Parlament Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Ikram Adyrbekov Grýzııanyń Qazaqstandaǵy elshisi Zýrab Pataradzemen kezdesti, dep habarlady osy palatanyń baspasóz qyzmeti.
Parlament Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Ikram Adyrbekov Grýzııanyń Qazaqstandaǵy elshisi Zýrab Pataradzemen kezdesti, dep habarlady osy palatanyń baspasóz qyzmeti.
Kezdesýde Qazaqstan men Grýzııanyń ózara aýqymdy is-qımyly, onyń ishinde eki eldiń zań shyǵarý organdary arasyndaǵy yqpaldastyq máseleleri talqylandy. I.Adyrbekov joǵary deńgeıdegi saıası únqatysý jáne ekonomıkalyq yntymaqtastyqtyń zor áleýetin atap ótti.
Z.Pataradze ekijaqty ózara is-qımyldyń jaǵdaıy jáne Astanadaǵy Grýzııa elshiliginiń aǵymdaǵy qyzmeti týraly habardar etti. Grýzın tarapy parlamentaralyq baılanystardy, ásirese, yntymaqtastyq jónindegi parlamenttik toptar deńgeıinde údetýge ázir, dedi dıplomat.
Júzdesýshiler kedendik ákimshilendirý, kólik, týrızm, memlekettik organdar arasyndaǵy tájirıbe almasý jáne mádenı-gýmanıtarlyq salalardaǵy ózara is-qımyl máselelerine egjeı-tegjeıli toqtaldy.
Z.Pataradze bıylǵy qazan aıynyń sońynda ótetin prezıdenttik saılaý qarsańyndaǵy Grýzııanyń áleýmettik-ekonomıkalyq damýy jáne ishki saıası jaǵdaıy týraly áńgimeledi.
Kezdesýge sondaı-aq, Senattyń Qarjy jáne bıýdjet komıtetiniń hatshysy Ertarǵyn Astaev qatysty.
