Aımaqtar • 03 Shilde, 2020

Atyraýda provızorlyq oryndar ashylýda

857 ret kórsetildi

Atyraýdaǵy ahýal kúrdelenip barady. Qaýipti indettiń beti qaıtar emes. Kerisinshe, taralý aıasy keńeıe tústi. Indetti juqtyrýshylar ásirese, oblys ortalyǵynda jıi baıqalyp otyr. Máselen, ótken bir táýlikte 229 adam koronavırýstyń «qaqpanyna» túsip qaldy. Qazir óńirde indetke shaldyqqandardyń sany 4 myńnan asty. «Kótere almasań, qosyp arqala» degendeı, pnevmonııaǵa shaldyqqandar da az emes. Onyń ústine turǵyndardyń dári-dármek izdep sabylýy dúrbeleńdi odan saıyn kúrdelendirip otyr.

Osy oraıda, «Semeınoe» dárihanalar jelisiniń dırektory Rýslan Sársenovtiń aıtýynsha, turǵyndar «belgili bir dárilerdi qabyldaý ınfeksııa juqtyrýdyń aldyn alady nemese aýrý saldaryn azaıtady» degen jalǵan aqparatqa senip júr.

– Mundaı dúrbeleń shamamen bir apta buryn bastaldy. Buryn kúnine 50 dana parasetamol satylsa, qazir onyń sany 1 myń danaǵa deıin jetedi. Kóp adam­dar týystary men dostarynyń nemese WhatsApp jelisindegi jalǵan habar­lamalardyń áserinen dári-dármekti aýyr­ǵanda emes, aldyn ala satyp alady. Búgin­de «qaýipti derttiń betin qaıtarý úshin pa­rasetamol kómektesedi» degen jalǵan aqparat taralyp ketti. Karantın kezinde zim­birdi kóptep satyp alǵandaı, ony da satyp ala bastady. Al adamda dıareıa nemese angına bolýy múmkin. Biz dári-dármek satyp alýǵa tyıym sala al­maımyz. О́ıtkeni biraz adam aýyldar­dan kelip, satyp alyp jatady. Qazirgi ýa­qytta dene qyzýyn túsiretin dárilerge bu­ryn­ǵydan da kóp mólsherde tapsyrys be­rýge tyrysyp jatyrmyz. Bir aptadan keıin dári-dármek tapshylyǵy má­se­lesi sheshiledi, deıdi «Semeınoe» dáriha­nalar jelisiniń dırektory R.Sársenov.

Sondaı-aq óńirde PTR-test qory­tyndysynyń keshigýine shaǵym aıtýshylar da joq emes. Oblystyq densaýlyq saqtaý basqarmasy basshysynyń orynbasary Gúlnafıs Tańbaevanyń málim etýinshe, buǵan ýaqyttyń tapshylyǵy sebep bolyp otyr.

– Búginge deıin Atyraý oblysyna 29 620 PTR test alyndy. Koronavırýs ınfeksııasyn anyqtaý úshin 20 238 ret test jasaldy. Qazirgi ýaqytta testileý nátıjesiniń merzimi keshiktirilip jat­qany týraly shaǵymdar kóptep túsýde. Osy oraıda, azamattarǵa zerthanalarda alynǵan barlyq synamalardy óńdeýge ýaqyttyń tapshy ekenin aıtqym keledi. Mamandar táýlik boıy jumys isteýde. О́kinishke qaraı, Ulttyq saraptama ortalyǵy qyzmetkerleriniń 90 paıyzy koronavırýs ınfeksııasyn juqtyryp, qazir olar tıisti em qabyldaýda. Bar­lyǵynyń da otbasy, qart ata-anasy, týys­tary bar. Sondyqtan, turǵyndar bolyp jatqan jaǵdaılarǵa túsinistikpen qaraýy qajet, – dedi Gúlnafıs Tańbaeva.

Onyń aıtýynsha, TShO kompanııa­sy men oblystyq densaýlyq saqtaý bas­­qarmasy PTR apparatyn Kaspıı me­­dı­sınalyq jeke klınıkasynyń ba­lan­­­syna berý týraly kelisim jasas­ty. Zerthananyń tolyq jumys isteýi úshin qajetti jaǵdaıdyń barlyǵy qarasty­ryl­ǵannan keıin, jýyq arada emhana­dan koronavırýsqa test tapsyryp, nátı­je­sin alýǵa bolady. Al qazirgi ýaqytta PTR synamalaryn óń­deýmen «Invivo» me­dısınalyq zerthanasy aınalysyp jatyr.

