Aımaqtar • 02 Shilde, 2020

Astana kúnine Almatyda zamanaýı Stýdentter úıiniń irgetasy qalandy

44 ret kórsetildi

Astana kúni qarsańynda jáne bes áleýmettik bastamany júzege asyrý baǵdarlamasy aıasynda ál-Farabı atyndaǵy Qazaq Ulttyq ýnıversıtetinde 1250 oryndyq, barlyq jaǵdaıy jasalǵan, zamanaýı Stýdentter úıiniń qurylysy bastaldy.

Jańa jataqhananyń irgetasyn qalaý rásimine ýnıversıtet basshylyǵy, ınvestor men qurylys kompanııalarynyń, qoǵam jáne BAQ ókilderi, ýnıversıtet oqytýshylary men stýdentteri qatysty.

Saltanatty sharada sóz alǵan QazUÝ rektory, akademık Ǵalym Mutanov stýdentterdi turǵyn úımen qamtamasyz etý máselesin sheshýge memleket erekshe kóńil bólip otyrǵanyn atap ótti. Bul mańyzdy mindetti bes áleýmettik bastamany júzege asyrý aıasynda Tuńǵysh Prezıdent N.Nazarbaev qoıǵan bolatyn. Ýnıversıtet osy baǵytta dáıekti jumys isteýde. Jańa Stýdentter úıiniń qurylysyn bir jyldan keıin aıaqtaý josparlanyp otyr.

Aıta keterlik jaıt, onyń qurylysy memlekettik-jeke menshik áriptestik negizinde júzege asyrylýda,  ınvestor – "Baikadam" kompanııasy, al qurylysshy kompanııa "SK Samuryq-Qurylys" JShS. Jalpy kólemi 22,5 myń sharshy metrdi quraıtyn toǵyz qabatty ǵımaratta ashana, kompıýterlik synyptar, demalys oryndary, mádenı-turmystyq nysandar bolady. Stýdentter ájethana jáne sebezgimen jabdyqtalatyn eki oryndy bólmelerde turatyn bolady.

Sońǵy jyldary QazUÝ QS jahandyq reıtıngisinde 165-oryndy ıelenip, osylaısha álemniń eń úzdik 200 JOO-nyń qataryna kirip aıtarlyqtaı halyqaralyq jetiskisterge ıe boldy.

Bul kúnde ulttyq ýnıversıtette bilim alǵysy keletin túlekterdiń sany da artyp keledi, olardyń qatarynda shetel azamattary da bar. Kóptegen stýdentter turǵyn úıge muqtaj, al jańa jaıly jataqhana salý bul máseleni sheshýge múmkindik beredi.

Almaty

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar