Qazaqstan • 04 Shilde, 2020

Elorda kúni men Elbasynyń týǵan kúnine jedelhattar kelip túsýde

33 ret kórsetildi

Elbasynyń atyna Elorda kúni men Qazaqstannyń Tuńǵysh Prezıdentiniń 80 jyldyq mereıtoıyna oraı kelip jatqan jedelhattar men hattar legi jalǵasýda. Bul týraly Elbasy.kz habarlady, - dep jazady Egemen.kz

Belarýs Respýblıkasynyń Prezıdenti qazirgi Qazaqstannyń tarıhy, onyń jetistikteri men halyqaralyq bedeli Nursultan Nazarbaevtyń atymen tyǵyz baılanysty ekendigin atap ótti.

"Sizdiń tikeleı basshylyǵyńyzben Qazaqstan halqy áleýmettik-ekonomıkalyq damýda tolaǵaı tabystarǵa qol jetkizdi, álemdik arenada laıyqty bedelge ıe bolǵan memleket quryp, úlken joldy júrip ótti.

Belarýs Respýblıkasynda Sizdiń belorýstar men qazaqtardyń tarıhı dostyǵyna, ózara qurmetke, senim men qoldaýǵa negizdelgen keń aýqymdy ekijaqty qatynastardy qurýǵa qosqan zor úlesińizdi joǵary baǵalaıdy", - delingen A.Lýkashenkonyń jedelhatynda.

Grýzııa Prezıdenti Salome Zýrabıshvılı Elbasyna densaýlyq, baqyt pen tabys tiledi.

"Qazaqstan Respýblıkasynyń memlekettik táýelsizdigin qalyptastyrý jáne nyǵaıtý kezeńi Sizdiń atyńyzben tyǵyz baılanysty. Siz Tuńǵysh Prezıdent retinde batyl sheshim qabyldap jáne kóregen saıasat júrgize otyryp, eldiń derbes damýyn jáne halyqtyń ál-aýqatynyń ósýin qamtamasyz etip, aýqymdy reformalardy júzege asyrý úshin berik negiz qaladyńyz. Sondaı-aq Qazaqstannyń halyqaralyq bedelge qol jetkizýine yqpal ettińiz", - delingen Grýzııa Prezıdentiniń jedelhatynda.

Avstrııa Respýblıkasynyń Federaldyq Prezıdenti Aleksandr Van der Bellen óziniń hatynda Nursultan Nazarbaevtyń Qazaqstannyń halyqaralyq bedelin nyǵaıtýdaǵy jáne qurlyqtaǵy ıntegrasııalyq úderisterdi damytýdaǵy erekshe rólin atap ótti.

Horvatııa Respýblıkasynyń Prezıdenti Zoran Mılovıch, Indonezııa Respýblıkasynyń Prezıdenti Djoko Vıdodo, Sıngapýr Respýblıkasynyń Prezıdenti Halıma Iаkýb, Serra-Leone Respýblıkasynyń Prezıdenti Djýlıýs Maada Bıo Elbasyna jáne kúlli Qazaqstan halqyna myqty densaýlyq pen baq-bereke tiledi. Sondaı-aq barlyq maqsattarǵa jetýine jáne ósip-órkendeı berýine tilektestik bildirip, jyly lebizderin joldady.

Japonııa Premer-Mınıstri Sındzo Abe Qazaqstannyń Tuńǵysh Prezıdentine eki el arasynda yntymaqtastyq ornatýǵa jáne damytýǵa qosqan úlesi úshin alǵysyn bildirdi.

"Sizdi 80 jyldyq mereıtoıyńyzben shyn júrekten quttyqtaımyn.  Ekeýmizdiń aramyzdaǵy jeke senimge negizdelgen Japonııa men Qazaqstannyń ózara tıimdi seriktestigi sátti damyp kele jatqanyna qýanyshtymyn. О́tken jyldyń qazan aıynda mártebeli Imperatordyń taqqa otyrý rásimine qatysqanyńyz úshin Sizge taǵy da alǵys aıtamyn. Sol mańyzdy kúni О́zińizben bolǵan kezdesý ekijaqty qatynastarǵa jańa serpin berdi", - delingen Sındzo Abeniń jedelhatynda.

Vengrııa Premer-Mınıstri Vıktor Orban Nursultan Nazarbaevtyń táýelsiz Qazaqstannyń berik negizin qalaǵanyn atap ótti.

"Siz HHI ǵasyrdyń halyqaralyq saıasatyn jáne jańa álemdik tártipti túsinip qana qoımaı, ony óz halqyńyzdyń ıgiligi jolynda qalaı baǵyttaý kerektigin biletin tulǵasyz. Sondyqtan Sizdi ózime rýhanı jaqyn kóshbasshy sanaımyn. Men únemi bizdiń áńgimelerimizdi jyly sezimmen eske alamyn", - dep jazdy V.Orban.

Sondaı-aq Kanadanyń general-gýbernatory Djýlı Paıett pen Sıngapýrdyń Premer-Mınıstri Lı Sıan Lýn da quttyqtaý hattarynda tolaǵaı tabys pen jańa belester tiledi.

Sońǵy jańalyqtar

Dollardyń búgingi baǵamy belgili boldy

Ekonomıka • Búgin, 09:32

Qaz-qatar qarasózder

Abaı • Búgin, 06:55

«Yzǵar» báıge alǵan kún

Oqıǵa • Búgin, 06:51

Art-ónerge arqaý bolǵan asyl beıne

О́ner • Búgin, 06:45

Alash balasyna ardaqty kún

Abaı • Búgin, 06:42

Tulǵa týǵan topyraq

Qoǵam • Búgin, 06:39

Qazaqtyń rýhanı qubylasy

Abaı • Búgin, 06:34

Sana sáýlesi, júrek juldyzy

Rýhanııat • Búgin, 06:12

Shyn hakim, sóziń asyl – baǵa jetpes

Ádebıet • Búgin, 06:07

Dáripteýge laıyq danalyq

Rýhanııat • Búgin, 05:59

Abaıdy tanytý – boryshymyz

Abaı • Búgin, 05:52

Qyzylordada ınternet-alaıaq quryqtaldy

Tehnologııa • 08 Tamyz, 2020

Uqsas jańalyqtar