Qazaqstan • 02 Shilde, 2020

Alekseı Soı koronavırýsqa qarsy kúres boıynsha 6 sharany usyndy

164 ret kórsetildi

Densaýlyq saqtaý mınıstri Alekseı Soı Sovid-19 qarsy kúresti kúsheıtý boıynsha alty negizgi sharany usyndy. Bul týraly mınıstrliktiń baspasóz qyzmeti habarlady, - dep jazady Egemen.kz

Birinshiden. Ambýlatorııalyq kómek.
Koronavırýs ınfeksııasyna kúdikti, sımptomsyz jáne indettiń jeńil túrine shaldyqqan pasıentterge ambýlatorııalyq kómekti mobıldi kóshpeli brıgadalar kórsetetin bolady. Búginde 380 brıgada bar, shamamen 3 myń brıgada qurý josparlanýda. Emhanalarǵa tirkelgen halyqqa ýchaskelik dárigerler men beıindi mamandar qashyqtan konsýltasııalyq kómek berýdi jalǵastyrady. Emhanaǵa belgili bir aıǵaqtar boıynsha júgingen pasıentterge karantındik fıltr arqyly qyzmet kórsetiledi.

Ekinshi. Jedel járdem.
Jedel járdem avtokólikteriniń tapshylyǵy jaqyn arada ákimdiktermen birlesip medısınalyq emes uıymdardyń rezervi esebinen sheshiledi. Respýblıkalyq bıýdjetten 807 jedel járdem kóligi satyp alynady dep kútilýde. Jergilikti atqarýshy organdar túrli resýrstar arqyly qosymsha Corona-taxi uıymdastyrý týraly usynys engizdi.

Úshinshi. Stasıonarlyq kómek.
COVID-19 juqtyrǵan pasıentterge stasıonarlyq kómektiń burynǵy qurylymy ózgertildi. 13 myń tósegi bar karantındik stasıonarlar baılanysta bolǵan adamdar úshin provızorlyq jáne juqpaly aýrýlar aýrýhanasyna qaıta beıindeledi. Memleket basshysynyń tapsyrmasyn oryndaý úshin sońǵy úsh táýlik ishinde COVID-19 rastalǵan pasıentter úshin qosymsha 1,5 myń tósek jáne COVID-19 kúdikti pasıentter úshin 5 myń provızorlyq tósek ashyldy. Búgingi tańda 333 uıymda 20 myń ınfeksııalyq jáne provızorlyq tósek bar, olardyń 60 paıyzynda naýqastar jatyr. Pnevmonııaǵa shaldyqqan pasıentter basym.

Tórtinshi. Stasıonarlardy medısınalyq tehnıkamen jáne dárilik zattarmen qamtamasyz etý.
Jańadan ashylǵan stasıonarlar úshin qolda bar 3,3 myń О́JJ apparatyna qosymsha 978 apparat satyp alyndy jáne taǵy 1000 birlik satyp alý prosedýrasy júrgizilýde. Sonymen qatar, ortalyqtandyrylmaǵan gaz joq keńeıtilgen stasıonarlardyń oksıgenoterapııasyn úzdiksiz qamtamasyz etý úshin 4 myń ottegi konsentratyn satyp alý josparlanýda.
Dári-dármekke keletin bolsaq, koronavırýs ınfeksııasymen aýyratyn naýqastardy tolyq qamtamasyz etý úshin stasıonarlarda 138,8 mln. teńgege 59 túrli dári-dármek satyp alyndy. Búgingi jaǵdaı boıynsha óńirlerdegi medısınalyq uıymdarda 27 myń pasıent vırýsqa qarsy preparattarmen qamtamasyz etilgen. Qosymsha satyp alýdy eskersek, dárimen qamtylǵan pasıentter sany 58 myńǵa deıin artady. Al vırýsqa qarsy terapııa ortasha aýyr jáne aýyr jaǵdaıda ǵana qajet. Medısınalyq uıymdarǵa KVI dıagnostıkasy men emdeýdiń klınıkalyq hattamasyna sáıkes koronavırýs ınfeksııasyn emdeý úshin antıbıotıkterdiń 16 túri úzdiksiz jóneltiletinin atap ótti.

Besinshi. Dárihanalarda dárilik zattardyń qoljetimdiligi.
Osy aptanyń sońyna deıin bólshek saýda jelisine qosymsha zerthanalyq synaqtardan ótýdi talap etpeıtin serııalyq qaýipsiz óndirýshiden vırýsqa qarsy preparattardyń 70 myń oramasy keledi. Qyzýdy túsiretin preparattar, mysaly, parasetamol Qazaqstan naryǵyna túse bastady. Búgingi kúni apta sońynda naryqqa túrli óndirýshilerden osy preparattyń 700 myń qaptamasy tústi. Aldaǵy eki apta ishinde qosymsha 800 myń parasetamol oramasyn jetkizý kútilýde. Antıbıotıkterge keletin bolsaq, ótken aptanyń sońynda otandyq óndirýshiler dıstrıbıýtorlarǵa jetkizýdi bastady, mysaly, azıtromısınniń 100 myńnan astam oramasy naryqqa tústi.
Budan basqa, jaqyn arada naryqqa levofloksasınniń shamamen 30 myń oramasy, amoksısıllınniń 75 myń oramasy, sıprofloksasınniń 70 myń oramasy, sefýroksımniń150 myń oramasy, seftrıakson 858 myń oramasy jetkiziledi dep kútilýde.

Altynshy. PTR testter men kompıýterlik tomografııaǵa (KT).
Búginde 1,5 mln astam test jasaldy. Testten epıdemııalyq kórsetkishter boıynsha sımptomdary bar pasıentter, baılanysta bolǵan adamdar ótedi. 20 PTR-analızatorlar satyp alynady, olar zerthanalardyń qýattylyǵyn táýligine 35 myń testke deıin, PTR-testileýdi ótkizý úshin 8 jyljymaly zerthananyń jumysyn edáýir arttyrýǵa múmkindik beredi.
Kompıýterlik tomografııanyń qoljetimdiligin arttyrý úshin KT zertteýlerge basymdyq beriledi – ol qatań medısınalyq uıymdardyń joldamasy boıynsha júrgiziledi.

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar