Aımaqtar • 02 Shilde, 2020

Oralda Bobrov tynys alý apparaty qurastyrylady

96 ret kórsetildi

Batys Qazaqstan oblysynda koronavırýs indetimen kúresti kúsheıtý maqsatynda arnaıy jıyn ótti. О́ńir basshysy Ǵalı Esqalıev medısına ardagerlerimen, densaýlyq saqtaý jáne emdeý mekemeleri basshylarymen osy máseleni talqylady, - dep habarlaıdy Egemen.kz. 

О́ńirde dári-dármek tapshylyǵyn azaıtý úshin «Talap» AQ dárihanalaryna 300 myń parasetamol, 45 myń paket asetılsalısıl qyshqyly, "Stofarm" JShS dárihanalaryna 2 myń seftrıakson, 1 myń dana SEF3, 150 dana №50 groprınosın alyndy. 4 shilde kúni "Medservıs Plıýs" JShS-ne 75 300 dana antıbıotık jetkiziledi.

2020 jyldyń 10 shildesine deıin oblysqa parasetamol, asetılsalısıl qyshqyly, analgın, antıbıotıkterdiń qosymsha partııasy jetkiziletin bolady.

Sondaı-aq, Qazaqstannyń Reseıdegi elshiligi arqyly reseılik óndirýshilermen antıpıretıkalyq, qabynýǵa qarsy preparattar men antıbıotıkterdi jetkizý boıynsha kelissóz júrgizilýde. Belarýs Respýblıkasynyń Borısov zaýytymen kelisim jasalǵan.

Halyqty dári-dármekpen qamtamasyz etý úshin negizgi dárihanalardyń ıelerimen dári-dármekti belgilengen baǵamen jáne bir adamǵa 5 danadan artyq satpaý týraly kelisim jasaldy. Dárihanalarda bakterııaǵa jáne vırýsqa qarsy preparattar dárigerdiń kelisimi boıynsha satylady.

Sonymen qatar, qalalyq dárihana jelilerinde dári-dármek baǵasyn negizsiz ósirýshilerdi anyqtaý maqsatynda arnaıy jumys toby reıd uıymdastyryp júr. Osynyń nátıjesinde "Maýtova A.J." jáne "I.P.Sýltanbekova" dárihanalarynda shekti baǵany kóterý faktisi anyqtalǵan. Al óńir dárihanalaryndaǵy dári-dármek boıynsha aqparat www.stopcovid.kz saıtyna jarııalanady.

Densaýlyq saqtaý basqarmasynyń málimetinshe, óńirdegi medısınalyq uıymdar dári-dármekpen tolyq qamtamasyz etilgen. Koronavırýs ınfeksııasy bar naýqastardy emdeý úshin aımaqtaǵy barlyq medısınalyq mekemeler antıpıretıkalyq, vırýsqa qarsy preparattar men antıbıotıktermen qamtylǵan.

Búgingi tańda jedel járdem stansııasynda 63 tehnıka qyzmet etýde. Aldaǵy qyrkúıek aıynda jańadan 35 reanımobıl men 2 jedel járdem kóligi alynbaq.

Jergilikti kásipkerlerdiń qoldaýymen kópbeıindi qalalyq aýrýhanada qosymsha 140 oryndyq ınfeksııalyq aýrýhana ashylatyn boldy. Buǵan deıin karantındik aýrýhana retinde paıdalanýǵa josparlanǵan oblystyq aýrýhananyń II korpýsynda 130 oryndyq provızorlyq aýrýhana ashylady. Sondaı-aq, burynǵy №2 perzenthana bazasynda qosymsha aýrýhana jáne QPO qarajaty esebinen juqpaly aýrýlar aýrýhanasyn ashý máselesi qarastyrylýda. Buǵan qosa, aýdandardaǵy juqpaly aýrýlar aýrýhanalarynda kereýet sanyn kóbeıtý jumysy bastalǵan. Tájirıbeli medısına qyzmetkerlerin onlaın keńes ótkizý sharalaryna tartý kelisildi. Naýqastardy úıine baryp josparly emdeý úshin emhanalarǵa 12 avtomobıl bólinetin boldy.

О́ńirdegi qazirgi eń úlken másele – kadr tapshylyǵy jáne ottegi konsentratorynyń jetispeýshiligi bolyp otyr.

Dárigerlerge júktemeni azaıtý úshin Oral qalasyndaǵy Joǵarǵy medısınalyq kolledjdegi feldsherler men medbıkelerdi jedeldetip oqytý qolǵa alyndy. Sondaı-aq, elimizdiń basqa qalalarynan ýnıversıtet túlekteri keledi dep kútilýde.

Osy keńeste aıtylǵan jańalyq – aldaǵy 10 kún ishinde Oraldaǵy kásiporyndardyń birinde Bobrovtyń modıfıkasııalanǵan tynys alý apparattaryn qurastyrý jolǵa qoıylatyny belgili boldy.

О́ńir basshysy Ǵalı Esqalıev medısına ardagerleri men jekemenshik medısınalyq mekeme basshylaryn ortaq qaýip-qaterge birlese qarsy turýǵa shaqyrdy.

"Qazir biz úshin kez-kelgen kómek mańyzdy. Bizge mamandar, ǵımarattar, demeýshilik qajet. Másele ortaq jáne ony birge sheshý kerek", - dedi Ǵalı Esqalıev.

Sońǵy málimet boıynsha Batys Qazaqstan oblysynda koronavırýstyń sımptomdy túrine 1547 adam, sımptomsyz túrine 1338 adam shaldyqqan. 66 naýqastyń jaǵdaıy aýyr. Aýrýǵa shaldyqqan 21 sábıdiń jaǵdaıy ortasha deńgeıde. Jasandy ókpe jeldetkishine 13 adam qosylǵan. Búginge deıin koronavırýstan oblysta 10 naýqas qaıtys boldy.

 

Batys Qazaqstan

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar