Aımaqtar • 05 Shilde, 2020

Soltústik Qazaqstanda eki aýdannyń ákimi aýysty

51 ret kórsetildi

Pandemııaǵa qarsy kúreste keıbir aýdandardaǵy jergilikti bılik joǵary deńgeıdegi uıymdastyrýshylyq tanyta almaı otyr. Osy sebepti bolsa kerek, Prezıdent Q.Toqaevtyń jaman indetten saqtaný sharalaryn kúsheıtýdi tapsyrǵan mindetinen keıin Soltústik Qazaqstan oblysynyń ákimi Qumar Aqsaqalov birden eki aýdannyń ákimderin aýystyrdy. Osy aýdandardyń eldi mekenderindegi turǵyndar arasynda indettiń bas kóterýi birshama joǵary bolatyn, - dep jazady Egemen.kz

Almaty Halyq sharýashylyǵy ınstıtýtyn 1986 jyly bitirgen Qaırat Sákenuly Pishenbaev buǵan deıin «Azyq-túlik korporasııasy» jabyq aksıonerlik qoǵamynda, odan keıin Aqjar, Qyzyljar jáne Maǵjan Jumabaev aýdandarynyń ákimi bolǵan tájirıbeli basshy. Sosyn «Nur Otan» partııasy oblystyq fılıalynyń birinshi orynbasary boldy. Sońǵy bes jylda ol Memlekettik eńbek ınspeksııasy basqarmasynyń basshysy qyzmetin atqardy. Endi ol Ýálıhanov aýdany máslıhaty depýtattarynyń biraýyzdan qoldaýymen osy aýdanǵa ákim boldy. Jınalǵandar aldynda sóılegen sózinde Qumar Aqsaqalov tutastaı alǵanda qazir oblys ekonomıkasynda oń dınamıkalyq ózgerister baryn atap ótti. Sonyń ishinde aýylsharýashylyǵynyń ósimi 2,5%. Bul kórsetkish Ýálıhanov aýdanynda da ósim kórsetýde. Et, sút ónimderi jáne jumyrtqanyń ósimi turaqty. 2019 jyly astyq alý boıynsha gektar berekeligi gektarynan 17,5 sentnerden aınaldy. Aýdannyń egistik aýmaǵynyń ball bonıteti tómen bolǵanymen «Danııar» fermerlik sharýashylyǵy sııaqty kásiporyndar gektarynan 20 sentnerge deıin astyq jınady. Byltyr júrgizilgen tekseriske qaraǵanda aýdan aýmaǵyndaǵy 60,4 myń ga jaıylym jer qoldanylmaıtyny belgili boldy. Ǵaryshtyq monıtorıng onyń bes ese kóp ekenin, barlyǵy 342,6 myń ga ekenin anyqtap otyr deı kelip, Q.Aqsaqalov jańa ákimge bos jatqan aýylsharýashylyǵy jerlerin boldyrmaýdy qadaǵalaý kerek ekendigin tapsyrdy. Sonymen birge aýdan fermerleriniń jańa tehnıkalar alýǵa qulyqsyzdyǵy kórinip tur. Mysaly, byltyr 98 dana ǵana tehnıka alynǵan, al bul aýdannan jeri az Mamlıýt aýdany ýálıhandyqtardan eki ese kóp jańa tehnıkalar alypty. Sonymen birge Qumar Irgebaıuly aýdandaǵy kásipkerlerdiń jartysynan kóbi mal sharýashylyǵy óndirisimen aınalysqanymen áli kúnge birde-bir taýarly-sút fermasynyń joq ekendigine nazar aýdardy. «Qazir oblysta 7 taýarly-sút fermalary bar, olar sút óndirý boıynsha aımaqtaǵy tý ustaýshylar bolyp otyr. Qaırat Sákenuly, osy másele sizdiń únemi nazaryńyzda bolsyn», dep ol naqty tapsyrma berdi. Sonymen birge ol 10 myń malǵa shaqtalǵan «Jáke» ShQ mal semirtý alańy jobasyn iske asyrý kerektigin aıtty. 

