Qazaqstan • 02 Shilde, 2020

Qulsary stansasynan jolaýshylardy otyrǵyzý shekteldi

28003 ret kórsetildi

Qulsary stansasynan jolaýshylardy otyrǵyzý men túsirý ýaqytsha shekteldi. Bul týraly  "Jolaýshylar tasymaly" AQ baspasóz qyzmeti habarlady.

"Jolaýshylar tasymaly" AQ Jylyoı aýdanynyń Bas memlekettik sanıtarlyq dárigeriniń sheshimine sáıkes koronavırýs ınfeksııasynyń taralýyn boldyrmaý maqsatynda 2020 jyldyń 2 shildesi saǵat 07-00-den 2020 jyldyń 15 shildege deıin Qulsary stansasyna kelesi jolaýshylar poıyzdaryna bılet satýǵa, otyrǵyzýǵa/túsirýge ýaqytsha tyıym salynǵanyn habarlaıdy:

- № 37/38 "Mańǵystaý-Nur-Sultan-Nurly jol";

- № 309/310 "Mańǵystaý-Aqtóbe";

- № 313/314 "Atyraý-Mańǵystaý";

- №77/ 78 jáne № 313/314 jolaýshylar poıyzdarynyń quramynda qatynaıtyn «Almaty-2-Qulsary» tikeleı qatynaıtyn vagondar.

Qulsary stansasynan poıyzǵa otyrǵyzý/túsirý jolaýshylarda dárigerlik-konsýltatıvtik komıssııanyń qorytyndysy nemese medısınalyq mekemeniń shaqyrý haty bolǵan jaǵdaıda ǵana ruqsat etiledi. 

Budan buryn Qulsary stansasyna deıin nemese sol stansadan jol júrý qujatyn (bıletin) resimdegen jolaýshylar jol júrý qujatyn qaıtaryp, júrilmegen joldyń aıyrmashylyǵyn ala alady nemese bılet qunyn tolyq qaıtaryp ala alady.

Bılettiń aqshasy bıletti qaıtarý tártibi men satyp alý tásiline baılanysty qolma-qol aqshamen jáne qolma-qol aqshasyz esep aıyrysý arqyly qaıtarylady.

Koronavırýs pandemııasyna baılanysty Ulttyq tasymaldaýshy jolaýshylardan sanıtarııalyq-epıdemıologııalyq talaptardy saqtaýlaryn jáne ózimen birge jeke qorǵanysh quraldaryn alyp júrýlerin suraıdy", delingen habarlamada.

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar