Aımaqtar • 03 Shilde, 2020

Almatyda alǵashqy medısınalyq-sanıtarlyq kómek kórsetý kyzmetiniń jumysy kúsheıedi

21 ret kórsetildi

Almaty ákimi Baqytjan Saǵyntaev qalanyń densaýlyq saqtaý júıesi júktemesiniń ósýine oraı alǵashqy medısınalyq-sanıtarlyq kómek kórsetý qyzmetiniń kúsheıtiletini týraly aıtty, dep habarlaıdy Egemen.kz.

Qala basshysy Instagram-daǵy óziniń paraqshasynda sanıtarlyq-epıdemıologııalyq jaǵdaıdy turaqtandyrý sharalary jáne pandemııa jaǵdaıynda qalalyqtarǵa medısınalyq kómek kórsetý týraly jazdy.

"Búginde koronavırýstyń taralýyna baılanysty qalalyq densaýlyq saqtaý júıesiniń barlyq múmkin resýrstary jumyldyryldy. Juqpaly jáne provızorlyq stasıonarlardan bólek negizgi salmaq alǵashqy medısınalyq-sanıtarlyq kómek qyzmetine júkteldi. Eń áýeli osy qyzmetke júgingendikten, bul – medısınalyq kómek kórsetýdiń negizi bolyp tabylady", - dedi B. Saǵyntaev.

Qala ákiminiń málimeti boıynsha, búgingi qalyptasqan jaǵdaıda "vırtýaldy juqpaly aýrýlar aýrýhanasy" ashyldy. Emhanalarda COVID-19 dıagnozy rastalǵan jáne sımptomdary bar pasıentterdi monıtorıngileý boıynsha mobıldi brıgadalar quryldy.

Bulardan ózge, Asfendııarov medýnıversıtetimen birlesip, Kardıologııa jáne ishki aýrýlar ǴZI-nyń bazasynda pasıentterge monıtorıng júrgizetin ortalyq ashyldy.

"Onyń mindeti – qaýip tobyndaǵy pasıentterdi táýlik boıy baqylaý jáne emdeý. Bul bizge ambýlatorlyq deńgeıde, ásirese qarttar arasyndaǵy asqynýlardy azaıtýǵa múmkindik beredi", - dep jazdy B. Saǵyntaev.

Almaty ákimi qalanyń densaýlyq saqtaý júıesine túsip otyrǵan júktemeniń artqany týraly da habarlady. Tek sońǵy aıda qalada JRVI men pnevmonııa aýrýlarynyń sany 5 ese ósti, al bul indettiń kórinisi retinde qarastyrylýda.

Demek, jedel járdem qyzmetine júginýshilerdiń sany da kúrt ulǵaıǵan. Eger mamyr aıynda 2,5 myń qońyraý shalynsa, maýsym aıynda táýligine 4 myńǵa deıin qońyraý túsken. Bir brıgadanyń ortasha táýliktik júktemesi eki esege ósip, 19 shaqyrymdy qurap otyr.

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar