Qazaqstan • 02 Shilde, 2020

5 shildeden bastap shashtaraz, bazarlar men meshitter qaıta jabylady

582 ret kórsetildi

Qazaqstanda epıdemıologııalyq ahýaldyń órshýin jáne koronavırýs ınfeksııasymen syrqattanýshylyqtyń ósýin eskere otyryp, Memlekettik komıssııa bıylǵy 5 shildeden bastap 14 kúnge kelesi shekteý sharalaryn engizý týraly sheshim qabyldady, - dep jazady Egemen.kz

Myna nysandardyń qyzmetine tyıym salý kerek:

  1. Sulýlyq salondary, shashtaraz, sport zaldary, fıtnes ortalyqtar, basseınder, azyq-túlik jáne azyq-túliktik emes jabyq bazarlar, jaǵajaılar, akvaparkter, mádenıet nysandary, mýzeıler, kórmeler, forýmdar, konferensııalar jáne ózge de uıymdastyrylǵan buqaralyq is-sharalar, oıyn-saýyq ortalyqtary, mektepke deıingi balalar mekemeleri (kezekshi toptardan basqa), dinı nysandar jáne t. b. (SOSO-daǵy oıyn-saýyq ortalyqtary, oıyn-saýyq nysandary (karaoke, bılıard, kompıýter klýbtary, boýlıng ortalyqtary), kınoteatrlar, balalardy saýyqtyrý lagerleri, fýdkorttar, banket zaldary).

  2. Memlekettik organdardyń (uıymdardyń), keńselerdiń, ulttyq kompanııalardyń jáne ózge de uıymdardyń qyzmetkerleriniń keminde 80%-nyń qashyqtan jumys isteý rejımin saqtaý;

  3. Aldyn ala jazylý boıynsha medısına ortalyqtarynyń qyzmetin saqtaý;

  4. Dárihanalardyń, azyq-túlik dúkenderiniń, ashyq bazarlardyń qyzmetin saqtaý;

  5. Kúsheıtilgen sanıtarlyq-dezınfeksııalyq rejımdi saqtaı otyryp, kelesi nysandardyń qyzmetin saqtaý: ashyq aýada qoǵamdyq tamaqtaný nysandary; úzdiksiz óndiristik aınalymy bar qurylys, ónerkásip kásiporyndary; ashyq aýadaǵy qurylys jumystary; aýyl sharýashylyǵy, balyq sharýashylyǵy jáne mal sharýashylyǵy jumystary; halyqqa qyzmet kórsetý salalary, onyń ishinde avto jýý, avtomobılderdi jáne turmystyq tehnıkany jóndeý, HQKO-lar, ekinshi deńgeıli bankter (ýaqyt boıynsha shekteý engizýmen).

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar