Qazaqstan • 03 Shilde, 2020

Qazaqstan Magnıtkasynyń elektrondyq fotoshejiresi iske qosyldy

9 ret kórsetildi

"ArselorMıttal Temirtaý" kompanııasynyń qyzmetkerleri alǵashqy shoıynnyń mereıtoıyna oraı Qazaqstan Magnıtkasynyń tarıhyna arnalǵan saıt ázirledi, dep habarlaıdy  Egemen.kz kompanııanyń baspasóz qyzmetine silteme jasap.

Endi kombınat tarıhymen tanysqysy kelgen kez kelgen adam kelesi sileteme boıynsha onlaın fototaspaǵa túsedi - history.arcelormittal.kz. Saıt úshinshi shilde kúni 15 saǵat 7 mınýtta jumys isteı bastady, dál alǵashqy shoıyn shyǵarylǵannan 60 jyldan keıin.

 

Kombınattyń fotoarhıvi domna alǵashqy shoıynyn bergennen buryn bastalǵan. 1959 jyly túsirilgen sýretterden qara metallýrgııa alyby boı kótergen jerde buryn ıeń dala bolǵanyn kórýge boldy. "Metallýrg" gazetinde kombınattyń tarıhı kadrlary jıi jarııalanyp turady, biraq olardyń bárin tolyqtaı bir jerden kórý múmkin emes bolatyn. Onyń ústine, zamanaýı tehnologııalar qolda bar aqparatty júıelendirip, máńgi saqtaýdyń múmkindigin berdi.

Atalmysh ınternet-resýrsty ázirleý ıdeıasy kenetten kelip, kompanııanyń IT-mamandary tarapynan qoldaý tapty. Sáýir aıynda baǵdarlamashylar daıyndyq jumystaryna kiristi, al baspasóz qyzmetiniń qyzmetkerleri Tuńǵysh Prezıdenttiń tarıhı-mádenı ortalyǵynyń ǵylymı qyzmetkerlerimen birlesip saıtty toltyrý úshin aqparat jınaýmen jáne óńdeýmen aınalysa bastady.

– Biz árdaıym bundaı ıgi bastamalardy qoldaımyz jáne tarıhty saqtaý - eń aldymen ózimizge jáne óz Otanymyzǵa degen qurmet dep esepteımiz, - deıdi Tuńǵysh Prezıdent tarıhı-mádenı ortalyǵynyń dırektory Saıda Sargızova. – Biz Elbasy eńbek jolyn bastaǵan kombınattyń tarıhyn "ArselorMıttal Temirtaý" AQ basshylyǵynyń halyqqa jetkizý nıetin qoldadyq.

- Bul óte qyzyqty tájirıbe boldy. Saıtty ázirleý kezinde men tehnıkalyq jumyspen ǵana aınalysyp qoımaı, metallýrgııa kombınaty men Temirtaý tarıhymen tanystym, - deıdi sektor bastyǵy Rýstam Akıshev.

Onyń seriktesi - ınjener-baǵdarlamashy, qosymshalardy ázirleýshi Vlad Dolgopolov elektrondy fotoshejire daıyndaýǵa qatysty.

- Jumys jeńil bolmady, biraq óte qyzyqty boldy, - dep qorytyndylady Vlad.

Sońǵy jańalyqtar

Uqsas jańalyqtar