Aımaqtar • 04 Shilde, 2020

El júregi – elorda

96 ret kórsetildi

Astana kúni merekesine oraı D.Serikbaev atyndaǵy Shyǵys Qazaqstan Memlekettik tehnıkalyq ýnıversıtetinde bilim ordasynyń rektory Jasulan Shaımardanovtyń bastamasymen "El júregi – Elorda!" atty halyqaralyq dóńgelek ústel ótti. Onlaın rejıminde uıymdastyrylǵan shara barysynda sóz alǵan ýnıversıtet basshysy elordamyzdyń sáýlet ónerinde jańa landshafty estetıkany qalyptastyrǵanyn, sondaı-aq álem aldynda beıbitshilik pen kelisim ortalyǵy retinde tanylǵandyǵyn tilge tıek etti, - dep jazady Egemen.kz

S.Toraıǵyrov atyndaǵy Pavlodar memlekettik ýnıversıteti "Qazaqstan tarıhy" kafedrasynyń meńgerýshisi, tarıh ǵylymdarynyń kandıdaty, dosent Erjan Toraıǵyrov óziniń "Táýelsiz memlekettiń tuńǵysh prezıdenti jáne astanasy" baıandamasynda Elbasynyń aımaqtyq yntymaqtastyq pen qaýipsizdik isine qosqan úlesin atap ótti.

Onlaın jıynǵa elimizdiń ǵalymdarymen qatar Reseı Federasııasynan professor, tarıh ǵylymdarynyń doktory, shyǵystaný kafedrasynyń meńgerýshisi, Barnaýl qalasyndaǵy Altaı memlekettik ýnıversıteti «Qazaqstan joly jáne N.Nazarbaev» qurmetti kafedrasynyń meńgerýshisi Iýlııa Lysenko da qatysty. Ol eki el arasyndaǵy saıası-ekonomıkalyq, əleýmettik, mədenı baılanystardy nyǵaıtýdaǵy basty múdde sanaıtynyn jetkizdi. "Eki el arasyndaǵy qarym-qatynasymyz ózara baı tarıhymyzǵa negizdelgen jáne san márte ýaqyt synynan ótken" dep pikirin bildirdi.


О́z kezeginde sóz alǵan spıkerler Qazaqstan-Amerıkandyq erkin ýnıversıteti ǵylymı jáne joǵary oqý ornynan keıingi bilim jónindegi prorektory, zań ǵylymdarynyń kandıdaty Iýlııa Gavrılova jáne quqyq jáne halyqaralyq qatynastar kafedrasynyń aǵa oqytýshysy Marjan Tájıeva orys, aǵylshyn tilderinde baıandama jasady.

Spıker fılosofııa ǵylymdarynyń kandıdaty, Shákárim ýnıversıtetiniń dosenti Aızat Muqataeva "Qazaq órkenıetti ǵasyrlar toǵysynda" baıandama jasady. Baıandama barysynda qazaq halqynyń tarıhynda erekshe sıpatqa ıe bolǵan oqıǵalarǵa toqtalyp, ózindik órkenıet qalyptastasqandyǵyn jan-jaqty taldap kórsetti.

Al, Qazaqstan Respýblıkasy jáne Reseı Federasııasynyń tarıh ǵylymdarynyń kandıdaty, D.Serikbaev atyndaǵy ShQMTÝ UAO dosenti Qansha Qalıeva "Qazaqstan tarıhyndaǵy astanalar" baıandamasynda Qazaqstannyń osy kúnge deıingi astanasy bolǵan qalalar týraly qyzyqty málimettermen bólisti.

Qazaqstan Jazýshylar jáne Jýrnalıster odaǵynyń múshesi Aınur Senbaeva Elordanyń mádenıet, ǵylym men bilim salasyndaǵy jetistikterine toqtalyp ótse, "Saryarqanyń tórinde júzege asqan jasampaz ıdeıa" atty baıandamasynda S. Amanjolov atyndaǵy ShQMÝ-dyń Qazaqstan tarıhy kafedrasy meńgerýshisiniń mindetin atqarýshy, tarıh magıstri Ásem Áýbákirova elordanyń damý tarıhyn jan-jaqty qarastyrdy. Is shara sońynda qatysýshylar dóńgelek ústel jumysynyń mańyzdylyǵy men ózektiligine toqtalyp, ózara pikir almasty.

Sońǵy jańalyqtar

Dollardyń búgingi baǵamy belgili boldy

Ekonomıka • Búgin, 09:32

Qaz-qatar qarasózder

Abaı • Búgin, 06:55

«Yzǵar» báıge alǵan kún

Oqıǵa • Búgin, 06:51

Art-ónerge arqaý bolǵan asyl beıne

О́ner • Búgin, 06:45

Alash balasyna ardaqty kún

Abaı • Búgin, 06:42

Tulǵa týǵan topyraq

Qoǵam • Búgin, 06:39

Qazaqtyń rýhanı qubylasy

Abaı • Búgin, 06:34

Sana sáýlesi, júrek juldyzy

Rýhanııat • Búgin, 06:12

Shyn hakim, sóziń asyl – baǵa jetpes

Ádebıet • Búgin, 06:07

Dáripteýge laıyq danalyq

Rýhanııat • Búgin, 05:59

Abaıdy tanytý – boryshymyz

Abaı • Búgin, 05:52

Qyzylordada ınternet-alaıaq quryqtaldy

Tehnologııa • 08 Tamyz, 2020

Uqsas jańalyqtar