Qazaqstan • 02 Shilde, 2020

Karantıninen keıin korporasııalar men startaptar úshin jańa múmkindikter bar ma?

10 ret kórsetildi

Jumys sessııasynda sarapshylar pandemııadan keıin korporasııalar men startaptar úshin múmkindikterdi talqylady. Reseılik GenerationS akseleratorynyń korporatıvti baǵytynyń jetekshisi Irına Martynova, Skandınavııadaǵy jetekshi akselerator Accelerace kásiporyndarynyń skaýtıng bóliminiń jetekshisi Djek Peters jáne Bitfury blokcheın kompanııasynyń Qazaqstandaǵy dırektory Tımýr Baırov sóz sóıledi, dep habarlaıdy Egemen.kz

Pandemııa jaǵdaıynda tehnologııalyq orta qarqyndy damýda, búkil naryqtar men bıznes modelder ózgerýde. Negizinen qatań retteletin korporasııalar úshin ınnovasııany basqarý qıyn, biraq ómir súrý úshin bul óte mańyzdy. Bul máseleniń sheshimi korporatıvtik ınnovasııa salasynda. Sarapshylar kompanııada ınnovasııalyq qyzmetti iske qosý jáne qalpyna keltirý jospary týraly talqylap, keńester berdi. Korporasııalar startaptarmen birlesip jańa tehnologııalardy engize alady. Bul kiristi arttyrýǵa jáne shyǵyndardy azaıtýǵa kómektesedi.

"Innovasııaǵa baǵyttalǵan kez-kelgen kompanııa úshin ınnovasııalyq qyzmetti qalpyna keltirýdi neden bastaý kerektigin, durys josparlaýdy jáne kútiletin nátıjege qalaı jetý kerektigin túsiný mańyzdy", - dep túsindirdi GenerationS akseleratorynyń korporatıvtik baǵytynyń jetekshisi Irına Martynova.

Accelerace kásiporyndarynyń skaýtıng boıynsha dırektory Djek Pıters, startap qaýymdastyǵy Skandınavııa men Soltústik Eýropa elderinde belsendi damyp kele jatqanyn atap ótti, al korporasııalar óz kezeginde startaptarmen qalaı jumys isteýge bolatyndyǵy týraly naqty túsinik qalyptastyrýda.

"Korporatıvtik ınnovasııany damytý taqyryby tek Qazaqstanda ǵana emes, sonymen birge búkil Ortalyq Azııa naryǵynda qarqyn alýda. Korporatıvtik ınnovasııalar departamenti jáne búkil AHQO Fınteh Haby aıasynda biz kompanııalar, startaptar jáne memlekettik organdar úshin sarapshylardy tartý orny men jelilik alań quramyz. Osylaısha biz birlesken pılottyq jobalardy, IT-kompanııalar men naqty bıznes jáne startaptar arasyndaǵy yntymaqtastyqty damytýdyń korporatıvtik baǵdarlamalaryn bastaı alamyz», - dedi AHQO Fınteh Habynyń korporatıvti ınnovasııalar bóliminiń basqarýshysy Álim Hamıtov.

Pandemııa kezinde startaptar ózderiniń jelisin synı túrde keńeıtedi, seriktes jáne saraptamalyq qaýymdastyqtar arasynda suranysty rastaıdy, naryqpen ózara árekettesedi jáne startap jumys isteýge arnalǵan quraldar men resýrstar bar ekendigin kórsetedi.

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar