kinishke qaraı, naýryzda engizilgen Tótenshe jaǵdaı rejimin alyp, karantındik sharalardy jeńildetkennen keıin kópshilik saqtyq sharalaryn esten shyǵaryp aldy. О́zimizdiń densaýlyǵymyzdy qorǵaýǵa kelgende jaýapsyzdyq tanytyp, áleýmettik araqashyqtyq saqtaýdy, maska kıip, antıseptık paıdalanýdy umyttyq. Kóptegen adam ózderiniń vırýs juqtyrǵanyn bilmesten, indettiń odan ári basqalarǵa taraýyna jol ashty. Aýyr halde jatqan otandastarymyz da kóp. Tipti keı otbasynyń búkil múshesi de vırýs juqtyrdy. Aýrýhanalar aýzy-murnyna shyǵa tolyp, naýqastarǵa oryn jetpeı jatyr.
Elimizdegi densaýlyq saqtaý salasy naýqastardy emdep, vırýspen kúresýge bar kúsh-jigerlerin jumsap jatyr. Taǵy bir ókinishtisi, dárigerler de Covid-19 juqtyrǵan oqıǵalar tirkeldi. Munyń bári, árıne, densaýlyq saqtaý salasyna úlken kúsh túsirip otyr.
Vırýs eshkimdi tańdamaıdy, laýazymǵa, baılyqqa jáne bılikke, jasqa, kárige, áleýmettik jaǵdaıǵa qaramaıdy. Tipti jaǵadan týǵan nárestelerdiń de koronavırýspen aýyrǵan oqıǵa kezikti.
Sondyqtan, bul indettiń bárimizge qatysty ekenin, halyqtyń densaýlyǵyn saqtap qalý úshin karantındik talaptardy tolyq oryndaýdyń mańyzyn túsinýimiz kerek. Osyndaı zamanda kóptegen otandastarymyzdyń koronavırýs kesirinen qaıtys bolýy júrekti aýyrtady. Bul kórinbeıtin indetpen kúresý bárimizdiń boryshymyz. Sol úshin saqtyq sharalaryn tolyq oryndap, tas túıin júrýimiz qajet.
Ahmet MÝRADOV,
Májilis depýtaty
