Koronavırýs • 02 Shilde, 2020

Qazaqstandyq dárihanalar 2 aptada 10 mıllıard teńgedeı tabys tapqan

27 ret kórsetildi

Memlekettik kirister komıteti kóshpeli tekserýlersiz farm qyzmetine taldaý júrgizdi. Dári–dármekterdi satýǵa qosymsha qun salyǵy salynbaıtyndyqtan, dárilik zattar aınalymy óndirýshiden sońǵy tutynýshyǵa deıin taýardyń tarıhyn qadaǵalaýǵa múmkindik beretin taýarlardy baqylaý júıesine kirmeıdi. Sondyqtan, taldaý belgili bir kezeńde dárihana qandaı paıda alǵanyn qadaǵalaýǵa bolatyn onlaın – BKM kórsetkishterinde qurylǵan, - dep habarlaıdy Egemen.kz. 

Jazdyń alǵashqy 2 aptasynda ǵana qazaqstandyq dárihanalar 10 mıllıard teńgeden astam tabys tapty. Alaıda barlyq kásipker naqty aınalymdardy kórsetpedi.

Respýblıka boıynsha dárihana – qyzmet túrin kórsete otyryp, barlyǵy 3 527 kásipker, 7 674 onlaın–BKM tirkegen. Onlaın–BKM engizý salyq eseptiligin kútpesten, aınalymdar somasyn ǵana emes, ótkizilgen taýar, jumys nemese qyzmet úshin esep aıyrysý kezinde ony qoldanbaıtyn kásipkerlerdi de monıtorıng júrgizýge múmkindik beretinin atap ótý qajet.

Mysaly, 868 dárihana ıesi onlaın–BKM qoldanbaıtyny anyqtaldy, bul rette olar óz qyzmetin toqtatqan joq. 239 dárihana belgili bir kúnderi chekterdi shyǵarady, keıbir kúnderi onlaın–BKM paıdalanylmaıdy, ıaǵnı, nól boıynsha túsim jasap otyr.

Kúndizgi túsimi 5000 teńgeden kem bolatyn 99 dárihana bar. Kún saıyn bir túsimdi kórsetetin dárihanalar bar, mysaly, dál 700 nemese 1000 teńge. Nátıjesinde, 3 527 dárihananyń ishinen adal jáne zańǵa moıynsunǵandary – 60 paıyzy nemese 2137 dárihana naqty aınalymdardy kórsetti.

Osyǵan baılanysty Memlekettik kirister komıteti azamattardy taýarlardy, jumystar men qyzmetterdi satyp alý kezinde chekterdi talap ete otyryp, azamattyq belsendilik tanytýǵa shaqyrady.

 

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar