Aımaqtar • 05 Shilde, 2020

Nur-Sultanda 8 jylǵa sozylǵan qurylys aıaqtaldy

24 ret kórsetildi

Nur-Sultanda Elorda kúni qarsańynda qurylysy uzaqqa sozylǵan nysan paıdalanýǵa berildi. Segiz jyl boıy salynǵan "Stolıchnyı-2" turǵyn úı kesheniniń qurylysy aıaqtalyp, 200-den astam úleskerdiń máselesi sheshildi. Bul týraly qala ákimdiginiń resmı saıty habarlady, - dep jazady Egemen.kz

Elorda ákimi Altaı Kólginovtyń aıtýynsha, bıyl kóppáterli 20 turǵyn úı kesheni paıdalanýǵa beriledi, demek 8 myń úlesker kópten kútken páterlerin alady.

"Stolıchnyı-2" turǵyn úı úleskerleri 8 jyldan astam ýaqyt óz páterin kútti. Ár uzaq salynyp jatqan qurylyspen biz jeke jumys jasap jatyrmyz. Nysandardy aralap kóremiz, qurylys qalaı júrip jatqanyn tekserip, qandaı sheshim qabyldaý qajet ekenin eskerip otyramyz. Sizdermen de kezdesip, usynystaryńyzdy tyńdadyq. О́tken jyly sizderde senimsizdik bolǵany esimde. Al qazir sizder erekshe qýanyp tursyzdar. Endi óz páterińizge kire alasyzdar. Úleskerlerdiń máselesi Memleket basshysynyń baqylaýynda. Pandemııaǵa qaramastan, qurylysshylar qatań sanıtarııa normalaryn saqtaı otyryp, qurylys jumystaryn jalǵastyrýda. Bıyl taǵy 8 myń úleskerdiń máselesin sheshemiz, kóppáterli 20 turǵyn úı keshenin salyp, paıdalanýǵa beremiz.

Taǵy bir másele – "Terrıtorııa komforta-1" turǵyn úı kesheni. Ol 2004 jyldan beri tur. Tehnıkalyq tekseris ǵımarat apatty jaǵdaıda ekenin anyqtady. Turǵyndardyń qaýipsizdigi úshin ǵımaratty buzý týraly sheshim qabyldandy. Ornyna jańa turǵyn úı kesheniniń qurylysy júrgizilýde. 500-den astam adam úlesker atandy. Sonymen qatar, uzaq ýaqyt salynyp jatqan "Shyǵys", "Jaǵalaý" turǵyn úıleri de bar. Ár nysan boıynsha naqty jospar bar», – dedi qala ákimi Altaı Kólginov.

"Stolıchnyı-2" turǵyn úı kesheniniń úleskeri Janar Dúısenova ýaqyt óte, tipti, úıden úmitin úzgenin aıtady. "Kóp jyl boıy óz páterimizdi kútip, tipti úmitimiz úzildi. 8 jyl boıy bul máselemen barmaǵan jerimiz qalmady. Mine, 2020 jyl – biz úshin erekshe jyl boldy. Biz óz páterimizdi aldyq. Qatty qýanyp júrmiz. Barshańyzdy kele jatqan Elorda kúnimen quttyqtaımyn! О́mirde qýanyshty sátter kóp bolsyn", – deıdi úlesker.

Sońǵy jańalyqtar

M.Áıtenov "Shymkent" ÁKK" AQ jumysyn synǵa aldy

Ońtústik Qazaqstan • Búgin, 19:23

Bıyl Madrıd marafony ótpeıdi

Sport • Búgin, 15:15

Qashqyn taýdyń qoınaýyndaǵy qazyna

Týrızm • Búgin, 15:07

Jerlesterimiz Máskeýde aıqasady

Sport • Búgin, 15:00

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Uqsas jańalyqtar