Aımaqtar • 04 Shilde, 2020

Elorda kúni qarsańynda Shymkentte 9 ınvestısııalyq joba iske qosyldy

21 ret kórsetildi

Elorda kúni merekesi qarsańynda Shymkent qalasynda 9 ınvestısııalyq óndiris orny iske qosyldy. Ashylý saltanatyna qala ákimi Murat Áıtenov  onlaın rejımde qatysty, - dep jazady Egemen.kz

Onlaın-jıynda Murat Dúısenbekuly jańadan ashylyp jatqan kásiporyndarmen tikeleı efırde baılanysqa shyǵyp, eńbek ujymdarymen pikir almasty. Shahar basshysy óz sózinde elimizde memleket tarapynan kásipkerlikke joǵary qoldaý jasalyp otyrǵanyna toqtalyp, nátıjesinde úshinshi megapolıste jańa jumys oryndarynyń ashylyp jatqanyn atap ótti. 

"Búgingi tańda Shymkent qalasy ónerkásip pen saýdanyń, mádenıet pen órkenıettiń qalasy bolyp sanalady. Minekı, Astana kúni merekesi qarasańynda qala aýmaǵynda birneshe jańa ınvestısııalyq óndiristik jobalar iske qosyldy. Qalamyzdaǵy ónerkásip kásiporyndary «Bıznestiń jol kartasy-2025» jáne ekonomıkanyń basym salalaryn damytýdaǵy «Qarapaıym zattar ekonomıkasy» memlekettik qoldaý baǵdarlamalary sheńberinde júzege asyrylýda. Elimizdiń mundaı jetistikterge jetýi Tuńǵysh Prezıdentimiz Nursultan Ábishuly Nazarbaevtyń syndarly saıasatynyń arqasy", dedi qala ákimi.

Elorda kúnine oraı Shymkent qalasy aýmaǵynda iske qosylǵan jobalardyń jalpy quny 2,5 mlrd teńgeni quraıdy. Sonyń nátıjesinde jalpy 140 adam jumyspen qamtylǵan. Olarǵa toqtalsaq, "QagazOrdasy" JShS - A4, A3, A2 formattaǵy qaǵaz óndirý fabrıkasy; "NURTAU distributioncompany" JShS – shokoladty kámpıt jáne saǵyz shyǵaratyn kondıterlik fabrıka qurylysy; "PROF AKS" JShS – shyny paketterge arnalǵan alıýmınıı  dıstansııalyq jaqtaýlar óndirisi; "NEW TECHNOLOGY" JShS - dızeldik generator zaýytynyń qurylysy; "Arman Agro" ShQ - kólemi 3.7 ga óndiristik jylyjaı; "Záýre" ShQ - kólemi 3 ga óndiristik jylyjaı; "Keremet Sapa" jshs – Intensıvti alma baǵy; "KKK" JShS – qus fermasy; "Normýhamedov" JK - bal óndirý.

Aıta ketsek, qazirgi tańda qala aýmaǵynda qurylys ındýstrııasy, jeńil ónerkásip, mashına jasaý, metallýrgııa, munaı-hımııa óndirisi jáne t.b. salalarda 600-den asa ónerkásip kásiporyndary jumys isteıdi. Qalada 426 gektar aýmaqta "Ońtústik" jáne "Tassaı" ındýstrııalyq aımaqtary ornalasqan. Aımaqtarda 6 myńnan asa jumys ornyn quraıtyn 125,6 mlrd.teńgege 124 joba júzege asyrylýda. Onyń ishinde, 69,1  mlrd.teńgege 81 joba iske qosylyp, búginde 4 myńnan asa jumys orny ashyldy.

Sonymen qatar, 200 gektar aýmaqta "Ońtústik" arnaıy ekonomıkalyq aımaǵy tabysty jumys isteýde. Aımaqta 3 myńnan asa jumys ornyn quraıtyn 90,1 mlrd.teńgege 42 joba iske asyrylýda. Búgingi tańda 30,8 mlrd.teńgege 17 joba iske qosylyp, 1,5 myń jańa jumys orny ashyldy. 

Onlaın-jıyn sońynda Murat Dúısenbekuly barlyq qala turǵyndary men qonaqtaryn Elorda kúni merekesimen quttyqtady. Sondaı-aq karantın sharalaryn qatań saqtap, densaýlyqtaryn kútýge shaqyrdy.

Sońǵy jańalyqtar

M.Áıtenov "Shymkent" ÁKK" AQ jumysyn synǵa aldy

Ońtústik Qazaqstan • Búgin, 19:23

Bıyl Madrıd marafony ótpeıdi

Sport • Búgin, 15:15

Qashqyn taýdyń qoınaýyndaǵy qazyna

Týrızm • Búgin, 15:07

Jerlesterimiz Máskeýde aıqasady

Sport • Búgin, 15:00

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Uqsas jańalyqtar