Alaıda Atyraýda indettiń órshýine baılanysty jańa ınfeksııalyq stasıo­nardyń qajettigi týyndap otyr. О́ıtkeni barynyń ózi naýqastarǵa tolyp qaldy. Endi osyǵan oraı oblystyq aýrýhana­dan 400 oryndyq stasıonar ashý jospar­lanǵan. Oblys ákiminiń orynbasary Baqytgúl Hamenovanyń aıtýy­na qa­ra­ǵanda, osyǵan baılanysty ob­lys­tyq aýrýhanadaǵy barlyq bólim basqa emdeý oryndaryna aýystyrylady. Qazir oblys­tyq aýrýhanada 120 provızorlyq oryn, kardıoortalyqta 70 provızorlyq kereýet bar. Sondaı-aq Geolog emhanasynda 100 provızorlyq kereýet daıyndalýda.Qalalyq jáne qala mańyndaǵy emhanalarda 267 provızorlyq oryn ashý josparlanýda. Buǵan qosa, biz oblystyq aýrýhanadaǵy bólimshelerdi basqa medı­sı­nalyq mekemelerge aýystyryp, munda 400 oryndyq provızorlyq stasıonar ashýdy kózdep otyrmyz, dedi Baqytgúl Hamenova.

Onyń málim etýinshe, osyǵan deıin qaýipti indetke shaldyqqan naýqastardy emdeýge kómegi tıetin 111 ókpeni jasandy jeldetý apparaty alynǵan. Alaıda atalǵan aýrýhanaǵa dál osyndaı apparat aýadaı qajet. Osyǵan baılanysty óńir kásipkerleri demeýshilik kómekpen oblystyq aýrýhanaǵa asa qajetti eki apparatty alyp berdi.

Ras, kásipkerler demeýshilik tanytý­dan tys qalyp jatqan joq. Solardyń qa­tarynda bir rettik shprıs shyǵaratyn «Brando» JShS-nyń quryltaıshysy Mah­­mýt Meralıev ta bar. Ol bir rettik shprıs­terdi tegin taratý aksııasyn qolǵa aldy.

– Qazirgi ahýal qoldan kelgen kómekti kórsetýdiń qajettigin baıqatty. Sebebi indettiń taralý jyldamdyǵy órship barady. Soǵan baılanysty jalpy sany 2 950 000 bir rettik shprısti tegin taratýǵa uıǵarym jasadyq. Alǵashqy legi – 500 myń dana. Al Qyzylqoǵa aýdanynyń ár turǵyny úshin 10 danadan 300 myń danasyn tegin beremiz, – deıdi Mahmýt Meralıev.

Kásipker buǵan deıin Qyzylqoǵa aýdandyq aýrýhanasyna 1 mln 345 myń teńgeniń dári-dármegin, 1 mln teńgeniń ottegi ballonyn alyp bergen. Sondaı-aq aýdandyq aýrýhanadaǵy 10 pasıenttiń árqaısysyna materıaldyq kómek kórsetti. Shildeniń alǵashqy kúni kásipker usynǵan bir rettik 500 myń shprısti  volonterler Atyraý qalasynyń turǵyndaryna tegin taratty. Bir adamǵa – 15 dana shprısten. Endi olar qala mańyndaǵy 7 aýyldyq okrýg turǵyndaryna da tegin taratýdy kózdep otyr.

Árıne Atyraýdaǵy ahýal kúrdeli kú­ıin­­de qala bermeıtin shyǵar. Turǵyndar ta­ra­pynan saqtyq sharalary qatań saq­tal­­sa, jaǵdaı keshikpeı turaqtalary daýsyz.

 

Atyraý oblysy

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Qaraquıryq atqan brakoner ustaldy

Aımaqtar • Búgin, 10:10

Máńgilik mura taǵylymy

Abaı • Búgin, 10:01

Indetten jazylǵandar sany 73 702-ge jetti

Koronavırýs • Búgin, 09:25

108 bala stasıonarda em qabyldap jatyr

Koronavırýs • Búgin, 09:20

Bir aptada koronavırýstan 211 adam kóz jumdy

Koronavırýs • Búgin, 09:15

Týrnırge qatysýdan bas tartýda

Tennıs • Búgin, 08:18

Uqsas jańalyqtar