Ony Soltústik Qazaqstan oblysy ákiminiń orynbasary Ǵanı Nyǵymetov ashyp, júrgizip otyrdy. "Elbasy – Tuńǵysh Prezıdent Nursultan Nazarbaevtyń táýelsiz Qazaqstannyń tuǵyryn qalap, irgesiniń bekýine sińirgen eńbegin aıtyp sózben jetkizý múmkin emes. Memlekettik shekarany shegendeýde de ol TMD elderi kóshbasshylarynyń arasynda eń kóp ter tókkenin bárimiz jaqsy bilemiz. Elbasynyń týǵan kúnimen bir kúnde astanaǵa aınaldyrylǵan qazirgi álem tanyǵan Nur-Sultan qalasynyń qalyptasýy men damýyna da onyń sińirgen eńbegi orasan zor. Qazaqstannyń álemdik qaýymdastyqta tanylyp, bedeldi memleket bolýy da Tuńǵysh Prezıdenttiń iskerliginiń arqasynda boldy. TMD elderi arasynda birinshi bolyp EQYU tóraǵasy bolyp qana qoımaı onyń sammıtin ótkizýi, EHRO-2017 halyqaralyq kórmesin Ortalyq Azııada birinshi bolyp jasaýy – álem nazaryn aýdarǵan ǵalamdyq sharalar boldy. Onyń álemdik beıbitshilikti, tynyshtyq pen tatýlyqty saqtaý baǵytyndaǵy bastamalaryn halyqaralyq qaýymdastyq joǵary baǵalaıdy. Keshe ǵana el gazeti "Egemen Qazaqstanda" Prezıdent Q.Toqaevtyń maqalasy jarııalanyp, onyń barlyq isterine ádilettilikpen joǵary baǵa berildi", - deı kelip, Ǵanı Saqtaǵanuly jaman indettiń kesirinen konferensııaǵa qatysyp otyrǵan shekteýli spıkerlerge sóz berdi.
Sonyń ishinde Parlament Májilisiniń eks-depýtattary J.Súleımenov, I.Chırkalın jáne R.Polıshýk Elbasy – Tuńǵysh Prezıdent N.Nazarbaevtyń eńbekteri men táýelsizdiktiń tuǵyryn bekitýdegi eren eńbekteri týraly baıandady.
Al konferensııanyń bir spıkeri bolǵan osy joldardyń avtory Elbasynyń sheteldik saparlaryn "Egemen Qazaqstan" gazetiniń sholýshysy retinde 10 jyl boıy aqparattyq jaǵynan qamtamasyz etkende óz kózimen kórgen tulǵalyq jeke qasıetteri týraly áńgimelep berdi.
Konferensııa onlaın rejiminde oblystyń barlyq óńirine kórsetilip turdy.
QYZYLJAR
