Qoǵam • 03 Shilde, 2020

О́ndiriste araqashyqtyqty saqtaý asa mańyzdy

8 ret kórsetildi

Jer-jahanǵa jaıylǵan juqpaly dert О́skemende de órship tur. Qalanyń bas memlekettik sanıtarlyq dárigeriniń qaýlysyna sáıkes 11 shildege deıin karantın sharalary kúsheıtilgen bolatyn. Alaıda shaharda ınfeksııaǵa shaldyqqandar kún saıyn anyqtalýda.

Karantınniń kúsheıtilýine 24 maý­sym kúni vırýs juqtyrǵandar sany 25,4%-ǵa, al apta kóleminde 16,6%-ǵa artqany sebep boldy. Qaýlyǵa sáıkes, 27 maýsymnan bastap kólik qozǵalysy shektelip, turǵyndar tek ruqsattama arqyly kóshege shyǵýda. Qoǵamdyq kólikter jumys kúnderi 50%-ǵa qysqartylsa, demalys pen mereke kúnderinde múlde júrmeýde. Biraq bul koronavırýs keseline qan­shalyqty tosqaýyl bola aldy? О́kinishke qaraı, boıynda qaýipti dert tabylyp, aýrýhanalarǵa túsip jatqan naýqastar áli de barshylyq. Jurttyń kóbi qoǵamdyq oryndarda maska kımeı, áleýmettik qashyqtyqty saqtamaı, respıratorlyq aýrýdyń belgileri paıda bolǵan kezde birden medısına qyzmetkerine habarlaspaıdy eken. Oblys boıynsha COVID-19 juqtyrǵandardyń ósý qarqyny ótken aptada 8%-ǵa jetken. Al О́skemende bul kórsetkish aımaqtyq deńgeıden joǵary, ıaǵnı 9,9% qurap otyr.

Oblystyń bas pýlmonolog dárigeri Zaǵrıpa Ábdıevanyń aıtýynsha, qazirgi ýaqytta О́skemendegi Abaı jáne Shá­kárim dańǵyldarynda ornalasqan stasıonarlar 80-90%-ǵa tolyp ketken. Osyǵan oraı, 29 maýsymda qosymsha 50 oryndyq gospıtal jumysyn bastady.

«Barlyq qajetti jabdyqtarmen qamtamasyz etilgen sol medısınalyq mekemede 50 naýqasty qabyldaı alamyz. Eshqandaı sımptom baıqalmaǵan nemese jeńil formada aýyrǵan pasıentter úı karantınine oqshaýlanýda. Al ortasha jáne aýyr deńgeıdegi naýqastar stasıonarlarǵa jatqyzylýda. Aımaq halqyn sabyr saqtap, dúrbeleńge salynbaýǵa shaqyramyn. Eger sizde juqpaly derttiń qandaı da bir bel­gileri baıqalsa, óz betińizben emdelý joldaryn izdemeı, mekenjaıyńyz boıyn­sha otbasylyq ambýlatorııaǵa habarlasyńyz. Ár ambýlatorııada arnaıy mamandar ázirlengen. Olar úıińizge kelip, sizden COVID-19-ǵa synama alyp, udaıy baqylaý júrgizedi. Eger vırýs anyqtalyp jatsa, tıisti sharalar qabyldanady», deıdi ol.

О́ndiris oryndarynda sanıtarlyq talaptardyń qanshalyqty saqtalǵanyn bilý úshin KAZ Minerals toby korpo­ratıvtik departamentiniń menedjeri Ermek Dúzkenovke habarlasyp kórgen edik. Mys óndiretin iri kompanııada baqylaý-ótkizý rejimi barynsha kú­sheıtilgen.

«Biz barlyq aldyn alý sharalaryn qabyldaýǵa tyrystyq. Bógde adamdar kásiporyn aýmaǵyna jiberilmeıdi, qyz­met­kerlerdiń dene qyzýy ól­shenip, maska kııý rejimi qatań saq­talýda. Issaparlar qysqartylyp, kásiporyndarǵa asa bir qajettiliksiz barýǵa tyıym salynǵan. Ár reısten keıin qyzmettik avtokólikter dezınfeksııalanady», deıdi kompanııa ókili.

Onyń sózinshe, kompanııa sehta­rynyń birinde medısınalyq maskalar tigilýde. Jumysshylarǵa túgeldeı mas­kalar jáne FFP2 ónerkásiptik respıratorlar berilgen.

«Arnaıy oqý-jattyǵýlar da ótki­zilýde. Naqty aıtsaq, jumysshylar arasynda COVID-19 belgileri anyqtalǵan kezdegi is-áreketter pysyqtalýda. Árbir kásiporynda jáne keńselerde ınfeksııa juqtyrǵan qyzmetkerler anyqtalsa, ýaqytsha ornalastyrýǵa arnalǵan úı-jaılar belgilendi. Eńbekti qorǵaý qyzmetiniń, densaýlyq saqtaý pýnktteriniń mamandary men tikeleı basshylar qajet bolǵan jaǵdaıda qalaı áreket etý kerektigin biledi. Dema­lystardan, issaparlardan, aýrýhanadan oralǵan barlyq jumysshylar jáne kompanııa aýmaǵynda jumys isteıtin merdigerler PTR-testileýinen ót­ki­ziledi. Almaty, Nur-Sultan já­ne О́skemen qalalaryndaǵy keńse qyz­metkerleri qashyqtan eńbek etý­de. О́ndiristik kásiporyndarda da úıden jumys isteı alatyndar osyndaı formatqa kóshti. Aqtoǵaı men Bozshakól sııaqty vahtalyq ádispen jumys isteıtin kásiporyndarda qyz­metkerlerdiń densaýlyǵyna qaýip tóndirmes úshin uzartylǵan vahtalar engizildi. Bul kásiporyndarǵa aýysymmen keletin qyzmetkerler birneshe jedel jáne PTR-test tapsyryp, 7 kúndik oqshaýlaýdan ótip qana ken oryndarynyń aýmaǵyna kirip, jumysqa kirise alady», deıdi Ermek Dúzkenov.

Qaýipti dertke shaldyqpas úshin áleýmettik qashyqtyqty saqtaý qa­jet­tiligi jaıly aıtylyp ta, jazylyp ta jatyr. Osy rette «О́ndiris oshaq­tarynda bul talap qanshalyqty saqtalýda?» degen zańdy suraq týady. Buǵan departament menedjeri bylaı dep jaýap berdi:

«Árıne, óndiristik kásiporynda áleýmettik qashyqtyqty saqtaý óte qıyn. Degenmen áriptesterimizge bul saqtyq sharasyn jiti túsindirip, múmkindiginshe bekitilgen araqa­shyq­tyqty saqtaý qa­jet­tigin aıtýdamyz. Tipti kompanııada qol alysyp, amandasýdy toqtattyq. Jı­na­lys­tardan, májilisterden túbegeıli bas tartyldy. Barlyq ǵımarattar men keńselerde sanıtarlyq óńdeýdi birneshe ese arttyrdyq. Adamdar kóp­tep jınalatyn oryndarǵa bakterııalardy joıatyn shamdardy ornatyp, antıseptıkter qoıdyq. Jeke gıgıena týraly da únemi aıtyp kelemiz» deıdi.

 

О́SKEMEN

Sońǵy jańalyqtar

Uqsas jańalyqtar