Elbasy • 03 Shilde, 2020

El baǵy úshin jarqyraǵan juldyz

140 ret kórsetildi

Keńes Odaǵy ydyrap, onyń quramynda bolyp kelgen túrkitektes bes respýb­lıka táýelsizdikterin jarııalaǵan kezde barsha túrkııalyqtarmen birge men de qatty qýandym. Bul qýanysh sezimi maǵan Qazaqstan, Ázerbaıjan, Túrikmenstan, О́zbekstan, Qyrǵyzstan respýblıkalaryn óz shama-sharqymsha zertteýime túrtki boldy.

Sondaı-aq eldiń jazýyn latyn álip­bıine kóshirýge jol ashty, osy ba­­ǵyt­­ta arnaıy sheshim qabyldady. Bul oraıdaǵy jumystar qazir júzege asyp jatyr. Elbasynyń osy jónindegi sheshim­derinen eliniń bolashaǵyna, onyń bilimi men ǵylymyna, mádenıetine qatty alań­daıtyny anyq ańǵarylady.

Taǵy bir strategııalyq qadamy – jańa astana salýy. Bul bizge mynany kórsetedi: maqsat – keń-baıtaq qazaq jerin qazaq hal­qyna tolyq ıgerte otyryp, onyń máń­gilik ıesi bolyp qalýyn qamtamasyz etý.

Búginde Qazaqstan ekonomıkasy qundy resýrstarymen damyp, órken­dep keledi. Bul el álemniń barlyq memle­ketterimen dos, senimdi seriktes. Qazaq­stannyń senim­di áriptesteriniń aldyńǵy qatarynda Túrkııa da bar.

Nursultan Nazarbaevtyń elin ekono­mı­kalyq turǵyda damytýda durys jol tańdaı bilýiniń arqasynda Qazaqstan kózdelgen maqsattarǵa erterek qol jet­kizdi. Qazir ýaqyt talabyna sáıkes, el aldyna jańa mindetter qoıylyp otyr.

Eldiń syrtqy saıasattaǵy tabys­tary týraly da kóp aıtýǵa bolady. Elba­sy N.Nazarbaevtyń komandasy qalyp­tastyr­ǵan Qazaqstannyń syrtqy saıasaty berik negizge quralǵan. Eldiń Nazarbaev usynǵan kópvektorly saıasaty ózin tolyq aqtap qana qoımaı, keleshek úshin de dańǵyl jol ashyp otyr. Qazaqstannyń ózge memlekettermen eki­jaqty, kópjaqty yntymaqtastyǵyn, halyqaralyq uıymdar sheńberindegi baılanystaryn damytý isinde qol jetkizgen tabystary óte kóp. Bulardyń barlyǵy eldiń álemdik arenadaǵy bede­lin bıikke kóterdi.

Qazaqstannyń búginge deıingi barlyq jetistikteri Elbasynyń durys jol tań­­daýymen, eldiń strategııalyq jos­paryn kóregendikpen naqtylaýymen tike­leı baılanysty. Naqtysyn aıt­qanda, N.Nazarbaev óz eliniń jaǵdaıyn, múm­kindigin taldaı otyryp, eldiń bola­shaqqa arnalǵan josparyn durys qura bildi. Maqsat-mindetterdi durys aı­qyndaý, baǵyt-baǵdardy durys kór­setý kóregen kóshbasshylarǵa tán qasıet.

Taǵy bir aıta keter jaıt, N.Nazarbaev­tyń sarabdal saıasatyn sabaqtastyra jalǵastyryp kele jatqan Qazaqstan Prezıdenti Qasym-Jomart Toqaevtyń Memleket basshysy retinde qabyldaǵan barlyq sheshimderi úlken qoshemetke laıyq. Basqasyn aıtpaǵanda, eldiń bilim salasyna bólinetin bıýdjet qarjysyn 6 esege, ǵylymǵa bólinetin qarjyny 7 esege arttyrý jónindegi sheshimin barsha qazaqstandyqtar jyly qabyldady. Biz, Anadoly túrikteri Q.Toqaevtyń bul sheshiminiń qanshalyqty mańyzdy ekenin bilemiz. Tirshiliktiń negizi bilim men ǵylym ekeni barshaǵa túsinikti.

Qoryta aıtqanda, Qazaqstannyń qalyptasý úderisindegi Nursultan Nazarbaev­tyń ólsheýsiz eńbegin keıingi urpaqqa túsin­dirý qajet. Jańa eldi qalyp­tastyrý, onyń álemdik arenadaǵy ornyn naqtylaý baqyty kez kelgen adamǵa buıyra bermeıdi. Son­dyqtan barsha qazaqstandyqtar Elbasy Nursultan Nazarbaevtyń el aldyndaǵy eńbegin, tulǵalyq qasıetin búgingige, kele­shek urpaqqa úlgi etip kórsetý ba­ǵytyndaǵy ju­mystaryn jandandyra túspek nıetin ábden qoldaýǵa bolady. Bul túptep kelgende Qazaqstan úshin, onyń bolashaǵy úshin mańyzdy.

 

 Sertach Esh,

«Jumhurıet» gazetiniń Ankara bıýrosynyń basshysy – Bas redaktor

Sońǵy jańalyqtar

Ury alysqa uzamady

Aımaqtar • Keshe

Uqsas jańalyqtar