Aımaqtar • 04 Shilde, 2020

Almatydaǵy Saıran kóline shomylýǵa tyıym salyndy

34 ret kórsetildi

Búgin Almaly aýdanynyń ákimdiginde Almaty qalasynda bıylǵy jyldyń 5 shildesinen 20 shildesine deıingi kezeńde epıdemıologııalyq jaǵdaıdy turaqtandyrý úshin engiziletin shekteý sharalary kezinde jumystaryn toqtatyn nysandar týraly aıtyldy, - dep jazady Egemen.kz

Almaly aýdanynda kelesi nysandardyń qyzmetine ýaqytsha tyıym salyndy:

• Ishterinde azyq-túlik sýpermarketteri, dárihanalar jáne jazǵy terassalary bar jáne kiretin esigi bólek stasıonarly tamaqtaný nysandarynan basqa, 25 SOO, SO jáne SÚ tyıym salynǵan;

• Jeńil konstrýksııaly shatyr astynda ornalasqandardan basqa, jabyq azyq-túliktik jáne azyq-túliktik emes bazarlar;

• 19 dinı nysan;

• 39 kompıýter klýby;

• 4 kınoteatr;

• 309 sulýlyq salony jáne shashtarazdar;

• oıyn-saýyq mekemeleri.

Sonymen birge, SPA-ortalyqtar, qoǵamdyq monshalar, saýnalar, massaj kabınetteriniń qyzmeti toqtatyldy, barlyq sport nysandaryna, bilim berý ortalyqtaryna, balalardyń túzetý kabınetterine, mektepke deıingi mekemelerge (kezekshi toptardan basqa), balalardyń bos ýaqytyn ótkizý jáne qosymsha oqytý oryndaryna, fýdkorttarǵa, banket zaldaryna, aýmaǵy 500 sharshy metrden asatyn azyq-túliktik emes dúkenderge tyıym salynǵan, alaıda tapsyrysty jetkizip berýge ruqsat etilgen.

Sondaı-aq, Saıran kóline sýǵa túsýge tyıym salynǵan.

Qyzmetterine ruqsat etilgen uıymdardyń, kásiporyndardyń basshylaryna menshik ıesiniń formasyna qaramastan, nysandarda kúsheıtilgen sanıtarlyq-dezınfeksııalyq rejımdi oryndap, qyzmetkerlerdiń de, kelýshilerdiń de sanıtarly-karantındi jáne shekteý sharalaryn saqtaýyn qamtamasyz etý kerek.

Aýdandyq ákimdikte habarlaǵandaı, karantın kezinde joldyń júretin bóligine, trotýarlarǵa, adamdar kóp júretin oryndarǵa irgeles ornalasqan aýmaqtarǵa, skverlerdegi oryndyqtarǵa jáne shaǵyn arhıtektýralyq formalarǵa, saıabaqtarǵa, jasyl aımaqtarǵa, konteınerli qoqys alańdaryna, 11 jerasty jáne 1 jerústi jaıaý júrginshilerdiń ótpe joldaryna dezınfeksııa júrgiziledi.

Aýdanda quramyna Taýarlar men qyzmetterdiń sapasy men qaýipsizdigin baqylaý aýdandyq basqarmasynyń, jergilikti polısııa qyzmeti jáne aýdandyq ákimdik qyzmetkerleri engen mobıldi toptar sanıtarly-karantın talaptarynyń jáne qatań shekteý sharalarynyń saqtalýyn qamtamasyz etý boıynsha monıtorıng jáne baqylaý júrgizedi.

 

Almaly aýdanynyń turǵyndaryn oqshaýlaný qaǵıdasyn, maska rejımi men áleýmettik qashyqtyqty qatań ustanýǵa shaqyrady.

Sońǵy jańalyqtar

M.Áıtenov "Shymkent" ÁKK" AQ jumysyn synǵa aldy

Ońtústik Qazaqstan • Búgin, 19:23

Bıyl Madrıd marafony ótpeıdi

Sport • Búgin, 15:15

Qashqyn taýdyń qoınaýyndaǵy qazyna

Týrızm • Búgin, 15:07

Jerlesterimiz Máskeýde aıqasady

Sport • Búgin, 15:00

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Uqsas jańalyqtar