Aımaqtar • 04 Shilde, 2020

Arqalyqta etanoldan ýlanyp 9 adam kóz jumdy

529 ret kórsetildi

Qostanaı oblysy polısııa departamentiniń baspasóz qyzmeti alǵash 11 adam etıl spırtinen  ýlanyp mert boldy degen málimet taratyp edi. Araǵa 1-2 saǵat salyp, densaýlyq saqtaý departamenti olardyń ekeýiniń tiri qalǵanyn habarlady, - dep jazady Egemen.kz

"Bizge bir táýliktiń ishinde alkogoldi ishimdikten ýlanǵan 11 adam kelip tústi. Aýrýhanaǵa jetkizilgende bári ess-tússiz kúıde boldy. Toǵyz adam  aqyry esin jııa almady. Jedel qolǵa alynǵan emdeý jáne reanımasııalyq sharalarǵa qaramastan, ókinishke qaraı, 9-y da jan tapsyrdy. Qazir jan saqtaý bóliminde asa aýyr jaǵdaıda 2 adam jatyr. Ekeýi de alkogolden ýlanǵan. Soǵan qaramastan, búgin bir naýqastyń kórý qabileti qalpyna keldi.

Ýlanǵandardyń árqaısy  ár túrli mekenjaıdan. Ekeýi keńshardan jetkizildi. Jas mólsherleri de, áleýmettik jaǵdaılary da ár túrli. Arasynda shańyraq qurǵanyna kóp bola qoımaǵan jap-jas erli-zaıyptylar da bar. О́kinishke qaraı, artyndaǵy balalary tul jetim qaldy", - dedi densaýlyq saqtaý basqarmasynyń baspasóz hatshysy Ksenııa Jylqybaeva.

 


Qostanaı oblysy

Sońǵy jańalyqtar

Uqsas jańalyqtar