Aımaqtar • 02 Shilde, 2020

Joǵary oqý ornyn qalaı tańdaýǵa bolady?

120 ret kórsetildi

Qazirgi ýaqytta ár túlektiń aldynda qalaǵan mamandyǵyna sáıkes ýnıversıtetti tańdaý mindeti tur. Osyǵan oraı, Abaı atyndaǵy QazUPÝ psıhology Baqyt Jigitbekov túlekterge joǵary oqý ornyn qalaı tańdaýǵa bolatyndyǵy týraly keńesterin usyna otyryp, osydan birneshe jyl buryn Abaı atyndaǵy QazUPÝ-ǵa túsip, durys tańdaý jasaǵandyǵymen bólisti, dep habarlaıdy Egemen.kz

"Men osydan birtalaı jyl buryn Abaı atyndaǵy Qazaq ulttyq pedagogıkalyq ýnıversıtetin tańdadym. Tańdaýyma negiz bolǵan bul oqý orny Qazaqstandaǵy alǵashqy joǵarǵy oqý orny. 1928 jyly ashyldy jáne ár túrli ǵylym salalary men mamandyqtar boıynsha kóp tájirıbe jınaqtalǵan. Pedagogıka men onyń ádistemesi salasy boıynsha alǵan bilimim osy kúnge deıin senimdi maman bolýyma kómektesti.Sol alǵan tájirıbeme súıene otyryp, joǵary oqý ornyn qalaı tańdaýǵa bolatyny jaıly tómendegideı keńester usynamyn", deıdi B.Jigitbekova.

Tańdaǵan joǵary oqý orny men mamandyqtyń da akkredıtasııadan ótkendi týraly aqparat alý kerek. Ýnıversıtettiń statýsyn jáne bilim berý salasy naryǵyndaǵy ózin kórsete alý ornyn bilýde de mańyzdy. Sonymen qatar joǵary oqý ornynyń talaı jylǵy tarıhy da sol joǵary oqý ornyna degen senimdilikti arttyrady.

Tańdaǵan oqý ornynyń bilim berý baǵdarlamalarymen tanysý. Ol baǵdarlamalardy ıgergende "Qandaı mamandyq ıesi bolyp shyǵamyn?" -degen suraqqa jaýap alý maqsatynda tańdaǵan mamandyqtyń baǵdarlamalarymen tanysyńyz. Esińizde bolsyn, siz tańdaǵan mamandyqtyń baǵdarlamalary basqa joǵary oqý orny badarlamalarymen birdeı bolmaıdy. Sol sebepten artyqshylyqtary men kemshilikterin tarazyǵa salyp, óz júregińizden ótkize alý kerek. Bolashaqta súıikti mamandyǵyǵyńyzdyń ıesi bolýyna mamandyq baǵdarlamalarynyń praktıkaǵa baǵyttalyp qurastyrylýyn da qadaǵalańyz.

Joǵary oqý orny memlekettik nemese memlekettik emes pe onyń da ózindik ereksheligi bolady. Memlekettik joǵary oqý oryndary memlekettik suranysty qanaǵattandyrý maqsatynda bıýdjettik oryndar kóbirek bólinýi múmkin. Biraq tańdaý óz erkińizde.

Aqyly bólimde oqıtyn bolsańyz, oqý aqysynyń ınflıasııaǵa baılanysty qansha paıyzǵa ósip otyratynyn nemese eshqandaı ósim bolmaıtynyn anyqtap alyńyz. Oqý aqysyn tóleýde tıimdi keste ıaǵnı semestrge bólip tóleý múmkindigi týraly da anyqtaý artyq bolmaıdy. Ýnıversıtet tarapynan beriletin jeńildikterdi bilý qajet.

Joǵary oqý ornynyń jatahanamen qamtamasyz ete alatyny jaıly málimet alyńyz. Jatahanada orynnyń da jetkilikti bolýyna nazar aýdaryńyz. Jatahananyń korpýstan alys ornalaspaýy da, siz tańdaǵan oqý orny týraly jaǵymdy sıpat bere alady. Sonymen qatar oqý korpýstarynyń tehnıkalyq quraldarmen jabdyqtalýy, ashananyń bolýyna da mán aýdaryńyz.

Joǵary oqý ornynyń professor-oqytýshylar quramy da mańyzdy oryn alady. Basym bóliginiń ǵylym doktorlary men ǵylym kandıdattarynyń bolýy magıstrik jáne doktorlyq dıssertasııany qorǵaýda jetekshilik jasaýǵa múmkindik bolady. Joǵary oqý ornynyń ǵylymı bedelin arttyryp, jańa ǵylymı jobalalar jasaýǵa kómek beredi. Sonymen qatar sheteldik joǵary oqý oryndarmen akademııalyq baılanystary týraly da aqparattar alý sizdiń tolyq sol oqý ornyn tańdaýǵa degen senimdilikti arttyrady.

Stýdenttik ómir tynysy da oqý ornyn tańdaýda ózindik róli bar. Jastar uıymy, stýdenttik klýbtar, basqa da uıymdar sonymen qatar stýdentterdiń áleýmettik máselesin naqty sheshe alatyn ortalyqtyń bolýy da mańyzdy.

Sondaı-aq, joǵary oqý orny basshylyǵynyń ashyqtyǵyn jáne onyń bilim alýshylarmen keri baılanysyn eskerý mańyzdy.

 

 

 

 

 

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Uqsas jańalyqtar