Parlament • 03 Shilde, 2020

Qoǵamdyq jaýapkershilik qajet

8 ret kórsetildi

Tótenshe jaǵdaı rejimi toqtaǵannan keıin qaýipsizdik sharalary qatań saqtalmaı, indet yryqqa kónbeı barady. Osyny nazarǵa alǵan Prezıdent epıdemııalyq ahýaldy turaqtandyrý úshin Úkimetke shuǵyl sharalardy qolǵa alýdy tapsyrdy. Soǵan sáıkes Memlekettik komıssııa 5 shildeden bastap 14 kún shekteý sharalaryn engizý týraly sheshim qabyldady.

Memlekettik komıssııanyń otyrysynda koronavırýs ınfek­sııasynyń taralýyna jol bermeý maqsatynda qatań shekteý sharalaryn engizý másleleri, arnaıy is-qımyl josparlary qaraldy. Atalǵan josparda azamattar men bıznestiń múddeleri tolyq eskerilgen. Bul týraly Ortalyq kommýnıkasııalar qyzmeti alańynda ótken baspasóz jıynynda Premer-Mınıstrdiń orynbasary Eraly Toǵjanov keńinen aıtyp berdi.

Onyń aıtýynsha, baǵyttar sanyn ósirmeı, óńirler arasyndaǵy áýe qatynasy burynǵy deńgeıde saqtalady. Temir jol arqyly jolaýshylar tasymaly qysqarady. Qalalar arasyndaǵy jolaýshylar avtobýsy qatynasyn ýaqytsha toqtatý eskerilgen. О́ńirler arasynda jeke kólikpen saparlaýǵa ruqsat etiledi. Ýaqyt boıynsha shekteýlerdi eskere otyryp, qoǵamdyq kóliktiń jumysy saqtalady. Sondaı-aq qalaǵa kirip-shyǵý úshin eshqandaı anyq­tamanyń qajeti joq. Qalalar men óńirler arasynda blok-beketter ornatylmaıdy. Biraq óńirler arasynda qatynaıtyn jolaýshylar avtobýsy toqtatylady. Jalpy shekteý sharalary týraly Memlekettik komıssııanyń otyrysynda tolyq maǵlumat berildi.

– Belgilengen 14 kúndik karantın boıynsha monıtorıng júrgizilip, qorytyndylar shy­­­ǵa­­rylady. Nátıje bermegen jaǵdaıda shekteý sharalary boıynsha qosymsha sheshimder qabyldanady. Karantındik rejim men bekitilgen sanıtarlyq-epıde­mııalyq talaptardy buzǵany úshin jeke tulǵalar 30 AEK (83 340 teńge), al kásipkerlik sýbek­tileri 230 AEK (638 940 teńge) kóleminde ákimshilik jaýapkershilikke tartylady. Tıisti normatıvtik-quqyqtyq akti osy aptada qabyldanady, – dedi
E.Toǵjanov.

Sondaı-aq ol kún tártibinde turǵan negizgi másele – medı­sınalyq mekemelerdiń KVI-men aýyrǵandardy emdeýge arnal­ǵan jatyn oryn sanyn artty­rý ekenin aıtty. Memleket bas­shysynyń tapsyrmasyna oraı, shil­de aıynyń sońyna deıin ınfeksııalyq, provızorlyq oryn sany 50%-ǵa ósip, 28 myńnan 42 myńǵa deıin jetkiziledi. Tamyz aıyna deıin PTR-testermen qamtý táýligine 30 myńnan 39 myńǵa jetkiziledi. Barlyq medısına mekemelerine tehnıkalyq qajet zattar alynyp jatyr. Bul baǵytta jumys toqtaǵan emes.

– Qazir áleýmettik jelilerde neshe túrli emdeý joldaryn kórip alyp, osyǵan baılanysty dári-dármek surap jatqan azamattar az emes. Biraq ta emdeý joldaryn aýrý naqty anyqtalǵannan keıin tek qana dáriger aıtýy múmkin. 70 myńǵa jýyq dári-dármekti jarty saǵattyń ishinde alyp ketken jaǵdaı da boldy. Sondyqtan quqyq qorǵaý organdaryna arnaıy tapsyrma berildi. Búkil azamattardan suraıtynymyz, muny saýda-sattyqqa aınaldyrǵysy keletinder de joq emes. Osyndaı jaǵdaı belgili bolǵanda bizge tez arada aqparat berýdi ótinemiz, – dedi Úkimet basshysynyń orynbasary.

Eraly Toǵjanov vırýstyń keń taralýyna halyqtyń eskertýlerge nemquraıly qarap, qulaq aspaǵany sebep bolǵanyn aıtty.

– Álem boıynsha bul indetti 10 mıllıonnan astam adam juqtyryp, 500 myńnan astamy qaıtys bolsa da, bizdiń el ty­ǵylyp, toı toılap, betperde kııýdi áli de uıat sanaıtyndar joq emes. Mysalǵa, artqy esikten kirip qyz uzatý, aýlaǵa toı jasaý, qudalyq ótkizý, as berý, týǵan kún toılaý sııaqty basqa da is-sharalar tolyp jatyr. Oǵan kóptegen azamat kýá. Osyndaı sharanyń sońynda keminde 20-dan asa adam aýrýhanaǵa túsip, qaza bolyp jatqandar da málim. Memleket basshysy aıtqandaı, qazir – toı toılaıtyn emes, oı oılaıtyn kezeń. Biz – bir halyqpyz. Olaı bolsa, jaýapkershiligimiz de bir. «Jaqynyńa janashyr bol!» dep búkil BAQ arqyly aıtylyp jatqan eskertý – siz ben bizge arnalǵan úndeý. Eń aldymen jeke basymyzdyń jaýapkershiligi, otbasymyzdyń aldyndaǵy jáne qoǵam aldyndaǵy jaýapkershilik bolý qajet, – dedi E.Toǵjanov.

