Aımaqtar • 03 Shilde, 2020

Astana kúni qarsańynda marapattar aldy

83 ret kórsetildi

Búgin "Nur Otan" partııasy fılıaly tóraǵasynyń birinshi orynbasary Ásem Rahmetova partııanyń ortalyq ofısinde "Biz Birgemiz" aksııasyna belsendi qatysqandarǵa Elbasy – Tuńǵysh Prezıdent Nursultan Nazarbaevtyń atynan túrli marapattar tapsyrdy, dep habarlaıdy Egemen.kz.

Sonyń ishinde "Jas Otan" aımaqtyq fılıalynyń basshysy Birjan Qudaıbergenovke jaman indetke qarsy kúreste belsendilik kórsetkeni úshin "Halyq alǵysy" medali berildi. Al respýblıkalyq "Biz Birgemiz" aksııasynyń 12 eriktilerine Elbasy – Tuńǵysh Prezıdent N.Nazarbaevtyń atynan Alǵys hattar berildi. Olardyń arasynda sportshylar, jýrnalıster, qoǵam ókilderi, bıznes qaıratkerleri bar.

Aımaqtyq fılıal tóraǵasynyń orynbasary jıynǵa qatysqandardy Astana kúni meıramymen quttyqtap, bizdiń eldiń barlyq jetistikteri men tabystary qazirgi Nur-Sultan qalasynan órbıtinin atap aıtty. "Búgingi kúni Qazaqstan astanasy – Nur-Sultan qalasy birlik pen turaqtylyqtyń, beıbitshilik pen kelisimniń ortalyǵyna aınalyp otyr. Onyń barlyq qalyptasý jolynda Elbasy N.Nazarbaevtyń qoltańbasy bar. Biz barlyq nursultandyqtarǵa jáne barlyq Qazaqstan halqyna odan ári órkendeý men damý tileımiz", dedi óziniń sózinde Ásem Rahmetova.

"Halyq alǵysy" medalimen marapattalǵan Birjan Qudaıbergenov "Biz Birgemiz" aksııasyna qatysý barysynda atqarǵan qyzmetteri týraly aıtyp berdi. "Biz muhtaj jandarǵa tamaq, qorǵanys quraldaryn ǵana jetkizgen joqpyz, sonymen birge olardy jyly sózimizben qoldap, moraldyq kúsh-qýat berýge tyrystyq. Maǵan berilgen marapat jalǵyz meniń emes, barlyq tobymyzǵa jasalǵan qurmet dep bilemin", dedi ol.

Osy sharada soltústikqazaqstandyq bes belsendi azamat "Nur Otan" partııasy qataryna ótti. Olardyń arasynda jeńil atletıkadan halyqaralyq dárejedegi Qazaqstannyń sport sheberi, Azııa chempıony Irına Ektova da bar.

QYZYLJAR

Sońǵy jańalyqtar

Uqsas jańalyqtar