Ekonomıka • 02 Shilde, 2020

Tabys ósip, qaryz edáýir azaıdy

21 ret kórsetildi

Fitch Ratings agenttigi Samuryq-Energonyń sheteldik jáne otandyq valıýtadaǵy uzaq merzimdi kredıttik reıtıngin "BB" deńgeıinde rastady, sondaı-aq Samuryq-Energonyń kredıtti óz betinshe tóleý qabiletin "B"-den "B+"-ke deıin jáne qamtamasyz etilmegen kredıtter boıynsha reıtıngin  "BB-"-ten "BB"-ge deıin joǵarylatty. Boljam "Turaqty", dep habarlaıdy Egemen.kz

Qarjyny anaǵurlym tıimdi paıdalana otyryp, kredıttik kórsetkishterdi jaqsartýdyń jáne Kompanııanyń valıýtalyq táýekelderin azaıtýdyń arqasynda kredıtti óz betinshe tóleý qabileti artty.

Moınaq SES-iniń AQSh dollaryndaǵy nesıesin Kompanııanyń holdıng deńgeıinde jergilikti valıýtada qaıta qarjylandyryp, AQSh dollaryndaǵy nesıeni jergilikti valıýtaǵa konvertasııalaǵannan keıin, valıýta baǵamynyń qubylmalylyǵyna ushyraý anaǵurlym qysqardy. Bul reıtıngterdiń rastalýyna yqpal etti. 2016 jylǵy 60%-ben salystyrǵanda, 2019 jyldyń sońyna qaraı shetel valıýtasyndaǵy qaryz nebári 2%-dy qurady. Sol arqyly, Agenttiktiń atap ótýinshe, Kompanııalar toby qarjylyq ıkemdiligin jáne valıýtalyq qaterlerge tótep berý qabilettiligin arttyrdy.

Rastalǵan reıtıngke qosa, Shardara SES-iniń, Moınaq SES-iniń jáne Almaty elektr stansııasynyń jańa energııa bloktary úshin Kompanııalar tobynyń 2024-2028 jyldarǵa qýatqa jekelegen tarıfter alýy týraly agenttiktiń pikiri de berilgen.

Agenttik, tutas alǵanda Kompanııanyń tabysy ósýimen qatar, qaryzynyń edáýir azaıǵanyn jáne sonyń arqasynda qarjylyq kórsetkishteriniń jaqsarǵanyn atap ótti. Odan tys, Kompanııanyń kredıttik portfeliniń quramynda halyqaralyq qarjylyq ınstıtýttardyń úlesi 30%-ten 42%-ke ulǵaıǵany atap ótildi, bul qaryzdar portfeliniń sapasy joǵary ekenin bildiredi jáne Kompanııalar tobynyń qarjylyq kórsetkishterin baǵalaýǵa aıtarlyqtaı áser etedi. Kompanııa bul oraıda halyqaralyq kredıtorlarmen ári qaraı tyǵyz yntymaqtasýdy josparlap otyr.

Kompanııa 100 paıyz memleket menshigine qarasty. Elimizde 2019 jyly generasııalanǵan elektr energııasynyń shamamen 30%-y jáne jalpy óndirilgen kómirdiń shamamen 40%-y Samuryq-Energonyń úlesinde. Samuryq-Energo defoltqa ushyraı qalsa, onyń áleýmettik-ekonomıkalyq saldaryn agenttik ortasha dep baǵalap, kompanııa óz mindettemelerin oryndaı almaǵan jaǵdaıda, enshiles qurylymdardyń operasııalyq qyzmetiniń basym bóligi jalǵasa beredi dep pikir bildirdi.

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar