Bilim • 02 Shilde, 2020

Ulttyq biryńǵaı testileý aıaqtaldy

110 ret kórsetildi

21 maýsym men 1 shilde aralyǵynda elimiz boıynsha Ulttyq biryńǵaı testileý ótkizildi. Bıyl testileýge qatysýǵa rekordtyq kólemde ótinishter qabyldandy: 131 754 ótinish tirkeldi, onyń 111 113-i, ıaǵnı 82 paıyzy bıylǵy mektep túlekteri. О́tken jyly bul kórsetkish 12%-ǵa tómen bolǵanyn aıta ketken jón.

2020 jylǵy Ulttyq biryńǵaı testileý 161 pýnktte júrgizildi. Testileýdiń ádil ótkizilý barysyn qadaǵalaý maqsatynda qalalar men óńirlerge Bilim jáne ǵylym mınıstrligi tarapynan 1 983 ókil jiberildi. Sonymen qatar UBT barysyn quramyna Sybaılas jemqorlyqqa qarsy agenttik, Úkimettik emes uıym, BAQ, «Adaldyq alańy» jobalyq keńseleriniń ókilderi men  qoǵam belsendileri kirgen Arnaıy monıtorıngtik topqa múshe 510 adam baqylady.

Maýsym aıynda ótkizilgen Ulttyq biryńǵaı testileýdiń qorytyndysy boıynsha, testileýge tirkelgen azamattardyń 92,1%-y UBT-ǵa qatysty, 2019 jyly bul kórsetkish 94%-dy quraǵan bolatyn. Shektik baldy jınaǵan talapkerler sany – 82 154, bul ótken jylǵy kórsetkishtermen salystyrǵanda bir deńgeıde qalyp otyr. Jalpy respýblıka boıynsha ortasha kórsetkish 64,06 baldy qurady, jalpy 2019 jylǵy ortasha kórsetkishpen salystyrǵanda aıtarlyqtaı aıyrmashylyq joq (65,5 ball).

Bıyl alǵash ret elektrondyq úkimet bazasy arqyly Face ID júıesi paıdalanyldy, osyǵan baılanysty UBT tapsyrýǵa basqa adamnyń kirýi áreketteriniń sany aıtarlyqtaı tómendedi. Máselen, bıyl 7 mektep túlegi óz ornyna UBT-ǵa basqa adamdy jibermek bolǵan, ótken jyly mundaı 34 jaǵdaı oryn alǵan edi.

119 testilenýshi densaýlyǵyna baılanysty UBT tapsyrmady. Olar úshin basqa kúnderi, 19 shildege deıin testileý uıymdastyrylatyn bolady.

Bıyl alǵash ret talapkerler úshin kalkýlıatorlardy paıdalanýǵa ruqsat etildi, testileý ýaqyty uzartylyp, túlekter qorytyndy mektep emtıhandarynan bosatyldy.

UBT júrgizilgen ár aýdıtorııa arnaıy beınebaqylaý kameralarymen jabdyqtalǵan bolatyn, nátıjesinde 9,5 mln-nan astam adam UBT-nyń ótkizilý barysyn onlaın rejımde baqylady. Endi erejege sáıkes 2020 jylǵy 25 tamyzǵa deıin beınejazbalar jiti tekseriledi. Eger beınejazbada grant ıelengen talapkerdiń tyıym salynǵan zattardy paıdalanǵany anyqtalsa, testilenýshiniń UBT nátıjesi joıylady.

Elimizdiń barlyq UBT ótkizý pýnkterinde saqtyq sharalary qolǵa alynyp, medısınalyq-sanıtarlyq normalar qatań saqtalǵan bolatyn. Árbir UBT-ǵa qatysýshy dezınfeksııalaýdyń 5 kezeńinen ótti: dezınfeksııalyq ótkelderden ótip, dezınfeksııalanǵan kilemshede aıaq kıimderin zararsyzdandyrdy, dene qyzýyn ólshetkizip, qoldaryn zararsyzdandyrý suıyqtyǵymen óńdedi jáne birneshe medısınalyq maskalar aldy.

Testileýge kirgizý jáne otyrǵyzý kezinde talapkerler arasynda kem degende eki metr araqashyqtyq saqtaldy. Árbir aýdıtorııa bakterısıdtik quraldarmen jáne aýa resırkýlıatorlarymen kezeń-kezeńmen jeldetilip, tazalandy. Aýdıtorııalar 35%-ǵa deıin toltyryldy, árqaısysynda tek 10-18 adam otyrdy. О́tken jyly bir aýdıtorııada ortasha eseppen 50 talapker bolǵan.

Jalpy, maýsym aıyndaǵy Ulttyq biryńǵaı testileý qalypty rejımde ótti.

Esterińizge sala keteıik, kelesi UBT tamyz aıynda ótedi, onyń nátıjesi boıynsha talapker shektik ball jınasa, joo-nyń aqyly bólimine túse alady. Sonymen qatar joǵary oqý ornynyń aqyly bólimine túsý úshin qańtar aıyndaǵy UBT sertıfıkattary da jaramdy.

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar