Aımaqtar • 04 Shilde, 2020

Nur-Sultanda alǵashqy áleýmettik nysandar kógildir otynǵa qosyldy

47 ret kórsetildi

Nur-Sultan qalasynda tabıǵı gaz berilip, alǵashqy áleýmettik nysandar men jeke turǵyn úıler qosyldy. Kóktal-1 turǵyn úı  alabynda "Sharapat" áleýmettik qyzmet kórsetý ortalyǵy, №29 mektep jáne birqatar jeke úıler gazǵa qosyldy. Tehnıkalyq qosylý gaz taratý jelileriniń jeke úıler men ǵımarattardy gazǵa qosýǵa daıyn ekendigin kórsetti. Basqa tutynýshylardy qosý rásimi iske qosý-jóndeý jumystary aıaqtalǵannan keıin jalǵasady. Bul týraly qala ákimdiginiń resmı saıty habarlady, - dep jazady Egemen.kz

Osylaısha, Jeleznodorojnyı turǵyn úı alabynda gazben jabdyqtaý taratý jelileriniń 96%-y salyndy. JEO-1/2, turǵyn úı alaptarynda tikeleı úılerge jelilerdi burý boıynsha jumystar júrgizilýde.

"Elorda kúni qarsańynda erekshe qýanyshty jaǵdaıdy atap ótken jón.  Bizge kógildir otyn  keldi. Pesh jaǵyp kórgen jandar ǵana  bizdi túsinedi. Qysta aspanymyz tútinnen kórinbeıtin. Endi bári ózgeredi. Kóktal turǵyndary - negizinen qart adamdar. Endi olarǵa áldeqaıda jeńil bolady, kómir satyp alýdyń qajeti joq ", - dedi Kóktal-1  turǵyny Galına Antonıýk.

Jeleznodorojnyı turǵyny Sáýle Júnisova Elbasyna tarıhı joba úshin alǵys aıtty: "Tabıǵı kógildir otynǵa qosylý biz úshin umytylmas oqıǵa". Elorda ákimi Altaı Kólginov bıylǵy  jylytý maýsymynda gaz taratý jelileri jeke sektordaǵy 8 myń úıge tartylatynyn atap ótti.

"Gazdandyrý - Tuńǵysh Prezıdentimizdiń tarıhı jobasy. "Bes áleýmettik bastamanyń" biri. Elordaǵa ótken jyly 1 myń shaqyrym magıstraldy gaz qubyry tartyldy. Gazdandyrý Memleket basshysynyń baqylaýynda. Bıyl biz 8 myń jeke úıge gaz taratý jelilerin salýdy josparlap otyrmyz. Búgin Astana kúni qarsańynda alǵashqy áleýmettik nysandar men úıler gazǵa qosyldy. Kóktal 1,2, Agrogorodok, Promyshlennyı, Jeleznodorojnyı jáne Ońtústik-shyǵys aýdanynda aǵymdaǵy jylytý maýsymynda birinshi kezeńde gaz júrgiziledi. Sondaı-aq, JEO - 1/2 gazǵa aýystyrylady", - dedi qala ákimi Altaı Kólginov.

Ákimdik qala turǵyndary úshin tegin esepteýishter ornatýdy qarastyrýda. Turǵyndarǵa gaz taratý jelilerine qosylý úshin pesh daıyndaý qajet. О́ndiristik sektor men turǵyn úı alaptaryn gazdandyrý 3 kezeńde júrgiziledi. Ekinshi kezeńde gaz Mıchýrıno, Internasıonalnyı, Kúıgenjar (1-2 PK), Telman (3-PK), Prıgorodnyı, Garden Village jáne Family Village (4-PK) turǵyn alaptaryna ótkiziledi. Úshinshi kezekte Ilınka (1-2-shi PK), Shubar (3-shi PK), О́ndiris (4-shi PK) turǵyn alaptary gazdandyrylatyn bolady. Iske asyrý merzimi - 2020-2023 jyldarǵa josparlanǵan. Elordany gazdandyrý qalaǵa zııandy qaldyqtardy 6 esege, qatty zattardy – 40 myń tonnaǵa deıin azaıtýǵa múmkindik beredi.

Sońǵy jańalyqtar

M.Áıtenov "Shymkent" ÁKK" AQ jumysyn synǵa aldy

Ońtústik Qazaqstan • Búgin, 19:23

Bıyl Madrıd marafony ótpeıdi

Sport • Búgin, 15:15

Qashqyn taýdyń qoınaýyndaǵy qazyna

Týrızm • Búgin, 15:07

Jerlesterimiz Máskeýde aıqasady

Sport • Búgin, 15:00

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Uqsas jańalyqtar