Medısına • 03 Shilde, 2020

Qostanaıdaǵy provızorlyq stasıonar dárigerleri jumysqa shyǵýdan bas tartty

539 ret kórsetildi

Búgin Qostanaı oblysynda indet juqtyrý jaǵdaıy buryn-sońdy bolmaǵan rekordtyq kórsetkishke jetip, bir kúnde birden 48 naýqastan Covid-19 anyqtaldy. Kún sanap asqynyp bara jatqan kúrdeli ahýalǵa qaramastan, bir-eki kún buryn ýaqytsha provızorlyq stasıonar qyzmetine kóshken qalalyq aýrýhananyń birneshe dárigeri jumysqa shyǵýdan bas tartyp otyr. Basty sebep – asa qaýipti aımaq sanalatyn provızorlyq stasıonardaǵy qarapaıym sanıtarlyq talaptardyń saqtalmaýy.

Provızorlyq stasıonarda jumys isteıtin dáriger bir kıgen qorǵanysh kostıýmdi ekinshi qaıtara eshkimge kııýge bolmaıdy. Mundaı kostıým qaýipti sanalatyndyqtan, ony órtep joıyp jiberý kerk. Indet juqtyrmaýdyń buljymas qaǵıdasy osyny talap etedi. Biraq  2 shilde kúni kezekshilikke shyqqan dárigerlerge stasıonar basshylyǵy buryn kıilgen eski qorǵanysh kostıýmderin bergen. Bul kostıýmderdiń keıbiri  jyrtylǵan, bas kıimderi ter sińip kirlep, sarǵaıyp ketken. Ony dárigerlerden alynǵan fotosýretterden aıqyn kórýge bolady. – Munda ókpesi qabynǵan, sýyq tıgen, qyzýy kóterilgen, ishi aýyryp kelgen ár túrli aýyr naýqastar jatyr. Olardan koronovırýsqa arnaıy  analız alynyp, taldaýǵa jiberiledi. Taldaý qorytyndysy shyqqansha, biraz ýaqyt barlyǵy osynda bir palatada birge jatady. Taldaý qorytyndysy boıynsha Covid-19 anyqtalǵan naýqastar osy jerden ınfeksııalyq bólimge jiberiledi. Osy ýaqyt aralyǵynda Covid-19 rastalǵan naýqastyń janyndaǵy adamǵa indet juqtyrýy múmkin-aý degen máselege eshkim bas qatyryp jatqan joq. Basshylyq álgi kostıýmderdi hımııalyq óńdeýden ótkizdik deıdi. Bul ókinishke qaraı qaýipsizdik sharalaryna qaıshy keledi ǵoı. Munyń syrtynda bizde dárigerlerge arnalǵan qorǵanysh shlemi, betperde, respıratorlar jıi jetpeı qalyp jatady. Keıde jaı maska taǵamyz, keıde betimizge dáke orap alýǵa týra keledi.   

1

Bul eń alydmen bizdiń densaýlyǵymyzǵa qaýip tóndiredi. Biz aýyrsaq, ornymyzǵa kim jumys isteıdi? Jaman aıtpaı jaqsy joq, bulaı kete berse, taıaý arady dárigerlerdiń  ishinde indet burq ete qalýy múmkin. Bul indet qoı. Múldem tizgindeýge kelmeıdi. Ony tizgindeý úshin áýeli ózińdi, aınalańdy qaýipsizdendirý kerek. Men palatady jótelip, tynysy tarylyp jatqan naýqastarǵa únemi qıyn bolsa da masqa kıip jatyńyzdar, jıi aýystyryp kıińizder. О́ıtkeni basqalardyń obalyna qalýlaryńyz múmkin dep únemi aıtamyn. Qazir adamdar kún saıyn kóz jumyp jatyr. Biz aldyńǵy shepte júrgen soń, barlyǵyn kórip, bilip júrmiz.

Osyndaı jaǵdaıdan keıin, keshe 3 dárigerge jumystan bas tartýǵa týra keldi. Onyń ishinde 1 hırýrg, 1 jalpy praktıka dárigeri jáne men barmyn. Biraq biz óz kezekshiligimizdi tolyq atqaryp shyqtyq. О́ıtkeni kózimiz kórip tur ǵoı, naýqastarǵa ıne salyp, dári beretin adam joq. Munyń syrtynda, naýqastarǵa psıhologııalyq kómek aýadaı qajet. Barlyǵyn qorqynysh-úreı bılep alǵan. Eshqaısysy óziniń taldaý qorytyndysyn bilmeıdi. Taldaý nátıjeleri uzaq júredi. Tolǵan kúr-kúrs jótel. Keıbireýler otbasymen birge jatyr. Osynyń bárin el áli durys túsinbeı jatyr. О́zimizdi ózimiz qorǵamasaq, onda daýa joq, jappaı qyrylý ǵana qalady, - dedi jumystan bas tartqandardyń biri -   dáriger-travmatolog Roman Lavrınenko.

2

Dárigerdiń  aıtýynsha, provızorlyq stasıonarda qazir mamandar jetispeıdi. Ásirese, medbıkeler tapshy. Sondyqtan keıbir kúnderi 12 saǵat boıy 1 medbıke 40 adamǵa qaraǵan kezder bolǵan. Bizdiń jumystan bas tartýymyzdyń taǵy bir sebebi – osy másele. Bizdiń aýrýhanada qazir bos oryn joq.  Mysaly, keshe biz kezekshilikke shyqqanda, stasıonarda shamamen 210 adam jatty.  Kezekshi dáriger – ekeý-aqpyz. 200 adamǵa 2 adam qalaı em jasaıdy? Múmkin emes qoı. Ary ketkende 1 dárigerge 25-30 naýqastan kelý kerek.   Basshylar dáriger mamandar joq deıdi. Olaı bolsa, ózderi nege shyqpaıdy? Búgingideı aýyr kezeńde kreslosyn tastap, palataǵa shyqsa eshtemesi ketpeıdi. Qazir "ýatsap" arqyly buıryq berip qoıyp, kabınette tyǵylyp otyratyn ýaqyt emes.  

3

Jumystan bas tartqan dárigerlerge emdeý mekemesiniń basshylyǵy bir aılyq aqysyz eńbek demalysyna shyǵýǵa ótinish jazýǵa nemese jumystan múlde ketýge keńes beripti.

Biz bul másele jóninde oblystyq densaýlyq saqtaý basqarmasynyń baspasóz hatshysy Ksenııa Jylqybaevaǵa saýal jiberip edik, eshqandaı jaýap bolmady. 

Qostanaı oblysy

Sońǵy jańalyqtar

Uqsas jańalyqtar