq qorǵaý organdarynyń bilim berý mekemelerinde oqýdan ótip jatqandarǵa beriledi.

Aıta ketsek, Túrkistan oblysy men Shymkent qalasynan búgingi tańda 1600-den astam azamat UQK Shekara qyzmeti men IIM Ulttyq gvardııasynyń bólimshelerin tolyqtyrdy.

 

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar