Qazaqstan • 03 Shilde, 2020

Halyqqa qyzmet kórsetý ortalyqtary karantın kezinde jumysyn jalǵastyrady

31 ret kórsetildi

HQO-nyń jabylýy týraly jalǵan aqparattyń taralýyna baılanysty, qyzmet alýǵa júginetin azamattardyń sany kúrt ósti. Bul týraly "Azamattarǵa arnalǵan Úkimet" memlekettik korporasııasynyń baspasóz qyzmetinen málim etti, dep habarlaıdy Egemen.kz.

"Azamattardy dúrbeleńge berilmeýge shaqyramyz. Vedomstvoaralyq komıssııanyń sheshimimen HQO-lar shekteý sharalary engizilgennen keıin de sanıtarlyq jáne dezınfeksııalyq talaptardy saqtaı otyryp, óz jumysyn jalǵastyrady.

Qolaısyz epıdemıologııalyq jaǵdaıdy eskere otyryp, halyqqa qyzmet kórsetý ortalyqtarynda qorǵanys sharalary qabyldanyp, front-ofıs ǵımarattarynda azamattardyń jınalýyn boldyrmaýǵa baǵyttalǵan jumystar qolǵa alynǵan.

Búginde oblys ortalyqtarynyń, respýblıkalyq mańyzy bar qalalardyń jáne keıbir aýdan  HQO-larynda qyzmetterdi tek aldyn ala bron jasaý arqyly ǵana alýǵa bolady. Muny egov.kz portaly, eGovKzBot2.0 telegram-botynyń kómegimen nemese 1414 qysqa nómirine qońyraý shalý arqyly jasaýǵa bolady. 

Halyqqa qyzmet kórsetý ortalyqtarynda elektrondy úkimet portalynda qoljetimsiz, tek "qaǵaz" qyzmetter (100-den astam qyzmet) kórsetiledi.

Munyń bári azamattardyń kóptep jınalýyn boldyrmaýǵa jáne vırýs juqtyrý qaýpin azaıtýǵa baǵyttalǵan.

Osyǵan baılanysty, qazaqstandyqtarǵa, múmkindikterinshe, HQO-ǵa barýdan bas tartýǵa jáne balama ádisterdi qoldana otyryp, qyzmetterdi onlaın alýǵa keńes beremiz, ıaǵnı. egov.kz portalyn, eGovMobile mobıldi qosymshasyn nemese eGovKzBot2.0 telegram-botyn qoldanýǵa shaqyramyz.

Jaqyndaryńyz ben óz densaýlyǵyńyzǵa saq bolyńyz", - delingen habarlamada.

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar