Qazaqstan • 02 Shilde, 2020

Shymkentte taǵy bir "Antikor Ortalyǵy" ashyldy

103 ret kórsetildi

Shymkent qalasynda "Antikor ortalyǵy" servıstik ortalyǵy ashyldy. Sharaǵa QR Sybaılas jemqorlyqqa qarsy is-qımyl agenttiginiń Tóraǵasy Alık Shpekbaev VKB arqyly onlaın-formatta qatysty. Ortalyqtyń ashylýy Elorda kúnin merekeleýge arnaldy, dep habarlaıdy Egemen.kz 

Ashylý saltanatyna Shymkent qalasynyń ákimi M.Aıtenov, Agenttik Departamentiniń basshysy A.Jumaǵalı, sonymen qosa qoǵamdyq uıymdardyń ókilderi qatysty.

"Antikor ortalyǵy" – azamattarǵa bilikti mamandardan jaıly jaǵdaıda jedel zańdyq keńes alýǵa múmkindik beretin dıalog alańy. Ortalyqqa kez-kelgen azamat júgine alady: Sybaılas jemqorlyqqa qarsy qyzmettiń qyzmetkerleri kún saıyn  qabyldaıdy.

Servıstik ortalyqty ashýǵa tutynýshyǵa baǵdarlaný qaǵıdattaryna saı kelýshilerge yńǵaıly front-keńse men open space formatynyń tıimdi úılesimi negiz bolǵan.

Antıkor-ortalyǵynyń alańynda «Shymkent – Adaldyq alańy» men "Protecting business and investments" jobalyq keńseleri jumys isteıtin bolady. Munda "Adaldyq alańy" jobalyq keńsesi men arnaıy monıtorıng top múshelerine, azamattardy qabyldaýǵa kabınetter, májilis zaly qarastyrylǵan.

Agenttik Tóraǵasy óziniń quttyqtaý sózinde halyqpen jumys isteýdiń mańyzdylyǵyn atap ótti: "Biz kún saıyn memlekettik qyzmetshiler men azamattar arasyndaǵy qarym-qatynastyń barynsha ózgerip jatqanyn baıqap júrmiz. Sheneýnikter óz oıyn tártibin belgilep, al azamattar oǵan baǵynatyn jabyq prosester barlyq álemde kelmeske ketýde. Qazir basymdyqtar ózgerýde, endi bıýrokratııaǵa emes, azamattardyń qajettilikterine den qoıylýda, tutynýshyǵa baǵdarlaný aldyńǵy orynda tur. Agenttik te óz qyzmetinde osy qaǵıdatty ustanady jáne jemqorlyqtyń saldarymen kúrespeı, onyń aldyn alý úshin azamattardyń shaǵymdarymen jumysqa kóp kóńil bóledi", dedi ol. 

О́z kezeginde, Shymkent qalasynyń ákimi M.Aıtenov: "Qazirgi tańda Shymkent qalasynda  kórsetiletin  164 memlekettik qyzmettiń 88,1% avtomattandyrylǵan. Bul jemqorlyqty azaıtýǵa, qoǵamnyń memlekettik organdarǵa senimin arttyrýǵa baǵyttalǵan quqyqtyq-ákimshilik jáne uıymdastyrýshylyq sharalardy iske asyrýǵa múmkindik beredi", - dep atap ótti.

Osy oraıda, Sybaılas jemqorlyqqa qarsy qyzmettiń bastamasymen "Antikor ortalyǵy" elimizdiń barlyq óńirlerinde ashylyp jatqanyn eske salamyz.Qazirgi tańda 16 servıstik ortalyqta azamattardy qabyldaıdy.

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar