Buǵan deıin resmı organdardyń ózi mert bolǵandardyń sanyn birese 9, birese 11 adam kórsetip edi, eń sońǵy naqty málimet osy. Departamenttiń baspasóz qyzmeti Aqmola oblysynda da 4 adam osy spırttiń kesirinen kóz jumǵanyn habarlady.
Tergeý barysynda jalpy sany 17 adamnyń ómirin jalmaǵan ýly spırt Aqmola oblysynda ornalasqan sehta quıylǵan. Qazir polısııanyń 3 kúdiktini ustaǵany belgili bolyp otyr. Olardan satýǵa daıyndalǵan spırttiń bir bóligi tárkilenip alynǵan. Munyń syrtynda, Arqalyq polıseıleri qaladaǵy 4 dúńgirshekten spırtke uqsas 46 lıtr suıyqtyq tapqan. Sondaı-aq, bir kásipkerden spırt quıylǵan 5 lıtrlik 408 plastıkalyq quty tárkilenip alyndy.
Alaıda kúdiktiler adam ómirine asa qaýipti ónimniń kóbin satyp úlgergen. Sondyqtan polısııa ýly spırttiń saýda oryndarynda jasyryn saýdalaný múmkindigin joqqa shyǵarmady.
"Biz azamattardy qaıdan shyqqany beımálim, kúmándi alkogoldi ónimderdi satyp alýdan aýlaq bolýǵa shaqyramyz" dep habarlady PD.
Qostanaı oblysy