О́z kezeginde Densaýlyq saqtaý mınıstri Alekseı Soı elimizdegi epıdemııalyq ahýalǵa toqtalyp, iske asyrylyp jatqan sharalardan habardar etti. Onyń aıtýynsha, koronavırýs juqtyrý kúdigi bolǵan adamdarǵa, indetti jeńil nemese belgisi joq kúıde kóteretin azamattarǵa kóshpeli brıgadalar ambýlatorııalyq kó­mek kórsetedi. Osy kúnge deıin 380 brıgada qurylypty. Olar­dyń sanyn 3 myńǵa jetkizý kózdelip otyr. 1 shildeden bastap kóshpeli brıgadalardyń qyzmeti úshin arnaıy tarıf belgilendi. Al emhanalarǵa tirkelgen halyq ýchaskelik dárigerlerden kon­sýltasııalyq kómek ala beredi. Emhanaǵa anyqtama boıynsha barǵandarǵa karantındik fıl­trler arqyly qyzmet kórsetiledi.

– Jedel járdem kólikteriniń jetispeýi máselesin qysqa merzim ishinde ákimdiktermen birigip sheshemiz. Medısınalyq emes uıymdardyń esebinen osy másele retke keltiriledi. Respýblıkalyq bıýdjetten qazirdiń ózinde 807 jedel járdem kóligi satyp alyndy. Shilde aıynda bul kólik­terdiń alǵashqy partııasy –Nur-Sultanǵa 14, Soltústik Qazaq­stanǵa 18-i jetkiziledi. Al kadrlyq jetispeýshilikti sheshý úshin medısınalyq kolledj­derdiń túlekteri, ıaǵnı 112 adam jumysqa tartylyp jatyr. Jergilikti atqarýshy organdarǵa ártúrli resýrs arqyly qosymsha korona-taksı shyǵarý týraly usynys berildi. Kún saıyn res­pýblıkada aýysym boıynsha 1400 kóshpeli brıgada shyǵady. Shaqyrylatyn orynǵa shyǵýdyń ortasha táýliktik kórsetkishi keıingi eki aptada 30 myńnan asyp ketti. Bul – qalypty júktemeden eki ese kóp, – dedi A.Soı.

Sondaı-aq ol COVID-19 pasıent­terine stasıonarlyq kómek kórsetý qurylymy ózger­tilip jatqanyn atap ótti. 13 myń tósektik-oryn bar karantındik stasıonarlar provızorlyq jáne ınfeksııalyq emhana bolyp jasaqtalýda. Memleket basshysynyń tapsyrmasymen tósektik-oryndardyń sany 50 myńǵa kóbeıtiledi. Keıingi úsh kúnniń ishinde koronavırýs juqtyrǵan azamattar úshin qosymsha 1,5 myń tósektik-oryn jasaqtaldy. Al KVI juqtyrǵany jóninde kúdigi bar azamattarǵa 5 myń provızorlyq tósektik-oryn ázirlendi. Búgingi tańda 333 medısınalyq uıymda 20 myń ınfeksııalyq tósektik-oryn bar. Onyń kóbine pnevmonııamen túskender jatqyzylyp jatyr.

– О́kpeni jasandy jeldetýdiń 3 myńǵa tarta apparaty bar stasıonarlarda qosymsha 987 apparat satyp alynady. Sonymen qatar osyndaı apparattyń taǵy 1 myńyn satyp alý kózdelýde. Odan bólek oksıgeno-terapııamen turaqty túrde qamtý úshin 4 myń ottegi konsentratoryn satyp alý josparlanǵan. Jalpy, koronavırýs ınfeksııasy bo­ıynsha naýqastardy tolyǵymen qamtý úshin stasıonarlarda quny 138,8 mln teńgege 59 dári-dármek túri satyp alyndy. 2 shildedegi jaǵdaı boıynsha óńirlerdegi medı­sınalyq uıymdar 27 myń naýqasqa arnalǵan vırýsqa qarsy preparattarmen qamtylǵan. Buǵan qosa 15 shildege deıin taǵy 28 myń naýqasqa arnalǵan dári-dármekti ákelý kózdelip otyr, – dedi mınıstr.

Qalaı degenmen shetin jaǵdaı­dy qadaǵalap, eldiń tutastyǵy men amandyǵy úshin shuǵyl sharalar qolǵa alynyp jatyr. Sondyqtan halqymyz selsoqtyq tanytpaı, indetpen kúreste aldyńǵy shepte qyzmet etip júrgen azamattardyń eńbegin baǵalap, qaýipsizdik sharalaryna basa mán bergeni asa mańyzdy.

Sońǵy jańalyqtar

M.Áıtenov "Shymkent" ÁKK" AQ jumysyn synǵa aldy

Ońtústik Qazaqstan • Búgin, 19:23

Bıyl Madrıd marafony ótpeıdi

Sport • Búgin, 15:15

Qashqyn taýdyń qoınaýyndaǵy qazyna

Týrızm • Búgin, 15:07

Jerlesterimiz Máskeýde aıqasady

Sport • Búgin, 15:00

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Uqsas jańalyqtar