Byltyr oblysta ónerkásip óndirisi 6,9% ósip, 111,5 mlrd. teńgeniń ónimi shyǵarylǵan bolsa, aýdanda birde-bir joba iske asyrylmaǵan. Sonymen birge aýdan tamaq ónimderin shyǵarý jóninen oblysta 12-shi oryn alady. «Sondyqtan osy baǵyttaǵy jumystardy jedel qolǵa alý kerek. Aýdannyń áleýeti aýylsharýashylyǵy ónimderin óńdeýge, mal bordaqylap, et óndirýge, ekologııalyq jaǵynan taza tamaq ónimderin shyǵarýǵa ábden jetedi. Osy máseleler sizdiń jumysyńyzdyń basty baǵyty bolýy tıis», dep atap kórsetti oblys basshysy jańa ákimge.

Aýdandaǵy birshama damyp kele jatqan óndirisi salasy – qurylys. Byltyr ol oblysta  8%  artyp, 15,2 mlrd. teńgeniń qurylysy turǵyzylǵan. Sonyń ishinde 42,2 myń sharshy metr turǵyn úı paıdalanýǵa berilipti. Jumys kúshi artyq óńirlerden qonys aýdarǵandarǵa arnap aýdan ortalyǵy Kishkenekól men Jambyl aýyldarynda 26 úı turǵyzylǵan. Sonymen birge ákim bıyl aýdandaǵy Kókterek, Jas-Ulan, Mortyq, Jambyl, Aqbulaq sııaqty bes aýylǵa «Bılaın» baılanysy tartylatynyn aıtty. Bul 4 myńdaı adamnyń osy zamanǵy baılanysqa qol jetkizýine múmkindik bermek. Sondaı-aq aýdannyń úsh aýylynyń joldary jóndelmek. Jalpy aýdannyń jolyn jóndeýge sońǵy úsh jylda tek 457 mln. teńge bólinse bıyl odan eki jarym ese artyq qarajat qarastyrylǵan. Bul 13 myń adam turatyn 12 aýyldyń jol qatynasyn jaqsartýǵa múmkindik beredi. Aýyz sý máselesi de bıyl birneshe aýylda sheshimin tabady. Sonyń  ishinde Qýlykól jáne Qaratal aýyldaryna sý jetkiziledi.

Qumar Aqsaqalov densaýlyq saqtaý máselesine de toqtalyp, bul salany qarjylandyrý sońǵy úsh jylda 1,5 ese artqanyn aıtty. Byltyr aýdandyq aýrýhananyń balalar bólimi jóndelgen, 76,2 mln. teńgege medısınalyq jabdyqtar alynǵan. Olardy jańartýǵa bıyl taǵy 50,4 mln. teńge qarastyrylǵan. Al bilim berý salasyna toqtalǵanda ákim byltyr oblys boıynsha 142 ǵımarattyń jóndelgenin aıtty. Osynyń arqasynda balalardyń syrqattanýy 41% azaıdy, al bilim sapasy 5% ósken. Sóziniń sońynda Qumar Irgebaıuly jańa ákimniń jumysyna sáttilik tiledi.

Dál osy kúni oblys ákiminiń birinshi orynbasary Marat Tasmaǵanbetov oblys ákiminiń ókimimen Shal aqyn aýdanyna ákim bolyp taǵaıyndalǵan Rahat Smaǵulovty aýdandyq máslıhat depýtattaryna tanystyrdy. Onyń ómirbaıanymen tanysyp, eńbek jolyn kórgen depýtattar kandıdatqa biraýyzdan kelisimderin berdi.

 

Soltústik Qazaqstan oblysy

Sońǵy jańalyqtar

M.Áıtenov "Shymkent" ÁKK" AQ jumysyn synǵa aldy

Ońtústik Qazaqstan • Búgin, 19:23

Bıyl Madrıd marafony ótpeıdi

Sport • Búgin, 15:15

Qashqyn taýdyń qoınaýyndaǵy qazyna

Týrızm • Búgin, 15:07

Jerlesterimiz Máskeýde aıqasady

Sport • Búgin, 15:00

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Uqsas jańalyqtar