"1 shildede Almaty qalasy áýejaıyndaǵy Jelilik polısııa bólimine “Eır Astana” AQ áýe kompanııasynyń ókilinen “Aqtóbe-Almaty” baǵytyndaǵy áýe kemesiniń bortynda quqyqbuzýshy bar ekendigi týraly habarlama kelip tústi, – deıdi Kóliktegi polısııa departamenti bastyǵynyń birinshi orynbasary Qalıjan Qoblandın. – Tekserý barysynda kólik polıseıleri áýe kemesiniń bortynda bolǵan Oral qalasynyń 34 jastaǵy azamatshasyn anyqtady. Áýe kemesi komandıriniń aktisi boıynsha áýe reısi qonǵannan keıin quqyqbuzýshy kólik polıseılerine berildi. Atalǵan fakti boıynsha QR ÁQBtK 441-babynyń 1-2 bóligimen (Áýe kemesiniń bortynda temeki ónimderin jáne (nemese) elektrondyq sıgaretterdi tutyný) ákimshilik hattama toltyrylyp, 50 aılyq eseptik kórsetkish kóleminde aıyppul salyndy", dep qorytyndylady Q.Qoblandın.
Eske sala keteıik, jyl basynan beri elimizdiń Kólik polıseıleri túrli ákimshilik quqyq buzýshylyqtar boıynsha 21 117 adamdy ákimshilik jaýapkershilikke tartty, onyń ishinde qoǵamdyq oryndarda temeki shekkeni úshin 1 641 adam.
