Aımaqtar • 03 Shilde, 2020

Astana qarjy ortalyǵyna 500-kompanııa tirkeldi

27 ret kórsetildi

"Astana" halyqaralyq qarjy ortalyǵy (AHQO) AHQO-nyń qarjylyq qyzmetter kórsetýdi retteý jónindegi komıtetiniń (AFSA) 500-shi kompanııany tirkegenin habarlaıdy, - dep jazady Egemen.kz

Sońǵy jyldary AHQO qarqyny ósip, álemniń 42-den astam eliniń kompanııalary qarjy ortalyǵyna kelip tirkeldi. Atalǵan kompanııalar Qazaqstan, Ulybrıtanııa, AQSh, QHR, RF, Estonııa, Latvııa, Italııa, Fınlıandııa, Ońtústik Koreıa, Sıngapýr, Malaızııa, Úndistan, BAÁ, Túrkııa jáne taǵy basqa da elderden. Búginde mámilelerdi ashyq jáne tıimdi jasasý úshin AHQO óz qatysýshylaryna qarjy quraldary men tetikteriniń keń spektrin usynady.

AHQO ıýrısdıksııasyndaǵy 500-shi kompanııa SWISSFE CENTRAL ASIA LTD boldy. SWISSFE LTD Germanııada, Gollandııada, Avstralııada, AQSh-ta, QHR-da, Úndistanda, Malaızııada, Ulybrıtanııada, Serbııada, Chehııada, Ońtústik Koreıada, Ispanııa men Danııada jyljymaıtyn múlik pen aktıvterdi basqarýmen aınalysatyn jeke menshik jahandyq ınvestısııalyq kompanııa. 2020 jyly kompanııanyń basqarýynda 1,8 mlrd shveısarııalyq frank somasyna aktıvteri bar. SWISSFE LTD ónerkásiptik jáne ınfraqurylymdyq aktıvterge erekshe nazar aýdara otyryp, joǵary sapaly ınnovasııalyq aktıvterge ınvestısııa salady.

"Búgin biz AHQO resmı ashylǵannan 2 jyldan keıin Qazaqstannyń Tuńǵysh Prezıdenti jáne AHQO-nyń negizin qalaýshy Nursultan Nazarbaevtyń qatysýymen bolǵan tarıhı jetistikti atap ótemiz. Osy kezeńdi eńsere otyryp, biz ınfraqurylym qurýdy aıaqtap, endi birtindep iskerlik belsendilikti arttyrý men óńirge ınvestısııa tartýǵa járdemdesýge kóship, damýdyń jańa kezeńine aıaq basqanymyzdy qýana habarlaımyz", dedi AHQO Basqarýshysy Qaırat Kelimbetov.

AHQO qatysýshylary óz qyzmetin bank isi, saqtandyrý, qor naryǵy, aktıvterdi basqarý, jeke bankıng, ıslamdyq qarjylandyrý, nesıelik reıtıngter, zańgerlik keńes berý, býhgalterlik esep, holdıng kompanııalarynyń qyzmeti jáne basqa da salalarda júzege asyrady. Qazirgi ýaqytta AHQO bank sektorynyń aktıvteri 365 mln AQSh dollaryna jetti, kapıtal naryǵy da ósim kórsetti. Al tartylǵan aksıonerlik kapıtal 291 mln AQSh dollaryn qurady.

Sońǵy jańalyqtar

Uqsas jańalyqtar