Aımaqtar • 03 Shilde, 2020

Qaraǵandyda halyqaralyq onlaın-dóńgelek ústel otyrysy ótti

54 ret kórsetildi

Kenshiler astanasynda "Temirtaý – altyn besigim" degen taqyrypta  halyqaralyq onlaın-dóńgelek ústel otyrysy ótti, dep habarlaıdy Egemen.kz. Atalǵan is-shara Temirtaý qalasynyń 75 jyldyǵy men Qazaqstan Magnıtkasynyń 60 jyldyq mereıtoıyn atap ótý aıasynda uıymdastyrylǵan edi.

Vırtýaldy basqosýǵa Zoom arqyly Elbasynyń seriktesteri, Ýkraınadaǵy Kamensk joǵary kásibı ýchılıshesiniń dırektory Vadım Neklese, Qazaqstan Respýblıkasynyń Tuńǵysh Prezıdenti kitaphanasynyń ókili, Qaraǵandy metallýrgııa kombınatynyń burynǵy bas dırektory Oleg Soskoves jáne basqalar qatysty.

Onlaın-dóńgelek ústel otyrysynyń jumysyn júrgizip otyrǵan Qaraǵandy oblysynyń ákimi Jeńis Qasymbek Tuńǵysh Prezıdent-Ult Kóshbasshysy Nursultan Nazarbaev esiminiń elimizdiń astanasy Nur-Sultan men Temirtaý qalalaryn jáne Qazaqstan Magnıtkasyn ózara baılanystyryp turatynyn atap ótti.

"Biz Qaraǵandy oblysynyń Elbasynyń eńbek jáne saıası Otany ekenin maqtan tutamyz. Dál osy jerde Nursultan Ábishuly óziniń kásibı jolyn bastaǵan. О́ziniń aıtýynsha, Temirtaý Elbasynyńómirdegi basty ýnıversıteti boldy. Sonaý 60-shy jyldary taqyr dalada kombınat sehtaryn salǵan, eldiń ekonomıkalyq jáne strategııalyq qaýipsizdigin qamtamasyz ete otyryp, metaldyń rekordtyq tonnalaryn bergen adamdarǵa degen tańdanysymdy shyn júrekten bildirgim keledi. Jastar: "Qazir mundaı adamdar joq, – degeni bar. Men olarmen tolyqtaı kelisemin", – dedi óńir basshysy.

1

Alǵashqylardyń biri bolyp sóz alǵan Ýkraınadaǵy Kamensk joǵary kásibı ýchılıshesiniń dırektory Vadım Neklese oqý ornynda Qazaqstan Respýblıkasynyń Tuńǵysh Prezıdentine arnalǵan murajaı bar ekenin, jalpy bilim mekemesiniń qabyrǵasynda qaıratker tulǵa esiminiń árdaıym laıyqty túrde ardaqtalatynyn atap ótti.

"Nursultan Nazarbaev jas kezinde aqyl-oıynyń erekshe qalyptasýymen, tabandylyǵymen, strategııalyq oılaı bilýimen erekshelengen. Bizdiń muraǵattarda sol ýaqyttaǵy Dneprodzerjınsk gazetiniń bir nómiri saqtalǵan. Ondaǵy maqalada ýchılıshede bir top jas qazaqtardyń oqıtyny jazylǵan. Eń úzdik nátıjelerdi Nursultan Nazarbaev kórsetipti. Tipti, atalǵan maqalamen birge 19 jastaǵy bolashaq Prezıdenttiń toptastaryna domna peshiniń qurylysyn túsindirip turǵan  fotosýreti de qosa jarııalanypty", – dedi ýchılıshe basshysy.

Eske salar bolsaq, qazirgi Kamensk joǵary kásibı ýchılıshesi buryn Dneprodzerjınsk qalasynyń № 8 tehnıkalyq ýchılıshesi bolǵan edi. Munda 1958 jyldan 1960 jylǵa deıin bolashaq Tuńǵysh Prezıdent Nursultan Nazarbaev oqyǵan bolatyn.

Budan keıin Elbasynyń senimdi seriktesteri áńgimeni ári qaraı órbitip, tarıhı máni zor qundy estelikterimen bólisti. Mysaly, Tuńǵysh Prezıdentpen Qaraǵandy polıtehnıkalyq ınstıtýtynda bir topta oqyǵan dosy, Qazaqstan Respýblıkasynyń tuńǵysh Syrtqy ister mınıstri Tóleýtaı Súleımenov Elbasynyń eńbek joly týraly keńinen tarqatyp aıtyp berdi.

"Biz ylǵı da birge boldyq. Birge jumys istedik – aýysymdy bir-birimizden qabyldap alatynbyz. Jataqhanada da birge turyp, jubymyz jazylmaı júrip birge oqydyq. Sońyraq úılený toılarymyzdy jasap, birge toıladyq. Nursultan Ábishuly – sózine berik, dosqa adal adam. Ol erekshe  jaratylǵan jan: kóp dúnıege basqasha kózqaraspen qaraıtyn, alda ne bolatynyn boljaı alatyn qasıetimen daralandy", dep atap ótti Tóleýtaı Súleımenov.

Sondaı-aq, onlaın-dóńgelek ústel jumysynda Elbasynyń seriktesi, Qazaqstan Magnıtkasynda tize qosa birge eńbek etken Qabıdolla Sarekenov, burynǵy seh bastyǵy Edýard Mınıkes, alyp kombınattyń basshysy bolǵan Oleg Soskoves, "ArselorMıttal Temirtaý" AQ atqarýshy dırektory Vadım Basın, QarMTÝ rektory Marat Ibatov jáne basqalar Tuńǵysh Prezıdenttiń qaıratkerlik tulǵasyn asha túsken estelikterimen bólisti, Táýelsiz Qazaqstan memleketiniń myzǵymas irgetasyn qalaǵan eren eńbegi týrasynda paıymdy pikirlerin aıtty.

Sońǵy jańalyqtar

Uqsas jańalyqtar