Keshe Qazaqstan Respýblıkasy Ulttyq qaýipsizdik komıteti Ǵylymı-zertteý ınstıtýtynyń uıymdastyrýymen «Qazaqstannyń ulttyq qaýipsizdigi: qazirgi zamandaǵy qaýip-qaterler» atty respýblıkalyq ǵylymı-tájirıbelik konferensııa boldy. Ol atalǵan ınstıtýttyń qurylǵanyna on jyl tolýyna oraı ushtastyryldy. Konferensııany UQK Ǵylymı-zertteý ınstıtýtynyń dırektory, zań ǵylymdarynyń doktory Qaıyrtaı Shegirov ashyp, júrgizdi.
Keshe Qazaqstan Respýblıkasy Ulttyq qaýipsizdik komıteti Ǵylymı-zertteý ınstıtýtynyń uıymdastyrýymen «Qazaqstannyń ulttyq qaýipsizdigi: qazirgi zamandaǵy qaýip-qaterler» atty respýblıkalyq ǵylymı-tájirıbelik konferensııa boldy. Ol atalǵan ınstıtýttyń qurylǵanyna on jyl tolýyna oraı ushtastyryldy. Konferensııany UQK Ǵylymı-zertteý ınstıtýtynyń dırektory, zań ǵylymdarynyń doktory Qaıyrtaı Shegirov ashyp, júrgizdi.
Konferensııanyń taqyryby meńzep otyrǵandaı, onda elimizdiń ulttyq qaýipsizdigi men oǵan tónetin qazirgi zamandaǵy qaýip-qaterler máselesi ortaǵa salyndy. Minberge kóterilgen baıandamashylar osy qaýipsizdik aıasynda óz oılaryn ashyq aıtyp, qaýip-qaterlerdiń aldyn alý men ony boldyrmaý joldaryn talqylady. «Biz ekonomıkaǵa jáne qoǵamǵa qajetti jańa ıdeıa, bilim, ǵylymı ashylymdar men tehnologııalyq jańalyqtardy bere alatyn tıimdi ǵylymı júıeni qurýymyz kerek» dep Elbasy aıtqandaı, bul oraıda sóz sóılegen Prezıdent janyndaǵy adam quqyqtary jónindegi komıssııa tóraǵasy, Parlament Májilisiniń depýtaty, saıası ǵylymdar doktory, Qýanysh Sultanovtyń oryndy pikirleri men dáleldemeleri jınalǵandarǵa úlken oı saldy. Depýtat buryn aıtylmaı kele jatqan ıdeologııalyq alýandyq týraly jáne qaýipsizdikti saqtaý máselelerin jan-jaqty taldap, ashyp berdi. Memlekettiń qaýipsizdigine qaýip-qaterler, baıqaǵan adamǵa el ishinen emes, syrttan keletinin, olardyń «qoı terisin» jamylyp, iritki salatynyn, halyqtyń áleýmettik qorǵalmaǵan álsiz toptaryn, jumyssyzdardy, sanasy qatpaǵan jastardy, bıliktiń, ásirese, quqyq qorǵaý organdarynyń qaısybir qoqan-loqysy men dóreki de ádiletsiz dóń-aıbatynan jábir kórgenderdi tez ózderine tartyp, paıdalanatynyn jasyrmady. Sondyqtan memlekettiń halyq úshin jasap jatqan qyzmeti ár adamnyń ıgiligi úshin arnalýy jáne osy baǵytta aldyn alý jumystaryn júrgizý qajettiligin, sonda ǵana syrttan keletin aramza kúshterge jol bermeýge bolatynyn, demek qaýipsizdik máselesin saqtaýda burynǵy KSRO-dan qalǵan keıbir amal-tásilderdi doǵaryp, jańa Qazaqstannyń jańa baǵytyna saı is-áreket jasaý kerektigin alǵa tartty.
Bul oraıda, jasyratyny joq, dál qazirgi kúni óz qamy, el qamy úshin beıbit jumys istep júrgen adamdardy ashyndyrmaý kerek ekendigi basty másele bolyp turǵany anyq. Memlekettiń el úshin arnaǵan ár jaqsylyǵyn bar adam birdeı kórýi tıis. Áıtpese ádiletsizdikti, zańnyń oryndalmaıtyndyǵyn sezingen adam bılikke senimsizdik tanytady. Bul narazylyq týdyrady. Onyń arty adamnyń ashynýyna soqtyrady. Mine, osyndaı jaǵdaıdy iritki salatyndar der mezetinde paıdalanady. Keshegi gúldenip turǵan Mysyr eli ne boldy, Sırııanyń endi jaǵdaıy ne bolmaq? Demek, quqyq qorǵaý organdaryna oılanatyn máseleler óte kóp. Memlekettiń jaqsylyǵy keıbir adamdarǵa nelikten tolyqqandy jetpeı jatqandyǵyn tereń zerttegen jón. Sóıtip qoldan ádiletsizdikti týdyratyn, zańdy burmalaıtyn, belden basatyn sheneýnikterdi túgel áshkereleý qajet. Mine, sonda ǵana elge tóngen qaýip-qaterlerdiń aldyn alýǵa ábden bolady.
Konferensııada ornyqtylyq pen turaqtylyqty nyǵaıtý – memlekettiń ulttyq qaýipsizdigin qamtamasyz etýdegi eń basty faktory ekendigi týraly Parlament Senatynyń depýtaty, Áleýmettik-mádenı damý jónindegi komıtet tóraǵasy, saıası ǵalymdar doktory Aqan Bıjanov aıtyp berdi. Sondaı-aq, ulttyq qaýipsizdik máseleleri men jastar arasyndaǵy qazirgi jaǵdaı jóninde Parlament Májilisiniń depýtaty, Áleýmettik ǵylymdar akademııasynyń vıse-prezıdenti, saıası ǵylymdar doktory, professor Kamal Burhanov sóz sóıledi. Sóıtip, bul konferensııa aıasynda ulttyq qaýipsizdikti qamtamasyz etýdiń qalyptasýy, derekkózdermen tolyǵýy, Qazaqstannyń ulttyq qaýipsizdigine tónetin qaterdiń sıpaty jáne qaýiptilik deńgeıimen baılanysty máseleler, atalǵan saladaǵy jańa baǵyttar qaralyp, talqylandy. Sondaı-aq, Qazaqstannyń ulttyq qaýipsizdigin qamtamasyz etýdiń qoǵamdyq, saıası, ekonomıkalyq, áskerı jáne aqparattyq aspektileri jan-jaqty saralandy.
Aleksandr TASBOLATOV,
«Egemen Qazaqstan».
