Qazaqstan • 02 Shilde, 2020

Áskerı medısına qyzmetkerleriniń qosqan úlesi az emes

21 ret kórsetildi

Áskerı dárigerler men medbıkeler – búgingi kúni koronavırýstyq ınfeksııamen kúreste aldyńǵy qatarda júr. Indettiń taralý qaýpi bar jaǵdaıda Qazaqstan Qarýly Kúshteri Bas áskerı-medısınalyq basqarmasymen áskerdiń jeke quramynyń sanıtarlyq-epıdemıologııalyq jaǵdaıyn qamtamasyz etý jáne saqtaý boıynsha qajetti jumys uıymdastyryldy, - dep habarlaıdy Egemen.kz

Qarýly Kúshterde aldyn-alý jáne epıdemııaǵa qarsy ic-sharalar júrgizý men azamattyq densaýlyq saqtaý qyzmetterine kómek kórsetý úshin eki myńǵa jýyq áskerı medısınalyq personal tartyldy.

Áskerı-medısınalyq uıymdarda koronavırýs juqtyrǵan naýqas anyqtalǵan kezde áreket etý algorıtmi belgilendi. Indetti juqtyrǵandardy der kezinde oqshaýlaý jáne olarmen baılanysta bolǵandarǵa medısınalyq baqylaý júrgizý suraqtary pysyqtalǵan.

Áskerı-medısınalyq mekemeler koronavırýspen aýyratyn naýqastardy oqshaýlaý men emdeýmen aınalysady. Atap aıtqanda, Nur-Sultan qalasyndaǵy Qorǵanys mınıstrligi Bas áskerı-klınıkalyq gospıtali – karantındik jáne provızorlyq stasıonar, Almaty Áskerı-klınıkalyq gospıtali – ınfeksııalyq stasıonar, Taldyqorǵandaǵy áskerı gospıl ınfeksııalyq jáne provızorlyq stasıonar, Úsharalda ornalasqan áskerı gospıtal provızorlyq stasıonar retinde jumys atqarady.

Almatydan 30 shaqyrym jerde dalalyq jyljymaly gospıtal, shatyrly lager jáne bólek jataqhana ǵımaraty ornalasqan. Alǵashqy kúnnen bastap qosymsha koronavırýs indeti anyqtalǵan naýqastardy qabyldaý úshin basqa da eldi mekenderde de áskerı-medısınalyq qory daıyndaldy.

Bas áskerı-medısınalyq basqarmasynda áskerı-medısınalyq, onyń ishinde karantındik, provızorlyq jáne ınfeksııalyq mekemelerde 700-ge jýyq naýqas emdelip shyqqany týraly aıtyldy. Qazirgi ýaqytta emdeý jáne oqshaýlaýǵa arnalǵan 500 oryn daıyndaldy.

Odan bólek, Qaraǵandy Áskerı lazaretiniń medısınalyq personaly oblystyq klınıkalyq aýrýhanasy bazasyndaǵy provızorlyq gospıtaldiń jumysyna tartyldy. Sonymen qatar Aqtóbe, Aıagóz, «Gvardeısk», Saryózek, Semeı, О́skemendegi jeti áskerı-medısınalyq mekemelerinde karantındik, provızorlyq, ınfeksııalyq stasıonarlarynyń jumysyna qatysý úshin dárigerlik-medıbıkelik brıgadalary daıyndaldy.

Qarýly Kúshterde jeke quramdy dıagnostıkadan ótýin qajetti mólsherde qamtamasyz etý úshin jeke PTR-zerthanasy jumys júrgizýde.

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar