Qazaqstan • 02 Shilde, 2020

8 elden 15 fınteh-startap irikteldi

23 ret kórsetildi

Fintechstars Innovation Day startaptar marafony Onlaın Astana Finance Days aıasynda ótti. "Astana" Halyqaralyq Qarjy Ortalyǵynyń (AHQO) Fınteh Haby 8 elden 15 startapty iriktep aldy. Bul startaptar KPMG, Sberbank, VTB, Al Hilal Bank, Microsoft, Beeline, Halyk Bank sekildi Ortalyq Azııa korporasııalaryna óz sheshimderin usyndy. Sharanyń bas seriktesi Mastercard halyqaralyq tólem júıesi ekenin aıta keteıik, - dep habarlaıdy Egemen.kz.

Startaptardyń arasynda:

  • Multis (Qazaqstan) - eń jaqsy nesıelik usynysty izdeý.
  • ARNI.io (Reseı) - sóılesetin jasandy ıntellekt, adam retinde sóılesetin aqyldy izdeý júıesi.
  • Boollo.Safe (Gonkong) - saqtandyrý kompanııalary arasynda eń jaqsy usynysty tańdaýǵa múmkindik beretin saqtandyrý platformasy.
  • Upswot (Ýkraına) - bankterge shaǵyn jáne orta bıznestiń bıznes júıelerine API qoldaýymen kirýge kómektesedi.
  • eCredit (Reseı) - avtokólik óndirýshileri men dılerleri úshin nesıelik jáne saqtandyrý ónimderin satýdy basqarýǵa arnalǵan platforma jáne t.b.

Startaptar úshin banktermen, saqtandyrý kompanııalarymen, mobıldi operatorlarmen jáne Ortalyq Azııadaǵy bólshek saýda oryndarymen kezdesýler uıymdastyrylady.

"Is-shara joǵary deńgeıde ótti, men Fintechstars Innovation Day barlyq qatysýshylary men uıymdastyrýshylaryna tamasha uıymdastyrǵany jáne qyzyqty oqıǵalary úshin alǵys aıtamyn. Mastercard birneshe jyl boıy AHQO-men qolma-qol aqshasyz ekonomıka men tólem tehnologııalaryn engizýge baǵyttalǵan jobalardy jasaýda jumys istep keledi jáne biz Fınteh Hab qyzmetiniń úlken paıdasyn kóremiz, ony damytý úshin óte úlken qyzmet salasy bar, onyn kómegimen qarjylyq jáne basqa sheshimder men tehnologııalardy júzege asyrýǵa bolady. Biz barlyǵyna odan ári tabys tileımiz", - dedi Qazaqstandaǵy, Qyrǵyzstandaǵy, Tájikstandaǵy, Túrkmenstandaǵy jáne О́zbekstandaǵy Mastercard bas dırektory Rafal Trepka.

"Qazaqstan jáne jalpy Ortalyq Azııa qarjylyq ınnovasııalardy engizý úshin úlken áleýetke ıe. Is-sharaǵa daıyndyq kezinde biz 15 eldiń 65 startap-kompanııalarynan  ótinim qabyldadyq, bul óz kezeginde aımaqtyń tartymdylyǵyn kórsetedi. Fınteh startaptardyń sheshýleriń bankterde, saqtandyrý, telekommýnıkasııa kompanııalarynda jáne bólshek saýdada júzege asyrýdyń kóptegen múmkindikteri bar. Sondyqtan bizdiń maqsattarymyzdyń biri – bul álemniń kóptegen ozyq startaptaryn tartý", - dedi AHQO Fınteh Habynyń startaptardy qoldaý baǵdarlamalarynyń jetekshisi Taras Volobýev.

Osyndaı sıpattaǵy oqıǵalar aımaqtaǵy fınteh-sektordyń damýyna serpin beredi. AHQO Fınteh habynda 120-dan astam Fintech startaptardyń tájirıbeden ótýge, korporasııalarmen baılanys ornatýǵa, túrli is-sharalarǵa qatysýǵ múmkindikteri bar. Sonymen qatar, AHQO aǵylshyn quqyǵyna negizdelgen kóp fýnksııaly quqyqtyq platformany, qolaıly salyq rejımin jáne Ortalyqtyń rezıdent kompanııalardyń operasııalyq qyzmetin yntalandyrady.

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar