Qazaqstan • 02 Shilde, 2020

MÁMS: 5 aıda 214 mlrd teńgeden astam jarna men aýdarym túsken

12 ret kórsetildi

QR Prezıdenti Qasym-Jomart Toqaevtyń tapsyrmasy boıynsha elde tótenshe jaǵdaı rejımin engizýge baılanysty, saqtandyrylmaǵan azamattardyń MÁMS júıesinde medısınalyq kómek alý quqyǵyn 2020 jyldyń 1 shildesine deıin uzartý tapsyryldy, - dep habarlaıdy Egemen.kz. 

Osy 1 shildedegi jaǵdaı boıynsha, Ulttyq banktegi arnaıy shotqa 5 aı ishinde halyqtan 214 mlrd teńgeden astam jarnalar men aýdarymdar kelip tústi, onyń 122,6 mlrd teńgesi – jeńildik berilgen 15 sanat ókilderi úshin aýdarylǵan memleket jarnalary. Qazirgi ýaqytta júıede 14,5 mıllıonnan astam azamat bar, onyń ishinde shamamen 11 mıllıony – memleket esebinen saqtandyrylǵandar.

Aıta keteıik, Úkimet qaýlysymen shaǵyn jáne orta bıznestiń 29 sanatyndaǵy qyzmetkerler  – shamamen 1 mln azamat 2020 jyldyń 1 qazanyna deıin jarna tóleýden bosatyldy. Olar kórsetilgen kezeńge deıin jaldamaly qyzmetkerler úshin aýdarym jasamaıdy jáne olar úshin boryshtyq mindettemeler jınaqtalmaıdy. Sondaı-aq qyzmetkerlerdiń eńbekaqysynan jarnalar ustamaıdy, bul rette olardyń saqtandyrylý mártebesi sol qalpy qalady. Nóldik salyq eseptiligin tapsyrý kezinde aýdarymdar tólenbegeni úshin ósimaqylar men aıyppuldar da eseptelmeıdi.

Áleýmettik Medısınalyq saqtandyrý qorynyń medısınalyq qyzmet jetkizýshilerge MÁMS paketi boıynsha kórsetilgen medısınalyq qyzmetteri úshin júrgizilgen tólem shyǵyndaryna kelsek, aǵymdaǵy jyldyń 5 aıynda olar aldyn ala tólemdi esepke alǵanda, 159 mlrd teńgeni qurady. 2019 jylmen salystyrǵanda medısınalyq qyzmetterdi qarjylandyrý 58%-ǵa artty. Medısınalyq ońaltý boıynsha – 9,6 esege jáne konsýltasııalyq-dıagnostıkalyq qyzmetter boıynsha – 6,5 esege ósti.

MÁMS júıesi engizilgen birinshi toqsanda medısınalyq kómekti tutyný kólemi aıtarlyqtaı ulǵaıǵanyn atap ótý qajet: aýrýhanaǵa josparly túrde   jatqyzýdy 79 %-ǵa kóbeıtý esebinen stasıonarlyq kómek – 13,4% - ǵa (2019 jyldyń uqsas kezeńimen salystyrǵanda) ósti. Osy jylǵy birinshi toqsannyń ózinde 827 myń pasıentke, onyń ishinde joǵary tehnologııalyq medısınalyq qyzmetterdi qoldana otyryp 2302 pasıentke, táýlik boıǵy stasıonar jaǵdaıyndaǵy mamandandyrylǵan medısınalyq kómek kórsetildi (2019 jylmen salystyrǵanda ósim 16%-dy qurady). Aýrýhanaǵa shuǵyl túrde emdeýge jatqyzý 70%-dan 52%-ǵa deıin tómendedi, bul emdeý prosesiniń jáne pasıenttiń saýyǵýynyń oń áserin baıqatady. Medısınalyq ońaltý sharalary 35%-ǵa artty.

Sonymen qatar, TJ rejımi men is-sharalarǵa  shekteý engizý MÁMS júıesindegi medısınalyq kómekti tutyný kólemine aıtarlyqtaı áser etti: josparly emdeýge jatqyzý 1 toqsannyń ortasha aılyq kórsetkishinen 32%-ǵa, onyń ishinde JTMQ qoldaný - 47%-ǵa tómendedi; medısınalyq ońaltý – 2 ese, shuǵyl aýrýhanaǵa jatqyzý – 8%-ǵa azaıdy.

"Biz jergilikti densaýlyq saqtaý basqarmasymen tyǵyz baılanystamyz.  Medısınalyq mekemeler ózderine júgingen árbir turǵynǵa barynsha kómektesýge tyrysady. Qor tarapynan medısınalyq qyzmet jetkizýshilerimizge turǵyndarǵa kórsetken qyzmetteriniń aqysy ýaqytyly tólenedi  jáne olardyń qyzmeti baqylaýda. Aıta keteıik, Qordyń 1406 baılanys ortalyǵy tek MÁMS júıesi boıynsha ǵana emes, tótenshe jaǵdaı kezinde koronavırýs boıynsha jedel jeli retinde jarııalanǵan. Sondyqtan, ótinishterdi Qoldau-24/7 mobıldi qosymshasy arqyly da qaldyrýǵa bolady", - deıdi Áleýmettik medısınalyq saqtandyrý qorynyń Nur-Sultan qalasy boıynsha fılıaly dırektorynyń orynbasary Aınagúl Dáýletshına.

Qoldau-24/7 áleýmettik medısınalyq saqtandyrý qorynyń mobıldi qosymshasyn Android smartfondaryna arnalǵan PlayMarket jáne Apple smartfondaryna arnalǵan AppStore arqyly júkteýge bolady.

Sońǵy jańalyqtar

M.Áıtenov "Shymkent" ÁKK" AQ jumysyn synǵa aldy

Ońtústik Qazaqstan • Búgin, 19:23

Bıyl Madrıd marafony ótpeıdi

Sport • Búgin, 15:15

Qashqyn taýdyń qoınaýyndaǵy qazyna

Týrızm • Búgin, 15:07

Jerlesterimiz Máskeýde aıqasady

Sport • Búgin, 15:00

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Uqsas jańalyqtar