Pikir • 03 Shilde, 2020

Baıandy bolashaqtyń baǵdarshamy

10 ret kórsetildi

Rýhanı jańǵyrý – qazaqstandyqtardyń salt-sanasy men dúnıetanymyn ózgertetin qozǵaýshy kúsh. Elbasy Nurcultan Nazarbaevtyń maqalasyn oqyp shyqqanda, osyndaı oı túıgen edim.

Elbasymyzdyń aıtýynsha, bul ult­tyq qundylyqtarymyzdy umytpaı, jahandyq jańashyldyqqa jeteleıtin jol. Qazirgi qoǵam kózqarasy qalyptasqan zerdeli de zerek tulǵa tárbıeleýi tıis. Ol úshin ilim-bilimge umtylyp, jan-jaqty jetilgen jón.

Aımaǵymyzdaǵy keler urpaqtyń al­dyndaǵy ardyń isin arqalap júrgen zııaly qaýym Elbasy Nursultan Nazarbaevtyń «Bolashaqqa baǵdar: rýhanı jańǵyrý» maqalasyn yqylaspen túısine oqyǵany anyq. Olaı deıtinim, maqalada «Ulttyq salt-dástúrlerimiz, tilimiz ben mýzykamyz, ádebıetimiz, joralǵylarymyz, bir sózben aıtqanda, ulttyq rýhymyz boıymyzda máńgi qalýǵa tıis» degen joldardyń astarynda úlken maǵyna jatyr. Shynynda da rýhy bıik azamattary bar eldiń irgesi máńgilik bolary haq.

Elbasy qundy eńbeginde ótkenge kóz júgirtip, bolashaqqa degen óziniń parasatty pikirleri men kózqarasyn bildirdi. «Eki dáýir túıisken óliara shaqta Qazaqstanǵa túbegeıli jańǵyrý jáne jańa ıdeıalar arqyly bolashaǵyn baıandy ete túsýdiń teńdessiz tarıhı múmkindigi berilip otyr. Men barsha qazaqstandyqtar, ásirese jas urpaq jańǵyrý jónindegi osynaý usynystardyń mańyzyn tereń túsinedi dep senemin. Jańa jaǵdaıda jańǵyrýǵa degen ishki umtylys – bizdiń damýymyzdyń eń basty qaǵıdasy»,  dep el keleshegine úmit artady.

Endeshe rýhanı jańarý arqyly álem moıyndar tabysty el bolyp, jar­qyn bolashaqqa degen senim men úmitti úndestire otyryp, barshamyz birlik týy astynda baqytqa birge jeteıik!

 

Jańylsyn ESJANOVA,

B.Keıkıev atyndaǵy orta mektebiniń matematıka pániniń muǵalimi

 

Jambyl oblysy,

Jambyl aýdany,

Ernazar aýyly

 

Sońǵy jańalyqtar

Tumandy Albıondaǵy COVID-19

Koronavırýs • Keshe

Afrıkany kezgen COVID-19

Koronavırýs • Keshe

Uqsas jańalyqtar