Aımaqtar • 04 Shilde, 2020

Elordada Ulttyq qorǵanys ýnıversıtetiniń magıstranttaryna ofıserlik shen tapsyryldy

27 ret kórsetildi

Nur-Sultanda Qorǵanys mınıstrligi áskerı joǵary oqý oryndarynyń úzdik túlekterine ofıserlik shen tapsyrý saltanatty rásimi ótti. Bul týraly mınıstrliktiń baspasóz qyzmeti habarlady, - dep jazady Egemen.kz

Qorǵanys mınıstri general-leıtenant Nurlan Ermekbaevtyń qolynan Qurlyq áskerleri áskerı ınstıtýtynyń, Radıoelektronıka jáne baılanys áskerı-ınjenerlik ınstıtýtynyń 10 túlegi leıtenant shenin aldy.

Qorǵanys vedomstvosynyń basshysy jas ofıserlerge áskerdiń tótenshe jaǵdaı jáne karantın rejımin qoldaýǵa qatysqanyn eske salyp, myńdaǵan áskerı qyzmetshilerdiń kúshimen ortaq qaýipsizdikti qamtamasyz etý úshin mańyzdy is-sharalar ótkizilgeni týraly aıtty.

"Sizder jáne basqa da leıtenanttardy oqýdyń sátti aıaqtalýymen jáne áskerı mamandyqty ıgerýimen quttyqtaımyn.

Osy kúrdeli kezeńde el men álem úshin Qarýly Kúshter pandemııamen kúreske belsendi qatysýda. Arnaıy bólimshelerdiń kúshimen myń shaqyrym joldy, eldi mekenderdiń turǵyn úı jáne áleýmettik nysandardy zalalsyzdandyrý jumystary jalǵasýda.

Tótenshe jaǵdaı kezinde áskerı qyzmetshiler patrýldeý jáne tosqaýyl beketterinde qyzmet atqardy. Olardyń arasynda qoıylǵan mindetterdi abyroımen oryndaǵan kýrsanttar da boldy. Áskerı dárigerler adamdardy koronavırýstan emdeýge kúsh salyp jatyr. Áskerı-kólik avıasııasy júzdegen otandastardy evakýasııalap, gýmanıtarlyq kómekti jetkizý jalǵasýda.

Sonymen qatar, áskerı qyzmetshiler Túrkistan oblysy Maqtaral aýdanynyń sý basqan aýyldaryndaǵy avarııalyq-qutqarý jumystaryna qatysty.

Osynyń barlyǵy Qarýly Kúshterdiń negizgi mindetterine kirmeıdi, áıtse de, elimizdiń ıgiligi úshin biz áskerlerdi daıyndaýp azamattarymyzdyń qaýipsizdigin odan ári qamtamasyz etetin bolamyz", – dedi ol.

Mınıstr jas ofıserlerge odan ári qyzmette tabys pendensaýlyq tiledi.

Jas ofıserlerdiń árbiri úshin bul erekshe kún. Olar áskerı ǵylym men bilimdi tereń meńgerip, ózderiniń áskerı mamandyqtarynyń jańa daǵdylaryn oqydy. Endi munyń bárin is júzinde júzege asyrý mindeti tur.

Aıta keteıik, 2020 jyly Qurlyq áskerleriniń áskerı ınstıtýty 390 leıtenant, Radıoelektronıka jáne baılanys áskerı-ınjenerlik ınstıtýty 141 leıtenant, Áýe qorǵanysy kúshteriniń áskerı ınstıtýty – 15 áskerı medısına ofıserin, al qazan aıynda JOO – da ushý jáne ınjenerlik mamandyqtardyń 113 kýrsanty oqýyn aıaqtaıdy

QR Tuńǵysh Prezıdenti – Elbasy atyndaǵy Ulttyq qorǵanys ýnıversıtetinde magıstratýra ofıserleriniń 22-shi shyǵarylymy ótti

Bıylǵy jyly 141 magıstrant, onyń ishinde Tájikstan Qarýly Kúshteriniń alty ókili jáne UQShU-ǵa múshe memleketterdiń Qarýly Kúshteri úshin áskerı kadrlardy birlesip daıarlaý sheńberinde oqýdan ótken Qyrǵyzstannyń eki ofıseri ózderiniń magıstrlik jumystaryn sátti qorǵady.

Magıstranttar oqytýshylarǵa, ádiskerlerge, ǵylymı jetekshilerge kórsetken shydamdylyqtary, oqý úderisinde tilektestik qarym-qatynasy jáne jeke kózqarasy úshin alǵystaryn bildirdi. Olar ýnıversıtette alǵan jáne jetildirgen bilim men bilikterin armııanyń qorǵanys qabiletin jáne áskerı yntymaqtastyqty nyǵaıtýǵa baǵyttalatynyna sendirdi.

Elorda kúni qarsańynda Ulttyq qorǵanys ýnıversıtetinde Qazaqstannyń Tuńǵysh Prezıdenti – Elbasy monýmenti saltanatty túrde ashyldy.

Sol kúni Almatyda Radıoelektronıka jáne baılanys áskerı-ınjenerlik ınstıtýty kýrsanttarynyń 14-shi shyǵarylymy ótti. 141 kýrsant JOO-da segiz mamandyq boıynsha oqýyn aıaqtap, toǵyz kýrsant úzdik dıplom ıegeri atandy.

Sońǵy jańalyqtar

M.Áıtenov "Shymkent" ÁKK" AQ jumysyn synǵa aldy

Ońtústik Qazaqstan • Búgin, 19:23

Bıyl Madrıd marafony ótpeıdi

Sport • Búgin, 15:15

Qashqyn taýdyń qoınaýyndaǵy qazyna

Týrızm • Búgin, 15:07

Jerlesterimiz Máskeýde aıqasady

Sport • Búgin, 15:00

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Uqsas jańalyqtar