Qoǵam • 03 Shilde, 2020

Negizgi mindet – aýrýdyń taralýyn toqtatý

36 ret kórsetildi

Álemniń kóptegen elderindegideı, Qazaqstanda da kúrdeli epıdemııalyq jaǵdaı qalyptasty. Mundaı jaǵdaıda memleket tarapynan qabyldanǵan sharalar men josparlanǵan is-sharalar týraly halyqty múmkindiginshe tezirek aqparattandyrýǵa tyrysý kerek.

Prezıdent Q.Toqaev óziniń Twitter paraqshasynda Úkimet 5 shildeden bastap karantın rejimin engizý josparyn usyn­ǵanyn, sondaı-aq Qa­zaq­standa epıdemııalyq jaǵdaıdy turaqtandyrý jónindegi mem­lekettik komıssııanyń otyrysy ótkenin jazdy. Aýrý birneshe aıdyń ishinde álemniń barlyq túkpirine taraldy. Damyǵan elderde indetten bolǵan ólim-jitim joǵary deńgeıin kórsetip otyr. Mysaly, AQSh-ta bul kórsetkish 5%-dan asady.

5 shildeden bastap sulýlyq salondary, sport zaldary, kóp­shilik is-sharalar, kafeler men meıramhanalardyń jumysyna 14 kúndik shekteý sharalary engiziledi. Osyndaı jumys rejimi barsha qazaqstandyqtarǵa buryn­nan tanys. Qazirgi ýaqytta Memleket basshysynyń tapsyrmasy boıynsha juqpaly aýrýy bar naýqastarǵa arnalǵan tósektik-oryn sany 50% arttyrylyp, 1400 qabyldaý brıgadasy jumys isteýde. PTR-synaqtaryna arnalǵan 8 jyljymaly zerthanalar satyp alynýda. Al synaq­tardyń ózderi Reseıden, Qytaı­dan, Germanııadan ákelinedi.

Naýryzda elimiz osyǵan uqsas rejimdi bastan ótkergen bolatyn. Úkimet josparynda kórsetilgen sheshimder shekteýlik sıpatqa ıe, biraq shamadan tys eshteńe joq. Máselen, aımaqtar arasyndaǵy áýe qatynasy saqtalady, júk jáne jolaýshylar poıyzdarynyń qozǵalysy birshama shekteledi. Alaıda koronavırýstyq synaqtan ótkendigi týraly anyqtamany usy­nýdyń qajeti joq. Ásirese maýsymdyq faktordy, demalys kezeńi ekenin eskeretin bolsaq, bul óte mańyzdy shara.

Qazir koronavırýs ınfeksııasyn juqtyrǵan naýqastar sanynyń ósýi baıqalady. О́kinish­ke qaraı, qaıtys bolǵandar da bar. Qazaqstandyqtar eldegi jaǵdaıǵa ózderi de jaýapty ekenin túsinýi kerek. Saqtyq sharalaryn jekelegen azamattardyń elemeýi, túrli merekelik sharalardy ótkizý, qarapaıym sanıtarlyq normalardy saqtamaý epıdemııalyq jaǵdaıdyń kúrdelenýine alyp keldi. Osyndaı shekteý sharalary kóktemde aıtarlyqtaı tıimdi boldy.

Qazirgi ýaqyttaǵy negizgi min­det – aýrýdyń taralýyn azaıtý jáne jaǵdaıdy oń baǵytqa burý.

 

Zarema ShÁÝKENOVA,

Prezıdent janyndaǵy Qazaqstan strategııalyq zertteýler ınstıtýtynyń dırektory

Sońǵy jańalyqtar

M.Áıtenov "Shymkent" ÁKK" AQ jumysyn synǵa aldy

Ońtústik Qazaqstan • Búgin, 19:23

Bıyl Madrıd marafony ótpeıdi

Sport • Búgin, 15:15

Qashqyn taýdyń qoınaýyndaǵy qazyna

Týrızm • Búgin, 15:07

Jerlesterimiz Máskeýde aıqasady

Sport • Búgin, 15:00

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Uqsas jańalyqtar