Medısına • 03 Shilde, 2020

Jambyl oblysynda dári jáne dárigerler jetispeýshiligi bar

44 ret kórsetildi

Bul kúnde jambyldyq jurtshylyq jedel járdem men medısınalyq mekemelerdiń jumysynyń nasharlyǵyna jıi shaǵymdanatyn boldy. Sonymen qatar, jergilikti turǵyndardy aýrýhanalardaǵy tósek-oryndar men dárihanalardaǵy dári-dármekterdiń jetispeýshiligi de alańdatyp otyr. Osy oraıda, Jambyl oblysynyń ákimi Berdibek Saparbaev óńirdegi bas dárigerlermen, dárihana jelileriniń ókilderimen jáne dıstrıbıýtorlarmen kezdesti, dep habarlaıdy Egemen.kz

Rasynda da atalǵan másele oblys úshin búgingi tańda kúrdeli bolyp tur. Oblystyq densaýlyq saqtaý basqarmasynyń basshysy Marat Jumanqulov provızorlyq stasıonardaǵy tósek qorynyń toltyrylýy shamamen 50 paıyzdy quraıtynyn atap ótti. «Dárigerler az bolǵandyqtan, naýqastardy qabyldaýǵa ýaqyttary jetpeýde», deıdi ol. О́z sózinde Berdibek Saparbaev adamdar aýrýhanaǵa kelip, qabyldaý bóliminde birneshe saǵat kezek kútip otyratynyn, naýqastarǵa qolaıly jaǵdaı jasaýdyń ornyna aýrýhanalar odan saıyn nasharlatatynyn aıtty. Sondyqtan da qabyldaý bólimindegi dárigerler sanyn kóbeıtýdi tapsyrdy.

Jalpy, turǵyndar aýrýhanaǵa jatqyzylǵan soń da tıisinshe em ala almaıtynyna, dári-dármekterdiń jetispeýshiligine shaǵymdanýda. Bul rette «SK-Farmasııa» jaýapkershiligi shekteýli seriktestigi ókildiginiń basshysy Aıjan Tortaeva pnevmonııamen aýyratyn naýqastardyń kóbeıýine baılanysty jýyrda 25,3 mıllıon teńgege shuǵyl dári-dármekter jetkizilgenin atap ótti. Ol óz sózinde medısınalyq uıymdardyń ótinishi boıynsha dári-dármekterdi jetkizý jumystarynyń jalǵasa beretinin aıtty. Sondaı-aq, turǵyndar dárigerlerden týystary týraly aqparat ala almaıtynyn jıi aıtady. Tipti mundaı shaǵym óńirdegi provızorlyq stasıonar bolyp jabdyqtalǵan oblystyq kópsalaly balalar aýrýhanasy dárigerleriniń de ústinen túsken. Atalǵan aýrýhananyń bas dárigeri Azat Sátjanov kemshilikter boıynsha jumystar atqarylǵanyn jetkizdi. Búgingi tańda aýrýhanada jedel ortalyq jumys isteıdi. «Bas dárigerler kabınette tyǵylyp otyrmaı, shyǵyp, adamdarǵa qazirgi jaǵdaıdy túsindirýi kerek. Sonymen qatar, qıyn jaǵdaılardaǵy azamattardyń densaýlyǵyn saqtaý úshin shuǵyl naqty sharalar qabyldaýy tıis», dedi Berdibek Saparbaev. Turǵyndar úshin taǵy bir ózekti másele – jedel járdemdi kútý ýaqytynyń birneshe saǵatqa sozylatyndyǵy. Bul másele de aıtyldy. Al, oblystyq medısınalyq jedel járdem stansııasy bas dárigeriniń mindetin atqarýshy Ulpan Pyhybaeva dıspetcherlik qyzmet júktemesiniń eki esege artqanyn jetkizdi. «Naýqas jedel járdem qyzmetin birneshe saǵat kútetin bolsa, onda kedergisiz medısınalyq kómek týraly aıtýdyń ózi artyq shyǵar. Jedel járdem brıgadalarynyń sanyn kóbeıtý jáne olardyń jumysyn júıeleý qajet», dedi Berdibek Saparbaev.

Búginde jedel járdem stansııasynda call ortalyq jáne keńes berý ortalyǵy jumys isteıdi. Dárigerlerdiń kómeginsiz turǵyndar óz betimen emdele almaıdy. Qazirgi kezde dárihanalarda vırýsqa qarsy jáne qyzý túsiretin dárilerdiń jetispeýshiligi baıqalady. Bul rette dárihanalar jelisiniń ókilderi mundaı jaǵdaıdy turǵyndardyń ózderi qalyptastyryp otyrǵanyn aıtty. Olar dári-dármekterdi saý adamdardyń satyp alyp jatqanyn jetkizdi. Bul rette Berdibek Saparbaev oblystyq densaýlyq saqtaý basqarmasy men oblystyq taýarlar men qyzmetterdiń sapasy men qaýipsizdigin baqylaý departamentine halyq arasynda aqparattyq-túsindirý jumystary tıisti deńgeıde júrgizilmeı otyrǵanyn, sondaı-aq dárihana jelileriniń ókilderine baǵany shekti baǵadan joǵary kóterýge bolmaıtynyn tapsyrdy. 

Jambyl oblysy

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar